អ្នកគ្រប់គ្រង (Manager) គឺជាបុគ្គលដែលមានសិទ្ធិសម្រេចចិត្តក្នុងការប្រើប្រាស់ធនធានរបស់ស្ថាប័ន និងជាបុគ្គលដែលធ្វើការពាក់ព័ន្ធនឹងមុខងារសំខាន់ៗ ដូចជាការធ្វើផែនការ ការរៀបចំចាត់ចែង ការដឹកនាំ និងការត្រួតពិនិត្យនូវរាល់សកម្មភាពនានាដើម្បីធ្វើឱ្យសម្រេចបាននូវគោលដៅរបស់ស្ថាប័ននោះ។ អ្នកគ្រប់គ្រង ត្រូវបានចាត់ទុកជាមនុស្សដ៏សំខាន់នៅក្នុងស្ថាប័ន ដែលចាំបាច់ត្រូវមានសមត្ថភាព និងភាពឈ្លាសវៃក្នុងការដឹកនាំស្ថាប័នឆ្ពោះទៅរកគោលដៅដែលបានកំណត់។
ជំនាញសំខាន់ៗដែលអ្នកគ្រប់គ្រងត្រូវមាន៖
១. ជំនាញគំនិតប្រាជ្ញា
- ការកែលម្អការដោះស្រាយបញ្ហា ឬការធ្វើសេចក្ដីសម្រេចចិត្ត
- វិភាគភាពខ្លាំង និងភាពខ្សោយរបស់ស្ថាប័ន
- យល់ដឹងឲ្យបានកាន់តែប្រសើរអំពីគោលដៅរបស់ស្ថាប័ន
- រៀនសូត្របន្ថែមទៀត អំពីសកម្មភាព និងសេចក្ដីត្រូវការរបស់ស្ថាប័នដទៃ
- រៀនសូត្របន្ថែមទៀត អំពីបរិយាកាសខាងក្រៅ ឱកាស និន្នាការ និងការប្រកួតប្រជែង
- បង្កើតគំនិតថ្មីដល់ស្ថាប័នរបស់អ្នកដែលកំពុងអនុវត្ត។
២. ជំនាញមនុស្ស
- ធ្វើឲ្យទំនាក់ទំនងកាន់តែប្រសើរឡើង
- ញញឹមឲ្យបានកាន់តែច្រើនឡើង
- ស្វែងយល់ពីមនុស្សដែលអ្នកធ្វើការជាមួយឲ្យកាន់តែល្អប្រសើរឡើង
- ស្វែងយល់អំពីមនុស្សទូទៅឲ្យកាន់តែល្អប្រសើរឡើង និងរៀនសូត្រអំពីចិត្តសាស្ត្រ ឬសង្គមវិទ្យា
- ស្ដាប់មនុស្សនិយាយឲ្យបានច្រើន និងពិនិត្យមើលការយល់ដឹងរបស់មនុស្ស
- ចំណាយពេលចងមិត្តភាពល្អឲ្យបានច្រើន សិក្សាជំនាញពីមនុស្សម្នាក់ទៅមនុស្សម្នាក់ទៀត
- មានទំនុកចិត្តឲ្យបានកាន់តែច្រើន ធ្វើការងារជាក្រុមឲ្យកាន់ប្រសើរឡើង តាំងចិត្ត អត់ធ្មត់។
៣. ជំនាញបច្ចេកទេស
- អានសៀវភៅដឹកនាំ – ការគ្រប់គ្រង ការអនុវត្ត កុំព្យូទ័រ
- បង្កើនសមត្ថភាពភាសាបរទេស ជាពិសេសភាសាអង់គ្លេស និងភាសាសំខាន់ៗផ្សេងទៀតតាមរយៈការអានអក្សរ ឬហាត់សរសេរឲ្យបានច្រើន
- ធ្វើបច្ចុប្បន្ននូវបច្ចេកវិទ្យាថ្មីក្នុងកន្លែងរបស់ស្ថាប័ន
- សិក្សាពីរបៀបដែលស្ថាប័នដទៃប្រើប្រាស់ឧបករណ៏ នីតិវិធី (ទម្រង់បែបបទ) ឬបច្ចេកទេសចាំបាច់ទៅតាមកន្លែង។
សៀវភៅ ការគ្រប់គ្រង និងអភិវឌ្ឍស្ថាប័ន
