ជំងឺធ្លាក់ទឹកចិត្ត គឺជាការធ្លាក់ចុះនៃអារម្មណ៍ដែលនាំឱ្យមានការក្រៀមក្រំ បាត់បង់ភាពសប្បាយរីករាយ និងបាត់បង់ការចាប់អារម្មណ៍លើវត្ថុផ្សេងៗជុំវិញខ្លួន។ មូលហេតុដែលបណ្តាលឱ្យកើតមានជំងឺធ្លាក់ទឹកចិត្ត គឺបណ្តាលមកពីបាត់បង់អ្វីមួយ ដូចជាការបាត់បង់មនុស្សជាទីស្រលាញ់ ប្រាក់កាស ការបាត់បង់ទ្រព្យសម្បត្តិ ផ្ទះសំបែង ឬក៏ការងារ ទារុណកម្ម មានការរំលោភបំពាន ការរងភាពអាម៉ាស់ ជាដើម។ ជំងឺនេះ គឺជាជំងឺផ្លូវចិត្តធ្ងន់ធ្ងរមួយដែលបណ្តាលឱ្យមានទុក្ខព្រួយយូរ និងបាត់បង់ចំណាប់អារម្មណ៍លើសកម្មភាពប្រចាំថ្ងៃ។...
