មេរៀនជីវិតពីមនុស្ស ៧ ប្រភេទ ដែលអ្នកតែងឱ្យតម្លៃ និងបានបង្រៀនអ្នក

២. ឪពុក

អ្នកដែលថែរក្សាអ្នក ចិញ្ចឹមអ្នកការពារអ្នក ណែនាំអ្នក និងចង់ឃើញអ្នករីករាយ ក្លាយជាមនុស្សល្អ គឺឪពុករបស់អ្នក។ មានរឿងរ៉ាវលំបាកជាច្រើនដែលលោកឆ្លងកាត់ដើម្បីរក្សា និងផ្តល់ភាពកក់ក្តៅដល់កូនៗ ដែលពេលខ្លះអ្នកអាចមិនដឹង។ ដូច្នេះ ការ​គោរព និងការតបស្នងសងគុណលោក ជារឿងមួយដែលអ្នកមិនអាចមើលរំលងផងដែរ។

៣. បងប្អូន

បន្ទាប់ពីឪពុកម្តាយអ្នកដែលនៅក្បែរអ្នក ការពារអ្នក ចែករំលែកអនុស្សាវរីយ៍រីករាយ និងទុក្ខសោកជាមួយអ្នកនោះ គឺបងប្អូន។ ពួកគេបង្រៀនអ្នកនូវអ្វីដែលជាតម្លៃការចេះជួយទុក្ខធុរៈគ្នាចែករំលែក ការពារ សាមគ្គីគ្នា ដែលជាបទពិសោធន៍ក្នុងជីវិតរបស់អ្នក។

៤. កូនៗរបស់អ្នក

ជាមនុស្សដែលអ្នកបានផ្តល់កំណើតជាមនុស្សដែលបង្រៀនអ្នកឱ្យចេះទទួលខុសត្រូវក្នុងនាមជាឪពុកម្តាយ។ បន្ថែមពីនោះ ពួកគេក៏បានឱ្យអ្នកយល់នូវតម្លៃនៃការផ្តល់ក្តីស្រលាញ់ ការទំនួលខុសត្រូវ សន្សំសំចៃ និងគិតគូរដល់កូនៗជាមុនផងដែរ។

៥. យាយតា

គាត់ឪពុកម្តាយរបស់ប៉ាម៉ាក់របស់អ្នក គាត់ក៏ជាអ្នកផ្តល់ក្តីស្រលាញ់ធំធេងដល់អ្នកជាចៅផងដែរ។ បន្ថែមពីនោះ គាត់ក៏អ្នកផ្តល់ដំបូន្មាន ជាមនុស្សមានបទពិសោធន៍ ណែនាំ និងអប់រំទូន្មានអ្នកផងដែរ ក្នុងការរស់នៅ និងអនាគត។ មេរៀនពីបទពិសោធន៍នានារបស់លោក នឹងបង្រៀនអ្នកបានវៃឆ្លាត និងចេះគ្រប់គ្រងបញ្ហានានាជាច្រើនក្នុងជីវិត ហើយអ្នកក៏គួរមានពេលនៅក្បែរពួកគាត់ឱ្យបានច្រើនផងដែរ តាមលទ្ធភាពដែលអាចធ្វើបាន។

៦. មិត្តភក្តិ

ជាអ្នករាប់អាន អ្នកដែលបង្រៀនអ្នកនូវបទពិសោធន៍ជាច្រើនផងដែរ ទាំងល្អ និងអាក្រក់។ ក្នុងការរស់នៅ ការសេពគប់ គឺតែងពឹងអាស្រ័យគ្នាទៅវិញទៅមក ដូចនេះ មិត្តភក្តិ អាចដឹកនាំអ្នកទៅផ្លូវល្អ (កល្យាណមិត្ត) ចេះចែករំលែក ចេះជួយធុរៈ និងគ្រាអាសន្ន ចេះជួយគ្នាឱ្យរីកចម្រើន អ្នកនឹងជួបទន្ទឹមនឹងនោះ ក៏អាចជួបនឹងមិត្តមិនល្អផងដែរ (បាបមិត្ត) ដូចជានាំអ្នកដើរលេងច្រើន ហ៊ឺហារគ្មានគោលដៅ ឬមួយដល់ថ្នាក់នាំប្រព្រឹត្តអំពើអបាយមុខផ្សេងៗដែលសង្គមស្អប់ខ្ពើមជាដើមដែលអ្នកគួរចៀសឆ្ងាយពីរឿងនេះ។

៧. ដៃគូជីវិត

ជាមនុស្សដែលរួមដំណើរជីវិតជាមួយអ្នកផ្តល់ក្តីស្រលាញ់ មើលថែរក្សាអ្នក និងខិតខំរីកចម្រើនទៅមុខជាមួយអ្នក។តម្លៃរបស់គូជីវិត ក៏បានបង្រៀនអ្នកផងដែរ ឱ្យយល់ពីតម្លៃនៃការលះបង់ ការផ្តល់ក្តីស្រលាញ់និងការសន្តោស ឬអាធ្យាស្រ័យកំហុសឆ្គងណាមួយដែលកើតឡើងផងដែរ។ 

អត្ថបទទាក់ទង

​គ្រូ​ដើមចំនួន​ ៤ ​ដែល​ធ្វើ​ឲ្យ​ជីវិត​អ្នក​រីក​ចម្រើន