ពាក្យសម្ដីអត់ប្រយោជន៍ចំនួន ៥ ដែលថ្នាក់ដឹកនាំមិនចង់ស្តាប់ពីបុគ្គលិកក្រោមបង្គាប់
សម្ដី សំ-ដី ( ន. ) ពាក្យដែលស្ដី, ដែលនិយាយ, ភាសា: សម្ដីពីរោះ, សម្ដីទន់; ចេះសម្ដី ។ សម្ដីសំដៅ (ម. ព. សំដៅ ប.) ។ ព. ទ. បុ. សម្ដីជាឯកលេខជាទោ អក្សរជាត្រី ចេះសម្ដីទុកជាទី ១ ចេះវិជ្ជាលេខទុកជាទី ២ ចេះសរសេរអក្សរល្អជាទី ៣ គឺការពូកែសម្ដីប្រសើរជាងការពូកែវិជ្ជាលេខនិងការពូកែសរសេរអក្សរល្អ ។ សម្ដី-សជាតិ មារយាទសត្រកូល (ម. ព. ស ២ កិ.) ។ សរសេរជា សំដី ក៏បាន។
ថ្នាក់លើគ្រប់រូប ពិតជាចង់ឃើញបុគ្គលិករបស់ខ្លួនធ្វើការឲ្យអស់ពីលទ្ធភាព និងខិតខំទោះបីជាជួបបញ្ហាច្រើនប៉ុណ្ណាក៏ដោយ ព្រោះបើបុគ្គលិកអាចធ្វើបែបនេះបាន នោះគ្មានអ្វីដែលការងារមិនអាចសម្រេចបាននោះទេ។ ផ្ទុយទៅវិញ ពាក្យសម្ដីអត់ប្រយោជន៍មួយចំនួន ថ្នាក់ដឹកនាំពិតជាមិនត្រូវការស្តាប់ពីបុគ្គលិកក្រោមបង្គាប់ឡើយ៖
១. មិនចង់ធ្វើទេ
នៅពេលបុគ្គលិកនិយាយថា មិនចង់ធ្វើទេ មានន័យថា ពួកគេកំពុងបង្ហាញពីភាពគ្មានឆន្ទៈក្នុងការបំពេញការងារនោះឡើយ។ ដូច្នេះហើយ បើអ្នកជាបុគ្គលិក មិនគួរប្រើពាក្យនេះឡើយ ប៉ុន្តែត្រូវខិតខំធ្វើវាឲ្យអស់ពីលទ្ធភាព ទោះជោគជ័យក្តី មិនជោគជ័យក្តីដើម្បីបញ្ជាក់ថា អ្នកពិតជាស្រលាញ់ការងារខ្លាំង។
២. រវល់ណាស់
បុគ្គលិកមួយចំនួន ចូលចិត្តប្រើពាក្យថា «រវល់»ដើម្បីដោះសាមិនចង់ធ្វើកិច្ចការណាដែលលំបាក។ ដូច្នេះថ្នាក់ដឹកនាំនឹងកត់សម្គាល់លើបុគ្គលិកទាំងនោះ ថាតើពួកគេរវល់ពិត ឬមួយក៏ខ្ជិល។
៣. សុំទោសញឹកញាប់
ថ្វីត្បិតតែពាក្យសុំទោស គឺជាពាក្យសំខាន់ដែលត្រូវតែនិយាយនៅពេលធ្វើខុស ប៉ុន្តែថ្នាក់ដឹកនាំមិនសប្បាយចិត្ត និង មិនត្រូវការស្តាប់រហូតនោះឡើយ ព្រោះកាលណាឭកាន់តែច្រើន មានន័យថា មានអ្នកធ្វើកាន់តែច្រើនដែរ។ ដូច្នេះវាជាពាក្យដែលអ្នកគ្រប់គ្រាន់មិនចង់ស្តាប់ច្រើនពេកនោះទេ តែចង់ឲ្យបុគ្គលិកខិតខំធ្វើការឲ្យអស់ពីសមត្ថភាពវិញ។
៤. ហេតុអ្វីផ្តល់ប្រាក់ខែខ្ញុំតិចជាងគេ
ក្នុងក្រុមហ៊ុននីមួយៗ ស្តង់ដារប្រាក់ខែគឺមិនដូចគ្នានោះទេហើយ បុគ្គលិកទាំងអស់ក៏មិនអាចមានប្រាក់ខែស្មើគ្នាដែរ។ បុគ្គលិកមួយចំនួនចង់បានតែប្រាក់ខែខ្ពស់ ប៉ុន្តែមិនដែលបំពេញការងារឲ្យខ្ពស់នោះទេ ដូច្នេះហើយ ថ្នាក់លើក៏មិនអាចផ្តល់ប្រាក់ខែល្អបានដែរ ព្រោះក្រុមហ៊ុនជាកន្លែងស្វែងរកផលចំណេញ។
ប្រភព៖ www.actioncoachtampabay.com
អត្ថបទទាក់ទង