គុណសម្បត្តិ ៥ យ៉ាង ដែលអាចឲ្យអ្នកក្លាយជាអ្នកដឹកនាំវ័យក្មេង
ភាពជាអ្នកដឹកនាំ គឺសំដៅលើបុគ្គលដែលមានឥទ្ធិពលក្នុងការគ្រប់គ្រង និងចាត់ចែងកិច្ចការ ព្រមទាំងបង្កើតយុទ្ធសាស្ត្រ ដើម្បីឲ្យអ្នកក្រោមបង្គាប់អនុត្តតាមចំពោះការងារប្រកបដោយប្រសិទ្ធភាព និងប្រសិទ្ធផល។
ការសិក្សាមួយបានរកឃើញថា អ្នកដឹកនាំវ័យក្មេង កំពុងជាតម្រូវការយ៉ាងខ្លាំង ក្នុងសម័យកាលឌីជីថលនេះ។ តួនាទីដឹកនាំសំខាន់ៗ ត្រូវការសក្ដានុពលដ៏ក្លៀវក្លាផ្នែកវិទ្យាសាស្ត្រ បច្ចេកវិទ្យា និងការច្នៃប្រតិដ្ឋមិនចេះរីងស្ងួត ដែលនាំមកនូវការគោរពព្រមដើរតាមឆ្ពោះទៅរកគោលដៅ មិនថានៅក្នុងវ័យក្មេងបែបណាក្តី។ ប្រសិនបើអ្នកមានគុណសម្បត្តិខាងក្រោមនេះ នោះអ្នកមានឱកាសច្រើនក្នុងការក្លាយជាមេដឹកនាំ៖
១. ខ្លាំងទំនាក់ទំនងសង្គម
កុំគិតថា អ្នកខ្លាំងទំនាក់ទំនងសាធារណៈនៅពេលដែលអ្នកមានលុយច្រើន ហើយមានគេមករាប់រក។ នេះគ្រាន់ជារូបភាពបំភ័ន្ត។ បណ្ដាញនេះជាបណ្ដាញក្លែងក្លាយ។ ពួកគេគ្រាន់តែរំភើបនឹងភាពមានបានរបស់អ្នក គ្មានអ្វីលើសពីនេះឡើយ។ ប្រសិនអ្នកនៅក្មេង ហើយគ្មានលុយ តែមានគេព្រមស្ដាប់ព្រមចងបណ្ដាញទៅវិញ អ្នកជាមេដឹកនាំពិតប្រាកដនិងដ៏អស្ចារ្ស។ បង្កើតបណ្តាញធំ អាចជួយបង្កើនល្បឿននៃការរៀនសូត្ររបស់អ្នកធ្វើឲ្យក្លាយជាអ្នកដឹកនាំដែលមានប្រសិទ្ធភាពជាងមុន។
២. បង្ហាញគុណតម្លៃផ្ទាល់ខ្លួន
យោងតាមអត្ថបទមួយរបស់ទស្សនាវដ្ដីអាជីវកម្ម Harwad អ្នកដឹកនាំវ័យក្មេង ត្រូវធ្វើឲ្យមិត្តរួមការងារយល់ឃើញពីភាពពិសេសដ៏កម្ររករបស់ពួកគេនៅកន្លែងធ្វើការ យកចិត្តទុកដាក់ចំពោះសុខុមាលភាពក្រុម ចេះបង្វឹកការស្ដាប់ឲ្យច្រើនជាងនិយាយ ហើយគិតបានវែងឆ្ងាយជានិច្ចអំពីវិធីដាក់ក្រុមរបស់ខ្លួន ឲ្យទទួលបានការចាប់អារម្មណ៍ លេចធ្លោក្នុងក្រុមហ៊ុន។
៣. មានវិធីបង្កើតមតិ ឬប្រតិកម្មប្រកបដោយប្រសិទ្ធភាព
ការងារជាក្រុម វាពិតជាត្រូវការបំផុតនូវយោបល់ត្រឡប់ ដោយត្រង់ទៅត្រង់មកក្នុងបរិបទការងារបច្ចុប្បន្ន។ អ្នកអាចពូកែស្តាប់ តែក៏ត្រូវមានយោបល់ល្អៗ ច្បាស់ៗ និងស៊ីជម្រៅ ហើយថែមទាំងមានការសម្រេចចិត្តក្លាហាននិងទាន់ពេលវេលា។ ការសម្រេចចិត្តនានាអាចធ្វើឡើងអាស្រ័យដោយចំណេះដឹង ការចេះវាយតម្លៃសភាពការណ៍ និងហ៊ានទទួលខុសត្រូវដោយស្វ័យភាព។
៤. មានវិន័យ
បើសូម្បីតែដំណើរការ ការប្រជុំទៀងទាត់ធ្វើមិនបានតើជាអ្វី? មេដឹកនាំ ត្រូវថ្នឹកជាមួយការប្រជុំមិនថា មួយទល់មួយ ជាក្រុម ជាតុមូល ដែលធ្វើឲ្យបុគ្គលិកអាចមានឱកាសបញ្ចេញយោបល់ គំនិត ផ្ដល់ការស្នើសុំ និងទទួលបានការឆ្លើយតប ហើយវាក៏ផ្ដល់ជាយន្តការមានប្រសិទ្ធភាពមួយ សម្រាប់ការគ្រប់គ្រងក្រុមប្រកបដោយភាពរីកចម្រើន។
៥. កសាងបុគ្គលិកលក្ខណៈចាស់ទុំ
អនុវត្តភាពអត់ធ្មត់ ដាក់ខ្លួនផង និងអត់ធ្មត់ក្នុងក្រុមផង។ ដោយហេតុផលថា ការគ្រប់គ្រងផ្អែកលើចិត្តរាបសាទើបអាចបានការគោរព ការវាយតម្លៃវិជ្ជមានពីមនុស្សក្នុងក្រុមគឺជាគន្លឹះជោគជ័យ។ អ្នកមិនអាចបង្ខំគេឲ្យឱនគោរពបាននោះឡើយ។ ចុងក្រោយ គឺការហ៊ានផ្លាស់ប្តូរបុគ្គលិកមិនល្អចេញប្រសិនបើចាំបាច់។ មេដឹកនាំពិតប្រាកដនឹងមិនអត់ធ្មត់ចំពោះការមិនចុះសម្រុងគ្នារ៉ាំរ៉ៃ នោះទេ។ និយោជិកដែលមានជាតិពុលម្នាក់ អាចបង្កើតពណ៌អវិជ្ជមានពាសពេញបាន។
សូមចងចាំថា មេដឹកនាំត្រូវដាក់ ភាពជោគជ័យរបស់និយោជិកឲ្យនៅមុនភាពជោគជ័យផ្ទាល់ខ្លួន។
អត្ថបទទាក់ទង
វិធីសាស្រ្ត ៤ យ៉ាង ដើម្បីធ្វើជាចៅហ្វាយរួសរាយដោយមិនបាត់បង់អំណាច