វិធីសាស្រ្ត ៦ យ៉ាង ដើម្បីក្លាយជាគ្រូបំណិនជីវិត
បញ្ចខន្ធ ដែលយើងនាំគ្នាហៅថាជាសត្វ ជាបុគ្គល ឬថាជាតួខ្លួន ការពិតទៅវាគ្រាន់តែជាឈ្មោះ ដែលត្រូវបានមនុស្សសន្មតឡើងដើម្បីប្រើប្រាស់សម្រាប់ហៅ ការរួមបញ្ចូលគ្នានៃខន្ធទាំង ៥ នេះប៉ុណ្ណោះ។
ខន្ធទាំង ៥ នេះជាសភាវៈមិនទៀងទាត់ ហើយទាំងអស់តែងតែផ្លាស់ប្តូរជានិច្ច។ សភាវៈណាមិនទៀង សភាវៈនោះជាទុក្ខ (យំ អនិច្ចំ តំ ទុក្ខំ ) ។ នេះគឺអត្ថន័យដ៏ពិតប្រាកដ នៃព្រះពុទ្ធវចនៈដែលថា “និយាយដោយខ្លី ឧបាទានក្ខន្ធ ៥ ជាទុក្ខ” ។
ខន្ធ ៥ នេះមិនមែនជាសភាវៈតែមួយជាមួយគ្នា សម្រាប់ខណៈដែលតភ្ជាប់គ្នាពីរខណៈនោះទេ ។ ក្នុងន័យនេះ A (ទី១) មិនមែនជា A (ទី២) នោះទេ ។ ឧបាទានក្ខន្ធ ៥ ស្ថិតនៅក្នុងដំណើរនៃការកើតឡើង និងការរលត់ទៅនៃខណៈច្រើន។
ជាទូទៅ អ្នកនិពន្ធអាជីពដែលមានទស្សនៈជីវិតល្អ មានបទពិសោធន៍ខ្ពស់ មានចរិតវិជ្ជមានមានឱកាសច្រើនក្នុងការក្លាយខ្លួនជាអ្នកជំនាញផ្នែកអប់រំជីវិត និងដោះស្រាយបញ្ហា។ តែតោង ពួកគេមានបុគ្គលិកលក្ខណៈគួរឱ្យគោរព មានជីវិតគ្រួសារល្អ និងមានជោគជ័យស្រាប់ផង ទើបមានគេចង់ជួលទៅបង្រៀន។
ទោះយ៉ាងណា ប្រជាប្រិយភាព និងតម្រូវការគ្រូបង្វឹកបានកើនឡើងជាលំដាប់នៅពេលមនុស្សមានវិបត្តិច្រើនឡើងៗ ហើយគេជឿលើការស្វែងរកការណែនាំបែបជំនាញ ដើម្បីឈានដល់សក្តានុពលដោះស្រាយបញ្ហា។
អ្វីដែលសំខាន់ គ្រូបង្វឹកអំពីបំណិនជីវិត អាចជួយបង្កើនការគោរពខ្លួនឯង លើកទឹកចិត្តពួកគេ ហើយប្តូរការរស់នៅមកយ៉ាងសុទិដ្ឋិនិយមជាងមុន។
នេះអាចជាមុខរបរសម័យថ្មី ដែលផ្តល់កម្រៃ និងគុណតម្លៃគួរឱ្យរំភើបដោយសារមានគោលបំណងជួយមនុស្ស អភិវឌ្ឍផ្ទាល់ខ្លួន និងអ្នកដទៃនេះ ទុកថាជាអាជីពសមរម្យមួយ។ ចុះធ្វើបែបណាអាចនឹងក្លាយជាគ្រូបង្វឹកបំណិនជីវិតបាន? ខាងក្រោមនេះ ជាវិធីសាស្រ្តមួយចំនួន ដើម្បីក្លាយជាគ្រូបំណិនជីវិត៖
១. ជំរុញការស្រាវជ្រាវ
ការក្លាយជាគ្រូបង្វឹកបំណិនជីវិតបានល្អ មានទីផ្សារ មានគេទុកចិត្តនិយាយតគ្នាច្រើន តម្រូវឱ្យមានការប្តេជ្ញាចិត្តខ្ពស់ចំពោះដំណោះស្រាយដែលចង់ផ្តល់ជូនដល់ អតិថិជន ដូច្នេះបានឆ្លងកាត់វគ្គបណ្តុះបណ្តាលជាការប្រសើរបំផុត ត្រូវធ្វើការស្រាវជ្រាវមិនឈប់ឈរ ក្នុងតួនាទីរបស់គ្រូបង្វឹកបំណិនជីវិតមិនមែនត្រឹមនិយាយរូៗ ដូចលើបណ្តាញសង្គមឡើយ។ ការមើលមិនមែនមានន័យថាជឿទេ។ ប៉ុន្តែគូ្របំណិនជីវិតគឺផ្សេង ដែលពូកែស្តាប់ និងឈានដល់យោបល់ឱ្យសិស្សធ្វើការសម្រេចចិត្តបានល្អ។ ត្រូវចាំថា ប្រសិនបញ្ហាគេមិនធំ គេមិនមករកអ្នកទេ។
២. ផ្តោតលើលទ្ធផល
ផ្តល់ការយល់ដឹងទូលំទូលាយមិនអាចលំៗបានឡើយក៏មិនអាចបំភាន់ដូចបច្ចេកវិទ្យាទាក់ទាញនៅលើបណ្តាញសង្គមដែរ។ គោលដៅរបស់អ្នកជាគ្រូបង្វឹកជីវិតគឺដើម្បីជួយអ្នកដទៃទប់ទល់នឹងការផ្លាស់ប្តូរសំខាន់ៗនៅក្នុងជីវិតរបស់ពួកគេ។ អ្នកមិនត្រឹមតែត្រូវណែនាំពួកគេច្បាស់លាស់អំពីបញ្ហាប្រឈមប៉ុណ្ណោះទេ ប៉ុន្តែថែមទាំងជួយពួកគេបង្កើតទម្លាប់និងផ្នត់គំនិតដែលមានសុខភាពល្អនិងមាននិរន្តរភាព អនុញ្ញាតឱ្យពួកគេដឹកនាំជីវិតខ្លួនឯងបានប្រសើរ។
៣. សមត្ថភាពផ្សព្វផ្សាយ
ប្រសិនយើងមិនល្បីដល់ស្រទាប់អតិថិជន តើមានលុយមកពីណាទ្រង់ទ្រង់ជីវិតរស់នៅនិងទ្រទ្រង់ការសិក្សាស្រាវជ្រាវ?បើយើងខ្ចិលឬមិនងប់ងល់នឹងការអភិវឌ្ឍន៍ផ្ទាល់ខ្លួនទេ មុនឬក្រោយគង់ជួបការលំបាកក្នុងឧស្សាហកម្មនេះ ព្រោះគេត្រូវការតែអ្នកចេះពិតៗនឹងមានចរិតវិជ្ជមាន។
៤. អាចក្លាយជាគ្រូបង្វឹកក្នុងវិស័យជាក់លាក់
ការជួយមនុស្សឱ្យមានទំនុកចិត្តលើខ្លួនឯង ឬការបង្វឹកឪពុកម្តាយសម័យថ្មីអំពីរបៀបផ្តល់ដំបូន្មានដល់កូនៗ និងរក្សាទំនាក់ទំនងជាមួយពួកគេ ណែនាំ CEO ក្មេងៗ វិធីសាស្ត្រជុំរុញទឹកចិត្តបុគ្គលិក ដំណោះស្រាយជាមួយមនុស្សអវិជ្ជមាន។ល។ គឺមានច្រើនដែលយើងអាចជ្រើសយកមកសិក្សាច្បាស់លាស់ដូចពាក្យចាស់ថា «ចេះដប់មិនស្មើប្រសប់មួយ«។
ជំនាញដែលកំពុងត្រូវការគ្រូបង្វឹកជាខ្លាំងរួមមាន៖
- គ្រូបង្វឹកផ្នែកបង្កើតអាជីវកម្ម
- ការបង្វឹកពង្រឹងក្រុមគ្រួសារ និងទំនាក់ទំនង
- ការបង្វឹកផ្នែកនិយាយជាសាធារណៈ
- ការបង្វឹកអាជីពនីមួយៗ
- ការបង្វឹកសុខភាពផ្លូវចិត្ត
- ការបង្វឹករំហូរផ្នែកហិរញ្ញវត្ថុ
- ការបង្វឹកសិក្សាស្រាជ្រាវវិទ្យាសាស្រ្ត
- ការបង្វឹកខាងវិញ្ញាណ និងចិត្ត
- ការហ្វឹកហាត់សុខភាព និងកាយសម្បទា ។ល។
ការចេះធ្វើដែលមិនកុហកបោកប្រាស់ នឹងជួយលក់សេវាកម្មបង្វិលនេះទៅដល់អតិថិជនណាដែលកំពុងត្រូវការជំនាញក្នុងវិស័យជាក់លាក់ណាមួយ ឬដើម្បីគាំទ្រដល់ដំណើរការផ្លាស់ប្តូរនៃជីវិតរបស់ពួកគេ។
៥. ការប្រើប្រាស់ធនធានសិក្សា
ប្រសិនបើអ្នកមិនដែលទទួលបានការបណ្តុះបណ្តាលជាគ្រូបង្វឹកអាចចាប់ផ្តើមដំណើរដំបូងដោយស្វែងរកធនធានសិក្សាផ្សេងៗគ្នាដែលចាំបាច់ ជាពីផតខាស់សំឡេង ជាវីដេអូ អាចជាសំណៅឯកសារឬសៀវភៅ លិងប្លក់ មានប្រភពព័ត៌មានច្បាស់ៗ។ ឧទាហរណ៍វគ្គសិក្សាខ្លីតាមអ៊ិនធរណេត គឺជាជំហានឈានមុខគេមួយសម្រាប់អាជីពនេះ ហើយវេទិកាអប់រំតាមអ៊ិនធរណេតវគ្គសិក្សាខ្លីៗតាមឃ្លីប អាចជាកន្លែងដ៏ល្អដើម្បីចាប់ផ្តើម។
៦. រឹងមាំសមជាគ្រូបង្វឹកបំណិនជីវិត
នៅប្រទេសភាគច្រើនការបង្វឹកបំណិនជីវិតនិងជំនាញទន់មិនត្រូវបានកំណត់ត្រូវការវិញ្ញាបនប័ត្រឬអាជ្ញាប័ណ្ណទេ ប៉ុន្តែព័ត៌មានផ្ទាល់ខ្លួននិងបុគ្គលិកលក្ខណៈរបស់យើងសំខាន់ណាស់។ គេត្រូវការតែមនុស្សដែលមានកេរ្តិ៍ឈ្មោះល្អ និងមានបទពិសោធន៍ជួយមនុស្សបានច្រើនជាក់ស្តែង ដោយការនិយាយតគ្នា។
អត្ថបទទាក់ទង
តើអ្វីជាភាពខុសគ្នារវាងគ្រូបង្វឹក អ្នកពិគ្រោះយោបល់ ទីប្រឹក្សា ឬ អ្នកណែនាំ?