ប្លាស ប៉ាស្កាល់៖ “អំណោយជូនចំពោះលោកឪពុក” ក្លាយជាគុណប្រយោជន៏ចំពោះពិភពលោក
កាលលោក ប្លាស ប៉ាស្កាល់ (Blaise Pascal) ស្ថិតនៅក្នុងវ័យជានិស្សិត នាពេលអធ្រាត្រមួយនោះ ពេលឃើញឪពុករបស់ខ្លួនកំពុងអង្គុយប្រឹងធ្វើការនៅលើតុមួយ ប៉ាស្កាល់ ក៏លួចដើរស្រាលជើងថ្នមៗមកជិតឪពុក តែឪពុកនៅតែជក់អារម្មណ៍ ភ្លេចខ្លួននឹងតួលេខដ៏ច្រើន។ លោកកំពុងពិនិត្យបញ្ជីរបស់មន្ទីរហិរញ្ញវត្ថុដែលលោកទើបនឹងបានទទួលតំណែង និងទទួលបន្ទុក។
«ខ្សែតួលេខបូកដ៏វែងរាប់ពាន់លេខ… !» ប៉ាស្កាល់ លួចនឹងក្នុងចិត្ត កិច្ចការដ៏គួរឲ្យធុញទ្រាន់ តែមិនអាចគេចផុត ។ ក៏ប៉ុន្តែ… ក្នុងខួរក្បាលរបស់អ្នកគណិតសាស្ត្រវ័យក្មេងនេះ បានលេចឡើងនូវពន្លឺមួយ ! ប៉ាស្កាល់ នឹកក្នុងចិត្តរួចវិលទៅកាន់បន្ទប់របស់ខ្លួន គូសវាសនូវប្លង់មួយនៅលើក្រដាស… ១០ថ្ងៃក្រោយមក លោកតាប៉ាស្កាល់ ជាឪពុកស្រឡាំងកាំងក្រៃលែង ដោយឃើញកូនរបស់ខ្លួនឱបវត្ថុចម្លែកមួយមកដាក់លើតុរបស់គាត់។
កូនសង្ឃឹមថា អំណោយដ៏តូចស្ដួចស្ដើងនេះ អាចនឹងជួយសម្រាលដល់ការឈឺក្បាលរបស់ពុក ដោយសារតួលេខទាំងឡាយ។
ការពិតនោះ គឺជាម៉ាស៊ីនបូកសង ដែល ប៉ាស្កាល់ បានយកអស់កម្លាំងកាយចិត្តបញ្ញារបស់ខ្លួនបូជាចំពោះឪពុកក្នុងការរុករកបង្កើតវា ។ នោះក៏ជាម៉ាស៊ីនគិតលេខដំបូងបង្អស់លើសកលលោក ជាមាតាបិតាបុព្វសម័យនៃបណ្ដាម៉ាស៊ីនកុំព្យូទ័រដ៏ទំនើបនាពេលបច្ចុប្បន្ន។
2 thoughts on “ប្លាស ប៉ាស្កាល់៖ “អំណោយជូនចំពោះលោកឪពុក” ក្លាយជាគុណប្រយោជន៏ចំពោះពិភពលោក”