អាថ៌កំបាំងចំនួន ៧ នៃការប្រាស្រ័យទាក់ទងរបស់អ្នកដឹកនាំដ៏អស្ចារ្យ
អាថ៌កំបាំងនៃការប្រាស្រ័យទាក់ទងរបស់អ្នកដឹកនាំដ៏អស្ចារ្យ
- ១. ស្គាល់ច្បាស់ពីអ្នកគាំទ្រ
- ២. មានភាសារាងកាយរឹងមាំ
- ៣.ភាពស្មោះត្រង់
- ៤. និយាយដោយផ្ទាល់
- ៥. ដឹងពីរបៀប និយាយរវាងសមាជិកក្រុមម្នាក់ៗ
- ៦. ពួកគេស្តាប់ប្រកបដោយប្រសិទ្ធភាព
- ៧. ចូលចិត្តផ្ទៀងផ្ទាត់
អ្នកដឹកនាំ គឺធ្វើយ៉ាងណាដឹកនាំក្រុមទាំងមូលឆ្ពោះទៅរកគោលដៅ។ ដូច្នេះ ការប្រាស្រ័យទាក់ទងរវាងក្រុម គឺសំខាន់ណាស់។ ប៉ុន្តែ មេដឹកនាំល្អ មិនមែនតែងតែជាអ្នកទំនាក់ទំនងល្អនោះ តែជាអ្នកដែលមានតុល្យភាព រវាងអ្នកនិយាយល្អ និងស្ដាប់ច្រើនពីមនុស្សជុំវិញ។ តាមពិតទៅ ជំនាញទំនាក់ទំនង មិនមានអ្នកណាបង្រៀននៅក្នុងសាលាច្រើននោះទេ។ ដូច្នេះហើយ បានជាអ្នកដឹកនាំល្អ លុះត្រាមានការប្រាស្រ័យទំនាក់ទំនងល្អ។ ហើយនេះក៏ជាផ្នែកមួយនៃធាតុផ្សំដែលបង្កើតជាមូលដ្ឋាននៃការក្លាយជាអ្នកដឹកនាំដ៏អស្ចារ្យ។ ការប្រាស្រ័យទាក់ទងប្រកបដោយប្រសិទ្ធភាព ជួយភ្ជាប់ទំនាក់ទំនងជាមួយមនុស្សនៅលើកម្រិតអារម្មណ៍ និងជំរុញពួកគេឱ្យសម្រេចការងារបានច្រើន។
ខាងក្រោមនេះ គឺជាអាថ៌កំបាំងមួយចំនួនដែលមនុស្សខ្លាំងខាងទំនាក់ទំនង ពឹងផ្នែកដើម្បីក្លាយជាមនុស្សមានអានុភាពនៅក្នុងការដឹកនាំស្ថាប័ន៖
១. ស្គាល់ច្បាស់ពីអ្នកគាំទ្រ
អ្នកដឹកនាំឆ្នើម បង្ហាញជំនាញដោយស្វែងយល់ថាតើមនុស្សប្រភេទណា ដែលយើងកំពុងជជែកជាមួយ។ មានន័យថា អ្នកដឹកនាំ គិតអំពីអ្វីដែលគេចង់ស្តាប់ និងរបៀបផ្ដល់សារយ៉ាងល្អឥតខ្ចោះដែលអាចមានឥទ្ធិពលលើក្រុមអ្នកគាំទ្រនោះបាន។
២. មានភាសារាងកាយរឹងមាំ
ការប្រាស្រ័យទាក់ទងដ៏អស្ចារ្យ ទាមទារការបង្ហាញពីទឹកមុខ និងភាសាកាយវិការរបស់មនុស្ស។ សារៈសំខាន់នៃចំណុចទាំងពីរនេះ គឺអ្នកដឹកនាំអាចផ្ដល់សារមានប្រសិទ្ធិភាព និងភាពបត់បែន ដែលជាមូលដ្ឋានចាំបាច់នៅលើរបៀបប្រាស្រ័យទាក់ទង។
៣. ភាពស្មោះត្រង់
ភាពស្មោះត្រង់ មានសារៈសំខាន់ណាស់លើគ្រប់វិស័យ ប៉ុន្តែសម្រាប់អ្នកទំនាក់ទំនងដ៏អស្ចារ្យវាកាន់តែមានសារៈសំខាន់ណាស់។ ភាពស្មោះត្រង់ ធ្វើឱ្យការប្រាស្រ័យទាក់ទងមានប្រសិទ្ធភាពជាងមុន និងធ្វើឱ្យមានឥទ្ធិពលយ៉ាងខ្លាំងដល់មនុស្ស។
៤. និយាយដោយផ្ទាល់
វាគឺជាធាតុសំខាន់មួយសម្រាប់អ្នកទំនាក់ទំនងដ៏អស្ចារ្យ ដើម្បីនិយាយដោយផ្ទាល់អំពីរបៀបធ្វើ។ ការបង្ហាញអំពីរបៀបធ្វើដោយផ្ទាល់ គឺបង្ហាញអំពីសមត្ថភាពនៃអ្នកដឹកនាំល្អ និងបង្ហាញអំពីការយកចិត្តទុការងាររវាងសមាជិកក្រុម។
៥. ដឹងពីរបៀបនិយាយរវាងសមាជិកក្រុមម្នាក់ៗ
អាថ៌កំបាំងមួយដែលធ្វើឱ្យអ្នកដឹកនាំជាអ្នកប្រាស្រ័យទាក់ទងដ៏អស្ចារ្យ គឺការដឹងអំពីការនិយាយទៅកាន់ក្រុមនីមួយៗ។ ការប្រាស្រ័យទាក់ទងរបស់ពួកគេ នោះគឺគេធ្វើឱ្យមនុស្សគ្រប់គ្នាមានអារម្មណ៍មាថានការយកចិត្តទុក ជាពិសេសលើសកម្មភាពការងាររបស់ពួកគេ។
៦. ពួកគេស្តាប់ប្រកបដោយប្រសិទ្ធភាព
ក្នុងនាមជាអ្នកប្រាស្រ័យទាក់ទងដ៏អស្ចារ្យម្នាក់ មិនមែនសុទ្ធតែអាស្រ័យលើការនិយាយនោះទេ ប៉ុន្តែយើងត្រូវធ្វើ ទាំងការនិយាយ និងស្ដាប់។ មានន័យថា អ្នកត្រូវចេះស្តាប់អ្វីដែលអ្នកដទៃត្រូវនិយាយ។ ការស្តាប់នេះ មិនគ្រាន់តែដើម្បីឱ្យមានភាពស្ងប់ស្ងាត់ប៉ុណ្ណោះទេ ប៉ុន្តែការស្តាប់នេះនាំឲ្យយើងអាចផ្តោតទាំងស្រុង ដើម្បីស្វែងយល់ពីទស្សនៈរបស់អ្នកដទៃ ឬ ការយល់ឃើញរបស់ក្រុមនៅថ្ងៃអនាគត។
៧. ចូលចិត្តផ្ទៀងផ្ទាត់
វាក៏ជាអាថ៌កំបាំងមួយ ដើម្បីក្លាយជាអ្នកប្រាស្រ័យទាក់ទងដ៏អស្ចារ្យម្នាក់ផងដែរ ដើម្បីពិនិត្យមើលថាតើអ្វីដែលយើងនិយាយទៅ គេយល់បានកម្រិតណា? ប្រសិនបើសារនោះ គេស្ដាប់ហើយមិនយល់ ឬ អ្វីដែលយើងនិយាយទៅ មានការតវ៉ាច្រើន ពេលនោះហើយ យើងត្រូវតែកែលម្អ ដើម្បីព្យាយាមម្តងទៀតឱ្យកាន់តែមានប្រសិទ្ធភាព។
អត្ថបទទាក់ទង