ហេតុផលចំនួន ៣ ដែលមេដឹកនាំល្អចៀសវាងការកាត់ក្ដីដោយសន្មត
សន្មត (សន់-ន៉្មត់ សំ. បា.) ( កិ. ) (សម្មត) ប្តេជ្ញា; សន្យា; អនុម័ត; យល់ព្រមជាមួយ, ព្រមតាម; តាំង, តាំងឲ្យជា…; កំណត់, កំណត់ជា…; ទុកដាក់ជា …, ទុកដាក់ឲ្យជា …; បញ្ញត្តឲ្យដឹង : សន្មតគ្នា ប្តេជ្ញាគ្នា, សន្យាគ្នា ។ សន្មតគត់ដាគ្នា ប្តេជ្ញាគ្នាឬសន្យាគ្នាយ៉ាងម៉ឺងម៉ាត់ ។ សន្មតនាម តាំងឈ្មោះ, ឲ្យឈ្មោះ ។ សន្មតមនុស្សម្នាក់ឲ្យជាយក្ស ទុកដាក់មនុស្សម្នាក់ឲ្យធ្វើជាយក្ស ។ល។ ប្រើជា គុ. ក៏បាន : ពាក្យសន្មត។ សម្មត
ការសន្មតអំពីមនុស្សណាម្នាក់ដោយមិនបានសាកសួរឲ្យសាមីខ្លួនមានឱកាសឆ្លើយឆ្លង តវ៉ា ជាការដឹកនាំដ៏អន់ថយ ត្រចៀកស្រាល មិនរីកចម្រើន ហើយយូរទៅ ចំណុចនេះអាចធ្វើឲ្យអន្តរាយដល់ទំនាក់ទំនងរបស់យើងជាមួយកូនចៅឈានទៅបំផ្លាញរូបភាពជាមេដឹកនាំល្អបាន។
សន្មត គឺការទទួលយកអារម្មណ៍សន្និដ្ឋានអ្វីមួយទុកថាជាការពិតដោយគ្មានសំណួរបញ្ជាក់ ឬភស្តុតាង។ នេះជាការពិតនៅក្នុងជីវិតអាជីព ដែលមេដឹកនាំជាច្រើនត្រូវបានដឹកនាំអារម្មណ៍ទៅរកការសន្មតដោយស្មានៗ ឬព្រោះសម្ដីមនុស្សខូចដែលមានចេតនាអាក្រក់។
មនុស្សនិយមសន្មតថានោះជាសេចក្ដីពិត ប្រសិនបើវាត្រូវនឹងការគិតរបស់ខ្លួនឯង ទាំងមិនដឹងឡើយថាវាជាការសន្និដ្ឋានខុស និងយុត្តិធម៌។
មេដឹកនាំល្អ តែងតែត្រូវការពេលវេលាដើម្បីពិនិត្យការពិត និងមានផាសុកភាពនៅពេលដែលការជជែកដេញដោលទាំងអស់ត្រូវបានធ្វើឡើងសិន ចៀសវាងកើតឡើងដោយភាគីណាមួយមិនដឹងខ្លួនដែលជាញឹកញាប់ជាអន្ទាក់របស់បុគ្គលិកអែបអបអាក្រក់ៗ។ ខាងក្រោមនេះ ជាហេតុផលដែលមេដឹកនាំល្អចៀសវាងការកាត់ក្ដីដោយសន្មត៖
១. ត្រូវប្រកួតប្រជែងលើអស្មិមានៈខ្លួនឯងមុនសម្រេចចិត្ត
បង្កើតបរិយាកាសសាកសួរខ្លួនឯងជានិច្ចថា តើការសម្រេចចិត្តនេះជាការសន្មត? តស៊ូមតិផ្លាស់ប្ដូរការសន្មតដោយខ្លួនឯង ហើយស្វែងរកព័ត៌មានមកគាំទ្រសិន ដូច្នេះលទ្ធផលមើលទៅខុសគ្នាឆ្ងាយពីទម្លាប់ពឹងលើអារម្មណ៍ម្នាក់ឯង។ ការជៀសវាងទម្លាប់សន្មត អាចជួយកំណត់អត្តសញ្ញាណនៃភាពមិនស៊ីចង្វាក់នានាក្នុងដំណើររឿងនិងក៏លក្ខណៈបុគ្គលិកដ៏អស្ចារ្យទាំងអស់នេះរបស់មេដឹកនាំម្នាក់ៗ។
២. សួរសំណួរឲ្យច្បាស់
ការសួរសំណួរពិតជាមានអានុភាព ហើយមានឥទ្ធិពលវិជ្ជមានជាច្រើនដូចជាយើងនឹងទទួលបានដំណឹង រៀនអ្វីថ្មីៗ ពង្រីកចំណេះដឹង បង្រៀនយើងអំពីមនុស្ស អំពីធម្មជាតិនៃការគិត ដែលយើងត្រូវនៅជាមួយ និងផ្ដល់ការបំភ្លឺ ជៀសវាងការស្មានខុស។ សំនួរធ្វើឲ្យយើងយល់ពីបញ្ហាច្បាស់ជាងការប៉ាន់ស្មាន ហើយទាក់ទងនឹងភាគបែងរួមមួយជាចំណុចចាប់ផ្ដើមនៃការសន្ទនាដ៏មានខ្លឹមសារប្រសិទ្ធភាព។
៣. ការសន្មតបឋម ច្រើនតែខុស
ស្ទើរតែគ្រប់ពេលដែលយើងសន្មតថា អតិថិជនដឹងពីអ្វីដែលពួកគេចង់បានការពិតគឺ អត់ទេ ពួកគេចង់បានអ្វីដែលយើងអាចអួតបានល្អ។ ផ្នែកមួយនៃការទទួលបានជោគជ័យក្នុងការបង្កើនកម្មវិធីលក់ គឺការសង្កេតគំនិត កុំស្មានៗលើអតិថិជន ហើយកុំសន្មតថាគ្រប់គ្នាដឹងពីអារម្មណ៍ខ្លួនឯង ពេលដែលពួកគេចង់បានសេវាកម្ម ឬ ផលិតផល។ យើងត្រូវតែរៀបចំសិល្ប៍វិធី សម្រាប់ពួកគេដើម្បីផ្លាស់ប្ដូរគំនិតឬ បំភ្លឺការចង់បានយ៉ាងភ្ញាក់ផ្អើលដល់ពួកគេ។