ការធ្វើផែនការ និងការអនុវត្តការបង្វិលការងារប្រកបដោយភាពជោគជ័យ
ការធ្វើផែនការ គឺមានសារៈសំខាន់ក្នុងការបង្វិលការងារ។ សូមកុំអនុវត្តការបង្វិលការងារដោយសារតែអង្គភាពផ្សេងទៀតធ្វើរឿងនេះដែរ។ សូមស្វែងយល់ថាតើការបង្វិលការងារពិតជាផ្តល់អត្ថប្រយោជន៍ដល់បុគ្គលិករបស់អ្នកឬទេ។ ធម្មជាតិនៃអាជីវកម្ម ក៏ដើរតួនាទីយ៉ាងសំខាន់ក្នុងការសម្រេចចិត្តថាតើការបង្វិលការងារនឹងផ្តល់អត្ថប្រយោជន៍ដល់ស្ថាប័នឬអត់។ ជាឧទាហរណ៍ គំនិតនៃការបង្វិលការងារ នឹងមិនមានប្រសិទ្ធភាពខ្លាំងនៅក្នុងអង្គភាពផលិតកម្ម ដែលគ្រប់នាយកដ្ឋានទាំងអស់ត្រូវការបុគ្គលិកដែលមានជំនាញដែលមានចំណេះដឹងលម្អិតអំពីដំណើរការនីមួយៗ។
រឿងដំបូង និងសំខាន់បំផុតដែលត្រូវយល់មុនពេលអនុវត្តការបង្វិលការងារ គឺថាតើបុគ្គលិករបស់អ្នកនឹងទទួលបានអត្ថប្រយោជន៍ពីដំណើរការនេះឬអត់? សូមអង្គុយជាមួយសមាជិកក្រុមរបស់អ្នក ហើយពិភាក្សាថាតើពួកគេសុខស្រួលប៉ុណ្ណាជាមួយនឹងគំនិតនៃការធ្វើការផ្សេងគ្នាជាមួយមនុស្សថ្មីក្នុងរយៈពេលជាក់លាក់មួយ? សូមចាំថា ការយល់ព្រមពីបុគ្គលិក គឺជារឿងសំខាន់បំផុត។ ការដាក់គោលគំនិតនៃការបង្វិលការងារដោយបង្ខំទៅលើពួកគេ នឹងនាំឱ្យមានសុបិនអាក្រក់។
សូមកុំធ្វើការសម្រេចចិត្តដោយខ្លួនឯង។ និយោជិតត្រូវចូលរួមក្នុងដំណើរការនេះ ហើយអនុញ្ញាតឱ្យពួកគេសម្រេចចិត្ត និងយល់ផងដែរថាតើការបង្វិលការងារនឹងជួយពួកគេបង្កើនជំនាញរបស់ពួកគេ និងបង្កើនផលិតភាពរបស់ពួកគេយ៉ាងដូចម្ដេច។ អ្នកពិតជាមិនចាំបាច់រុញច្រានខ្លាំងពេកទេ ប្រសិនបើបុគ្គលិកដោយខ្លួនឯងយល់ពីអត្ថប្រយោជន៍ និងសារៈសំខាន់នៃការបង្វិលការងារ។
នៅពេលដែលបុគ្គលម្នាក់ៗយល់ព្រមជាមួយនឹងដំណើរការនៃការបង្វិលការងារនោះ រឿងសំខាន់បន្ទាប់ គឺត្រូវសម្រេចចិត្តថាតើបុគ្គលិកទាំងអស់នឹងមានសិទ្ធិទទួលបានដូចគ្នា។ ការងារនឹងរងទុក្ខប្រសិនបើនិយោជិតទាំងអស់ត្រូវបានបញ្ជូនសម្រាប់ការបង្វិលការងារ។ ក្នុងនាមជាថ្នាក់លើ មនុស្សម្នាក់ត្រូវស្គាល់សមាជិកក្រុមរបស់គាត់ឱ្យបានច្បាស់ ហើយអ្នកដែលពិតជាស័ក្តិសមជាផ្នែកនៃដំណើរការនេះ ហើយនឹងអាចធ្វើរឿងត្រឹមត្រូវក្នុងតួនាទីថ្មី ហើយក៏រៀនពីរឿងដូចគ្នា។ មនុស្សអ៊ីនត្រូវើដ (Introverts ជាមនុស្សមានអារម្មណ៍សុខស្រួលក្នុងការផ្តោតលើការគិត និងគំនិតខាងក្នុងរបស់ពួកគេ ជាជាងអ្វីដែលកំពុងកើតឡើងពីខាងក្រៅ។ ពួកគេចូលចិត្តចំណាយពេលជាមួយមនុស្សតែម្នាក់ ឬពីរនាក់ ជាជាងក្រុមធំ ឬហ្វូងមនុស្ស។) ដែលគ្រាន់តែធុញថប់នឹងការងារផ្ទាល់ខ្លួន ហើយគ្មានអ្វីផ្សេងទៀតនឹងក្លាយជាជម្រើសខុសសម្រាប់ការបង្វិលការងារ។ សូមជ្រើសរើសបុគ្គលដោយផ្ទាល់ និងដោយប្រុងប្រយ័ត្នបំផុត ដែលសមនឹងទទួលបានការថែទាំបន្ថែមទៀត។ ចូរចាំថា ប្រសិទ្ធភាពនៃដំណើរការ គឺស្ថិតនៅក្នុងសំណួរ ប្រសិនបើវាមិនទទួលបានប្រាក់ចំណូលសម្រាប់អង្គភាព ឬបង្កើនផលិតភាពរបស់និយោជិត ហើយអនុវត្តដូចគ្នាចំពោះការបង្វិលការងារផងដែរ។
សូមកុំគ្រាន់តែបញ្ជូនបុគ្គលិកទៅនាយកដ្ឋានណាមួយតាមអារម្មណ៍របស់អ្នក។ សូមរកមើលថាតើបុគ្គលដែលពាក់ព័ន្ធពិតជាចាប់អារម្មណ៍នឹងធ្វើការនៅក្នុងនាយកដ្ឋានជាក់លាក់ឬអត់? សូមពិភាក្សាជាមួយនិយោជិតគ្រប់ជំហាន។ ត្រូវប្រាកដថា អ្នកផ្សេងទៀតមិនប្រឈមមុខនឹងបញ្ហាណាមួយដែលធ្វើការនៅក្នុងក្រុមថ្មី។ សូមវិភាគថាតើគំនិតផ្តួចផ្តើមថ្មីនេះមិនត្រឹមតែផ្តល់ផលប្រយោជន៍ដល់បុគ្គលម្នាក់ៗក្នុងអាជីពរបស់ពួកគេប៉ុណ្ណោះទេ ប៉ុន្តែថែមទាំងអង្គភាពទៀតផង។ ក្នុងនាមជាថ្នាក់លើ ប្រសិនបើអ្នកកំពុងបញ្ជូនសមាជិកម្នាក់ក្នុងក្រុមរបស់អ្នកទៅសាកល្បងជំនាញរបស់គាត់នៅក្នុងដែនថ្មី វាជាទំនួលខុសត្រូវរបស់អ្នកក្នុងការណែនាំបុគ្គលិកជាផ្លូវការទៅកាន់សមាជិកនៃនាយកដ្ឋានថ្មី។
នៅក្នុងការបង្វិលការងារ បុគ្គលិកត្រូវបានគេរំពឹងថានឹងរៀនសូត្រ និងបង្កើនជំនាញរបស់ពួកគេ និងមិនបង្កើតអព្ភូតហេតុ។ សូមកុំរំពឹងថាមនុស្សនឹងផ្តល់លទ្ធផលត្រឹមពេលមួយយប់។ សូមជឿខ្ញុំ វាមិនមានវេទមន្តទេ។ អ្នកក៏ត្រូវណែនាំពួកគេនៅគ្រប់ជំហានផងដែរ។ សូមរកមើលថាតើពួកគេកំពុងរីករាយដូចគ្នា ហើយពិតជាបានរៀនអ្វីឬអត់? សូមកុំនៅក្រោយជីវិតរបស់ពួកគេប្រសិនបើពួកគេមិនអាចអនុវត្តក្នុងដំណើរការថ្មីមួយ។ យ៉ាងណាមិញ នោះមិនមែនជាជំនាញរបស់ពួកគេទេ។ ការប្រឹក្សា គឺចាំបាច់នៅគ្រប់ជំហាន។ ត្រូវប្រាកដថា អ្នកចែករំលែកមតិកែលម្អដោយស្មោះត្រង់ និងត្រឹមត្រូវជាមួយបុគ្គលិកដែលពាក់ព័ន្ធ។ បើអ្នកផ្សេងមិនសប្បាយចិត្តទាល់តែសោះ សូមព្យាយាមបញ្ចុះបញ្ចូលម្ដងទៀត និងហៅគាត់មកវិញ។
និយោជិតមិនគួរត្រូវបានស្នើសុំឱ្យធ្វើការលើសពីការងារធម្មតារបស់ពួកគេក្នុងរយៈពេលយូរនោះទេ។ ក្នុងករណីបែបនេះ ពួកគេបាត់បង់ចំណាប់អារម្មណ៍លើអង្គភាព។ រយៈពេល អាចមានចន្លោះពី ៣ ទៅ ៦ ខែ ហើយមិនលើសពីនោះ។ សូមកុំភ្លេចយកមតិត្រឡប់របស់បុគ្គលិកនៅពេលដែលពួកគេត្រូវបានបំពេញរួចរាល់ជាមួយនឹងដំណើរការនៃការបង្វិលការងារ។ សូមសុំឱ្យពួកគេចែករំលែកបទពិសោធន៍របស់ពួកគេជាមួយសហសេវិករបស់ពួកគេ។ សូមកុំភ្លេចសរសើរពួកគេសម្រាប់គំនិតផ្តួចផ្តើមរបស់ពួកគេ។
អត្ថបទទាក់ទង