តើអ្វីជាផែនការ? ហើយអ្វីទៅជាផែនការអាជីវកម្ម? (គម្រូសង្ខេប)
វាក៏ត្រូវបានបង្កើតឡើងក្នុងគោលបំណងផ្ដល់នូវការតម្រែតម្រង់ទិសដៅ ការកាត់បន្ថយភាពច្រំដែរ កម្រិតគ្រោះថ្នាក់ថយចុះ កាត់បន្ថយផែនការផ្លាស់ប្ដូរ ភាពខ្ជះខ្ជាយអប្បបរមា កំណត់ស្ដង់ដាដើម្បីសម្របសម្រួលក្នុងការត្រួតពិនិត្យ។
វិធីសាស្រ្តក្នុងការធ្វើផែនការមាន២គឺ៖
- វិធីសាស្រ្តពីលើទៅក្រោម៖ អ្នកគ្រប់គ្រងថ្នាក់កំពូល កំណត់គោលដៅរួមនិងបន្ទាប់មកអនុញ្ញាតអ្នកថ្នាក់ ទាបបង្កើតផែនការនៅក្នុងលក្ខខណ្ឌទាំងនោះ។
- វិធីសាស្រ្តពីក្រោមឡើងលើ៖ ផែនការត្រូវបានគ្រោងបង្កើតអ្នកគ្រប់គ្រងថ្នាក់ទាបដោយគ្មាន លក្ខខណ្ឌច្រើន ហើយបន្ទាប់មកបញ្ចួនជាបន្តបន្ទាប់ ដាក់ឆ្លងតាមឋនានុក្រម ទៅកាន់អ្នកគ្រប់គ្រងថ្នាក់ខ្ពស់ ។
- ថវិការ Budgets
- តារាងសកម្មភាព Action plan
- គំរូ Standard
- គោលនយោបាយ Policy
- ទំរង់បែបបទ Procedure
- ម្ចាស់អង្គភាព ឬ ម្ចាស់ភាគហ៊ុន
- លទ្ធភាពរបស់ធនធានមនុស្ស
- ធនបំរុង ឬ មូលធនបំរុងរបស់អង្គភាព
- របៀបរបបនៃការគ្រប់គ្រង-វប្បធម៍របស់អង្គភាព
- ជំនាញបច្ចេកទេស,គំនិតផ្ដួចផ្ដើម,ការជំរុញលើកទឹកចិត្ត
- អតិថិជន និង ចំណង់ចំណូលចិត្តរបស់អ្នកទិញ
- អ្នកផ្គត់ផ្គង់ និង អ្នករកស៊ីជាមួយគ្នា
- គូប្រគូតប្រជែង
- កត្តាសង្គម(មនុស្សជាតិ សាសនា ទំនៀទំលាប់ ប្រពៃណី…..ល)
- កត្តាសេដ្ឋកិច្ច
- កត្តានយោបាយ
- កត្តាវិទ្យាសាស្រ្ត បច្ចេកទេស…។
- និយោជិតធ្វើផែនការ
- ក្រុមការងារ(អ្នកដែលមានកាតព្វកិច្ចពិសេសធ្វើផែនការ)
- គណៈកម្មាធិការនាយក
- ប្រធាបប្រត្តិបត្តិ
- គណៈកម្មាធិការប្រតិបត្តិ
- លំដាប់ថ្នាក់គ្រប់គ្រង
- ផែនការរយៈពេលខ្លី Short-Term Planning (S.T.P)
- ផែនការរយៈពេលមធ្យម Medium-Term Planning (M.T.P)
- ផែនការរយៈពេលវែង Long-Term Planning (L.T.P)
- ការរៀបចំគោលដៅ
- កំណត់ច្បាស់នូវទិសដៅ និងយុទ្ធសាស្រ្តបច្ចុប្បន្ន
- ការវិភាគមជ្ឈដ្ឋាន
- វិភាគធនធានមនុស្ស
- ការកំណត់ឱកាស និងការគំរាមកំហែង
- កំណត់នៃទំហំប្រែប្រួលជាយុទ្ធសាស្រ្ត
- ការធ្វើសេចក្ដីសម្រេចជាយុទ្ធសាស្រ្ត
- ការអនុវត្តយុទ្ធសាស្រ្ត
- ការត្រួតពិនិត្យមើលដំណើការ
- ជាគម្រោងមួយមានរយៈពេលខ្លី ឬ មធ្យមហើយកំណត់ច្បាស់ពីរយៈពេលអនុវត្ត
- គេប្រើវាសំរាប់ធ្វើជាបទពិសោធន៍ឲ្យគម្រោងដ៏ទៃទៀត
- ជាគម្រោងមួយសម្រាប់ការផ្លាស់ប្ដូរសេដ្ឋកិច្ច
- វិបត្តសេដ្ឋកិច្ច និងអតិផរណា(Inflation) ។
ចុះតើអ្វីទៅជាផែនការអាជីវកម្ម?
ដើម្បីឲ្យអាជីវកម្មអ្នកដំណើរការទៅបានប្រកបដោយជោគជ័យ ហើយស្របតាមស្តង់ដារ និងមានភាពងាយស្រួល អ្នកគួរតែមានផែនការអាជីវកម្មសម្រាប់អាជីវកម្មអ្នក។ តើផែនការអាជីវកម្មមានលក្ខណៈដូចម្តេច ហើយមានសារសំខាន់ដូចម្តេច? យើងនឹងធ្វើការសង្ខេបប្រាប់អ្នកត្រួសៗអំពីវា នៅក្នុងកថាខណ្ឌខាងក្រោមនេះ៖
ផែនការអាជីវកម្ម គឺជារបាយការណ៍ដែលអ្នករៀបរាប់អំពីអាជីវកម្មរបស់អ្នកទាំងមូល វាមានធាតុចម្បងចំនួន ១០ ផ្នែកដែលមាននៅក្នុងផែនការអាជីវកម្ម គឺ ទិដ្ឋភាពទូទៅ សេចក្ដីសង្ខេបប្រតិបត្តិការ ការពិពណ៌នាទូទៅរបស់ក្រុមហ៊ុន ឱកាស ឧស្សាហកម្មនិងទីផ្សារ យុទ្ធសាស្ត្ររបស់អ្នក ក្រុមការងារ ផែនការទីផ្សារ ផែនការប្រតិបត្តិការ ផែនការហិរញ្ញវត្ថុនិងឧបសម្ព័ន្ធ។ តើនៅក្នុងធាតុទាំង ១០ នេះអ្នកគួររៀបរាប់ពីអ្វីខ្លះ?
ទិដ្ឋភាពទូទៅ៖ មាតិកា ទំព័រ អ្នកត្រូវរៀបចំឲ្យមានរបៀបរៀបរយ។
សេចក្ដីសង្ខេបប្រតិបត្តិការ៖ អ្នកត្រូវសរសេរសង្ខេបពីប្រតិបត្តិការការលក់ដោយរបៀបណា អ្នកណាជាអតិថិជន ទំនិញរបស់អ្នកមានលក្ខណៈពិសេសអ្វីខ្លះ? អ្នកក៏គួរតែរៀបរាប់ពីដើមទុនដែលអ្នកត្រូវការចំណូលចំណាយបានពីការលក់ លំហូរសាច់ប្រាក់ ព្រមទាំងប្រាក់ទទួលបានពីការវិនិយោគអ្នកយកទៅធ្វើអ្វីបន្តទៀតជាដើម។
ការពិពណ៌នាទូទៅរបស់ក្រុមហ៊ុន៖ អ្នកត្រូវពិព័ណ៌នាពីស្ថានភាពទូទៅនៃអាជីវកម្មអ្នកដូចជា ឈ្មោះក្រុមហ៊ុន ទីតាំង ប្រភេទអាជីវកម្ម អ្នកចូលរួមហ៊ុន ចក្ខុវិស័យ បេសកកម្ម -ល-។
ឱកាស៖ ពិពណ៌នាអំពីបញ្ហាអ្វីដែលមាននៅក្នុងទីផ្សារ និងពន្យល់ហេតុផលដែលអាចឲ្យអ្នកចង់ចូលក្នុងទីផ្សារនេះ។ ពេលអ្នកបានរកឃើញពីបញ្ហាទីផ្សារ អ្នកនឹងដោះស្រាយវាដោយរបៀបណា? ធ្វើដូចម្ដេចខ្លះ?
ឧស្សាហកម្មនិងទីផ្សារ៖ រៀបរាប់ពីកត្តាអ្វីខ្លះដែលប៉ះពាល់ដល់ឧស្សាហកម្មដែលអ្នកនឹងដំណើរការ។ កត្តាទាំងនោះជាឧបសគ្គចំពោះការដែលអ្នកចូលផ្គត់ផ្គង់អតិថិជន ការផលិតផលិតផល និងសេវាកម្ម និងការប្រកួតប្រជែងពីដៃគូអាជីវកម្មដដូចអ្នកដែរឬទេ? តើទំហំទីផ្សារមានប៉ុន្មានដែលអនុញាតឲ្យអ្នកចូលក្នុងទីផ្សារបានឬទេ? អ្នកគួរធ្វើការសិក្សាឲ្យលម្អិតពីទីផ្សារ ទំនោរនៃទីផ្សារ និងអតិថិជនក្នុងទីផ្សារនេះផងដែរ។
យុទ្ធសាស្ត្ររបស់អ្នក៖ តើអ្នកមានយុទ្ធសាស្ត្រអ្វីខ្លះដើម្បីឲ្យអាជីវកម្មអ្នកទទួលបានជោគជ័យ? នរណាខ្លះជាដៃគូប្រកួតប្រជែងរបស់អ្នក ហើយអ្នកមានយុទ្ធសាស្ត្រអ្វីទប់ទល់នឹងគេ? តើអ្នកត្រូវធ្វើដូចម្ដេចដើម្បីទទួលបានអតិថិជនឲ្យពួកគេទុកចិត្ត និងប្រើប្រាស់ទំនិញ និងសេវាកម្មរបស់អ្នក? អ្នកត្រូវកត់ត្រារាល់យុទ្ធសាស្ត្រដែលអ្នកគិតសម្រាប់អាជីវកម្មមួយនេះ។
ក្រុមការងារ៖ អ្នកណាខ្លះចូលរួមក្នុងអាជីវកម្មនេះ ពួកគេមានតួនាទី និងមុខងារអ្វីខ្លះ ការទទួលខុសត្រូវរបស់បុគ្គលនិមួយៗ និងអាចរូមបញ្ចូលទាំងរចនាសម្ព័ន្ធគ្រប់គ្រងប្រសិនបើអាជីវកម្ម ជាប្រភេទក្រុមហ៊ុនធំដុំ។
ផែនការទីផ្សារ៖ វាជាចំណុចដែលអ្នកត្រូវព័ណ៌នាពីយុទ្ធសាស្ត្រទីផ្សារ ការកំណត់ថ្លៃសមាមាត្រនឹងថ្លៃដើម ហើយអាចចំណេញដែរឬទេ? តម្លៃប៉ុណ្ណឹងអតិថិជនទទួលយកបានដែរឬទេ?
ផែនការប្រតិបត្តិការ៖ ពន្យល់ពីប្រតិបត្តិការប្រចាំថ្ងៃរបស់អាជីវកម្ម ពិពណ៌នាអំពីវដ្តប្រតិបត្តិការដែល ពិពណ៌នា អំពីអ្វីដែលស្ថាប័ននឹងធ្វើដើម្បីផ្តល់សេវារបស់ខ្លួន ឬបង្កើត និងលក់ផលិតផលរបស់ខ្លួន របៀបដែលមុខជំនួញមានដំណើរការជាបន្តបន្ទាប់ ក៏ដូចជាតម្រូវការដើមទុន និងចំណាយទាក់ទងទៅនឹងប្រតិបត្តិការអាជីវកម្ម ប្រភពទីកន្លែងដែលផ្ដល់ជំនាញ និងសម្ភារៈចាំបាច់ទាំងអស់ ការគ្រប់គ្រងបង្កាន់ដៃ សាច់ប្រាក់ និងវដ្តនៃការទូទាត់ជាសាច់ប្រាក់នៃអាជីវកម្ម។
ផែនការហិរញ្ញវត្ថុ៖ អ្នកត្រូវរៀបរាប់ពីការចំណាយចាប់ផ្តើម និងការដាក់ទុន៖ ការពិពណ៌នានិងការពន្យល់ អំពីអ្វីដែលវានឹងត្រូវចំណាយដើម្បីចាប់ផ្តើមអាជីវកម្មនិងកន្លែងដែលអ្នករំពឹងថានឹងទទួលបានលុយនេះ។ ការព្យាករណ៍ប្រាក់ចំណេញនិងការខាត ១២ខែ (ប្រចាំខែ) និងរយៈពេល ៣ឆ្នាំ (ត្រីមាសទៅមួយត្រីមាស)។ ការព្យាករពីលំហូរសាច់ប្រាក់រយៈពេល ១២ខែ និងលំហូរសាច់ប្រាក់រយៈពេល ៣ ឆ្នាំ (ត្រីមាសទៅមួយត្រីមាស)។ តារាងតុល្យភាពដែលបានព្យាករណ៍នៅពេលចាប់ផ្តើមឡើង និងនៅចុងឆ្នាំទី១ ទៅឆ្នាំទី៣ និងការគណនារកចំណុចរួចខ្លួនសម្រាប់អាជីវកម្មអ្នក តើនៅ ខែ ឆ្នាំណាអ្នកនឹងរួចខ្លួន?
ឧបសម្ព័ន្ធ៖ ឧបសម្ព័ន្ន មានឯកសារបន្ថែមដែលអ្នកអានផែនការអាជីវកម្ម អាចសំដៅទៅលើខិត្តប័ណ្ណ និងសម្ភារៈផ្សាយពាណិជ្ជកម្ម ការសិក្សាពីឧស្សាហកម្ម ប្លង់ និងផែនការ ផែនទី និងរូបថតទីតាំង ទស្សនាវដ្តី ឬអត្ថបទផ្សេងទៀត បញ្ជីលម្អិតនៃឧបករណ៍ដែលជាកម្មសិទ្ធិ ឬត្រូវបានទិញ ច្បាប់ចម្លងនៃកិច្ចសន្យា និងកិច្ចសន្យា លិខិតផ្តល់ការគាំទ្រពីអតិថិជននាពេលអនាគត សម្ភារផ្សេងៗទៀត ដែលត្រូវការដើម្បីគាំទ្រការសន្មតនៅក្នុងផែនការនេះ សិក្សាស្រាវជ្រាវទីផ្សារ បញ្ជីទ្រព្យសម្បត្តិដែលមានជាទ្រព្យធានាសម្រាប់ប្រាក់កម្ចី ការគណនាហិរញ្ញវត្ថុ និងការព្យាករណ៍លម្អិត។
ចុះហេតុអ្វីបានអ្នកត្រូវមានផែនការអាជីវកម្ម? ពីព្រោះវានឹងជួយឲ្យអ្នកបានយល់ពីអាជីវកម្មរបស់អ្នកកាន់តែច្បាស់ រម្លឹកអ្នក និងបង្ហាញផ្លូវដែលអ្នកត្រូវដើរ ជួយអ្នកក្នុងការស្វែងរកទុន នៅពេលអ្នកខ្វះដើមទុន អ្នកអាចយកវាទៅបង្ហាញដល់ធនាគារដើម្បីស្នើកម្ចី ឬអ្នកអាចស្វែងរកអ្នកវិនិយោគិនឲ្យចូលរួមទុនជាមួយអ្នកជាដើម។ អ្នកក៏ត្រូវធ្វើការកែប្រែ និងឧស្សាហ៍ពីនិត្យវាផងដែរ ដើម្បីឲ្យវានៅតែមានប្រសិទ្ធភាពសម្រាប់អាជីវកម្មអ្នក។
ខាងក្រោមនេះជាគម្រូសង្ខេបផែនការអាជីវកម្ម នៃពាណិជ្ជកម្មអនឡាញ
១. សង្ខេបផែនការ
ស្ថានភាពបច្ចេកវិទ្យាអំណោយផល៖ ល្បឿនអិនថើណែតមានកើនឡើងជាលំដាប់ ហើយចំនួនអ្នកប្រើប្រាស់អិនថើណែតមានការកើនឡើងជាលំដាប់។
អត្តចារិកអ្នកប្រើប្រាស់៖ អ្នករស់នៅភ្នំពេញនិយមចូលចិត្តសំលៀកបំពាក់រោងចក្រ ដែលច្រើនអាចរកបាននៅផ្សារទួលទំពូង និងនៅតាមហាងមួយចំនួន ។ អ្នកទិញត្រូវប្រឈមនឹងបញ្ហាជាច្រើនដូចជា៖ ផ្សារទាំងនោះខ្វះចំណត, ទីកន្លែងគ្មានផាសុកភាព, មានការស្ទះចរាចរណ៍ស្ទើរគ្រប់ពេល និងជាញឹកញាប់ មានការកន្លែងបន្លំដោយប្រើទំនិញនាំចូលពីវៀតណាមឬចិនជាដើម។
ទីផ្សារគោលដៅ៖ ក្រុមហ៊ុន ABC គ្រោងផ្ដល់សេវាលក់សំលៀកបំពាក់អនឡាញ ដោយដាក់លក់តែទំនិញផ្ទាល់ពីរោងចក្រ ដោយផ្ទោតការយកចិត្តទុកដាក់លើសំលៀកបំពាក់របស់យុវវ័យ។
បញ្ហាប្រឈម៖ អាជីវកម្មលក់ទំនិញអនឡាញបរាជ័យភាគច្រើន និងមួយចំនួនដែលនៅសល់ មិនមានរីកចម្រើន ដោយសារអាជីវកម្មទាំងនោះ គ្មានគម្រូអាជីវកម្មល្អ, គ្មានយុទ្ធសាស្ត្រទាក់ទាញអតិថិជន, មិនអាចរកដំណោះស្រាយចំពោះការលំបាកក្នុងការដឹកជញ្ជូន និងការទូទាត់។
គោលដៅ៖ ក្នុងរយៈពេល ៣ ឆ្នាំ ខាងមុខ ក្រុមហ៊ុន ABC នឹងសម្រេចឳ្យបានកេរ្តិ៍ឈ្មោះល្បី និងដណ្ដើមចំណែកទីផ្សារឳ្យបាន ៣០% នៃទំហំទីផ្សារសរុប។
១.១. បេសកកម្ម
ក្លាយជាប្រព័ន្ធលក់ទំនិញ និងយីហោនាំមុខ នៅក្នុងវិស័យលក់សំលៀកបំពាក់អនឡាញ។
១.២. គន្លឹះនៃភាពជោគជ័យ
- បង្កើតគេហទំព័រដែលដើរលឿន និងទាន់សម័យ
- អនុវត្តយុទ្ធសាស្ត្រទីផ្សារដែលជំរុញឳ្យមានសាកល្បង
- ធានាលើព័ត៌មានអំពីទំនិញ ដោយមិនឳ្យមានការនិយាយលើសពីការពិត
- ផ្ដល់សេវាអតិថិជនឳ្យរួសរាន់ ដូចជា បញ្ហាបច្ចេកទេសនិងបញ្ហាផ្សេងៗ
- ដាក់ឳ្យដំណើរការនូវប្រព័ន្ធដឹកជញ្ជូនគម្រូថ្មី ដោយសហការជាមួយក្រុមហ៊ុនដឹកជញ្ជូនមួយចំនួន
- ដាក់ឳ្យដំណើរការសេវាទូទាត់អនឡាញ និងទូទាត់ពេលប្រគល់ទំនិញ ព្រមការដឹកជញ្ជូនដល់គ្រប់រាជធានី-ខេត្ត។
២. អំពីក្រុមហ៊ុន
ក្រុមហ៊ុន ABC ជាក្រុមហ៊ុនទទួលខុសត្រូវមានកម្រិត។
ក្រុមហ៊ុនគ្រោងលក់សំលៀកបំពាក់រោងចក្រ តាមប្រព័ន្ធអនឡាញ ដោយប្រើប្រាស់នូវ៖
- សេវាទូទាត់ឆាប់រហ័ស ងាយស្រួល និងធានាសុវត្ថិភាព
- សេវាដឹកជញ្ជូនរហ័ស ចំណាយទាប និងមានការធានា
- ធានាលើគុណភាពទំនិញ។
២.១. កម្មសិទ្ធិករ
លោក A និងលោកស្រី B និងលោក C គឺជាសហកម្មសិទ្ធិករនៃក្រុមហ៊ុន ABC។
២.២. ហិរញ្ញប្បទាន
តម្រូវការដើមទុន៖
- ចំណាយដំណើរការចាប់ផ្ដើម = $11,200
- ទ្រព្យរយៈពេលវែងដែលចាំបាច់ = $18,800
- សាច់ប្រាក់និងទ្រព្យរយៈពេលវែងដែលចាំបាច់ = $35,000
ប្រភពដើមទុន៖
- ទឹកប្រាក់ចូលហ៊ុនរបស់លោក A = $27,000
- ទឹកប្រាក់ចូលហ៊ុនរបស់លោកស្រី B = $23,000
- ទឹកប្រាក់ចូលហ៊ុនរបស់លោក C = $15,000
៣. អំពីផលិតផល
ក្រុមហ៊ុននឹងចែកចាយផលិតផលសំលៀកបំពាក់ដែលចេញពីរោងចក្រក្នុងស្រុក សម្រាប់ការនាំចេញ។ ផលិតផលទាំងនេះ ត្រូវបានផលិត ដើម្បីចែកចាយតាមរយៈម៉ាកយីហោនៅបរទេស តែត្រូវបានចែកចាយក្នុងស្រុកវិញ ដោយថាហេតុផលបច្ចេកទេសផ្សេងៗ។ ផលិតផលទាំងនេះ មានការនិយមខ្លាំង នៅក្នុងចំណោមប្រជាជនវណ្ណៈកណ្ដាលនៅកម្ពុជា។
ក្រុមហ៊ុនអាចមានចំណូលផ្សេងទៀតដូចជា ការផ្សាយពាណិជ្ជកម្ម, ការលក់ព័ត៌មាន ជាដើម។
៤. សិក្សាទីផ្សារ
តាមការប៉ាន់ស្មានរបស់ Cambodia’s Digital Statistics 2016, នៅក្នុងឆ្នាំ ២០១៦ ចំនួនអ្នកប្រើប្រាស់អ៊ិនថើណែតញឹកញាប់នៅកម្ពុជា មានចំនួនប្រហែល ៥ លាននាក់ ដែលក្នុងនោះ ៣ លាននាក់ មានអាយុមិនលើសពី ៣៤ ឆ្នាំ។
ជាមួយនឹងប្រាក់ចំណូលកើនឡើង ប្រជាជនកម្ពុជាមានទំនោរផលិតផលសំលៀកបំពាក់ដែលមានម៉ាកយីហោ កាន់តែច្រើន។
ប្រភេទទីផ្សារ
ទីផ្សារសម្រាប់ផលិតផលរបស់ក្រុមហ៊ុន គឺ៖
- ប្រភេទទី១៖ ប្រជាជនកម្ពុជាដែលស្គាល់ម៉ាកយីហោបរទេស និងស្វែងរកការសន្សំសំចៃ លើផលិតផលប្រហាក់ប្រហែលគ្នាដែលមានក្នុងស្រុក
- ប្រភេទទី២៖ ប្រជាជនកម្ពុជាដែលមានលទ្ធភាពទាបជាងអតិថិជនប្រភេទខាងលើ តែមានបំណងអនុវត្តតាមគម្រូអតិថិជនប្រភេទខាងលើ។
ការប្រកួតប្រជែង
គូប្រកួតប្រជែង៖
- ប្រព័ន្ធលក់អនឡាញធំៗដែលមានការនិយមនៅកម្ពុជាដូចជា Alibaba, eBay, Amazon។ ប្រព័ន្ធទាំងនេះមានការទុកចិត្តពីអ្នកទិញក្នុងស្រុក តែមានចំណាយដឹកជញ្ជូនខ្ពស់ និងពេលវេលារង់ចាំយូរ។
- គេហទំព័រលក់ទំនិញដូចជា shops.kqube.net, shop168.com, ecamshopping.com, l192.com, woofoo51.com, khbuy.com, phsar.net ដែលកំពុងដំណើរការ និងគេហទំព័រមួយចំនួនទៀតដូចជា kaymu.com.kh ដែលផ្អាកដំណើរការ។ និយាយរួម គេហទំព័រទាំងនេះ មានសកម្មភាពតិចតួចណាស់ ពីព្រោះ បរិយាកាសអាជីវកម្មអនឡាញ មិនទាន់អំណោយផល, អតិថិជនមិនទាន់ទំនុកចិត្ត ហើយក្រុមហ៊ុនគ្មានគម្រូអាជីវកម្មដែលមានលក្ខណៈទាក់ទាញគ្រប់គ្រាន់។
- ទំព័រលក់ទំនិញ Facebook ជាច្រើនដែលដំណើរការប្រហាក់ប្រហែលនឹងគេហទំព័រខាងលើដែរ តែមានលក្ខណៈរប៉េះរប៉ោះជាង។ ទំព័រ Facebook ជាឧបករណ៍ដែលមានប្រសិទ្ធភាពក្នុងការផ្សព្វផ្សាយ តែមិនមែនជាហាងលក់ទំនិញល្អជាមួយនឹងទំនិញច្រើនមុខនោះទេ។
- គេហទំព័រដំណឹងខ្លីៗដូចជា Khmer24.com, bongthom.com ដែលអនុញ្ញាតឳ្យអ្នកប្រើប្រាស់អាចផ្សព្វផ្សាយដំណឹងគ្រប់យ៉ាង តែគ្មានការពេញនិយមសម្រាប់ការទិញលក់ទំនិញទេ។
៥. យុទ្ធសាស្ត្រអាជីវកម្ម
យុទ្ធសាស្ត្រអាជីវកម្មរបស់ក្រុមហ៊ុន គឺផ្ដោតលើ ផលិតផលមានគុណភាព, ការទាក់ទាញអតិថិជនមកសាកល្បង និងសេវាអតិថិជន។
៥.១. យុទ្ធសាស្ត្រផលិតផល
ត្រូវសម្រិតសម្រាំងយុទ្ធសាស្ត្រថ្លៃ យុទ្ធសាស្ត្រផ្សព្វផ្សាយ និងយុទ្ធសាស្ត្រ ផលិតផល ដើម្បីតម្រូវតាមអតិថិជនប្រភេទនីមួយៗ៖
- អតិថិជនប្រភេទទី១៖ ត្រូវមានផលិតផលម៉ាកល្បីខ្លះៗ, ដាក់ថ្លៃឳ្យខ្ពស់ជាងថ្លៃទំនិញដទៃ តែទាបជាងថ្លៃទំនិញដូចគ្នាដែលលក់នៅបរទេសច្រើន។
- អតិថិជនប្រភេទទី២៖ ត្រូវមានផលិតផលល្បីមធ្យម និងមិនសូវល្បីតែមានម៉ាកយីហោត្រឹមត្រូវ និងដាក់ថ្លៃទាបទំនិញសម្រាប់អតិថិជនប្រភេទទី១ខាងលើ ព្រមទាំងផ្សព្វផ្សាយតាម Facebook ដូចគ្នា។
៥.២. យុទ្ធសាស្ត្រទាក់ទាញ
- ការផ្សព្វផ្សាយតាម Facebook ដោយសម្រួចទៅតាមប្រភេទអតិថិជន
- ការបញ្ចុះថ្លៃខ្លាំងប្រចាំសប្ដាហ៍ លើផលិតផល ១ ឬ ២ មុខ
- ការផ្ដល់ជូននូវ គូប៉ុង សម្រាប់ទាក់ទាញការទិញដំបូង។
- មិនគិតថ្លៃដឹកជញ្ជូនក្នុងរង្វង់ ១ គីឡូម៉ែត្រ ឬការទិញដំបូង។
៥.៣. សេវាអតិថិជន
- ធានាជូនលើរយៈពេលដឹកជញ្ជូន (១ម៉ោង ក្នុងរង្វង់ ២ គីឡូម៉ែត្រ, ២ ម៉ោង ក្នុងរាជធានីភ្នំពេញ, ១ ថ្ងៃ សម្រាប់តាមខេត្ត)
- ធានាសងប្រាក់វិញ និងសងជំងឺចិត្ត ប្រសិនបើទំនិញមិនដូចការពណ៍នានៅក្នុងប្រព័ន្ធលក់ទំនិញរបស់ក្រុមហ៊ុន
- ធានាលើការបាត់បង់តាមផ្លូវ
- ការទូទាត់អាចធ្វើឡើងនៅពេលប្រគល់ទំនិញ ឬតាមរយៈបណ្ណឥណទាន ឬតាមរយៈ សេវាទូទាត់ Wing, PayPal, និង សេវាទូទាត់រហ័សផ្សេងទៀត។
៥.៤. ចំណុចមានប្រៀប
ក្រុមហ៊ុនដាក់តាំងបង្ហាញទំនិញ តាមរយៈ គេហទំព័រ ដែលងាយស្រួលមើលទាំងសម្រាប់កុំព្យូទ័រ និងទូរសព្ទស្មាតហ្វូន ដើម្បីទទួលបានចំណាត់ថ្នាក់ល្អនៅក្នុង Google ព្រមទាំងមានកម្មវិធីទូរសព្ទបន្ថែមទៀត សម្រាប់ ប្រភេទ iPhone និង Android។ ក្រុមហ៊ុនជ្រើសរើសប្រព័ន្ធមេនិង ប្រព័ន្ធទិន្នន័យមានល្បឿនលឿន ដែលនឹងធ្វើឳ្យអ្នកប្រើប្រាស់ពេញចិត្ត។
៦. ការព្យាករណ៍អំពីការលក់
ការលក់រំពឹងនឹងមានកម្រិតទាបបំផុតក្នុងរយៈពេល ៤៥ ថ្ងៃដំបូង មុននឹងចាប់ផ្ដើមកើនឡើងជាលំដាប់ ជាមួយនឹងយុទ្ធនាការទីផ្សាររបស់ ក្រុមហ៊ុន និងឥទ្ធិពលនៃការនិយាយតគ្នា។
៧. រចនាសម្ព័ន្ធដឹកនាំក្រុមហ៊ុន
លោក A បានបញ្ចប់ការសិក្សាផ្នែកបរិញ្ញាបត្រព័ត៌មានវិទ្យា និងមានបទពិសោធន៍រៀបចំគេហទំព័រឳ្យក្រុមហ៊ុនធំៗមួយចំនួន និងបានអភិវឌ្ឍកម្មវិធីទូរសព្ទស្មាតហ្វូនបានមួយចំនួន។ លោកនឹងកាន់ដំណែងជាអគ្គនាយកក្រុមហ៊ុន។
លោកស្រី B បានបញ្ចប់ការសិក្សាផ្នែកគ្រប់គ្រងអាជីវកម្ម និងមានបទពិសោធន៍រយៈពេល៣ ឆ្នាំ នៅក្រុមហ៊ុន XYZ ក្នងដំណែងជាអ្នកគ្រប់គ្រងទីផ្សារ។ លោកស្រីនឹងកាន់ដំណឺងជានាយកគ្រប់គ្រងផ្នែកទីផ្សារ។
ក្រុមហ៊ុននឹងជ្រើសរើសបុគ្គលិក ៣ នាក់បន្ថែម៖
- ផ្នែកទិញ និងគ្រប់គ្រងស្តុក
- ផ្នែកគ្រប់គ្រងគេហទំព័រ
- ផ្នែកលក់ និងប្រគល់ទំនិញ។
គម្រោងថវិកាបុគ្គលិក | |||
YEAR 1 | YEAR 2 | YEAR 3 | |
CEO | $12,000 | $13,200 | $14,400 |
CFO | $9,600 | $10,800 | $12,000 |
Staff | $9,800 | $11,760 | $14,100 |
Total | $31,400 | $35,760 | $40,500 |
៨. ព្យាករណ៍ហិរញ្ញវត្ថុ
៨.១. ចំណុចរួចដើម
យុទ្ធនាការទាក់ទាញអតិថិជននឹងអស់ចំណាយច្រើន ដែលនឹងធ្វើឳ្យការខាតបង់ប្រចាំខែ នឹងបន្តរហូតដល់ខែទី១០ នៅឆ្នាំដំបូង។
៨.២. ព្យាករណ៍ចំណេញ-ខាត
Year 1 | Year 2 | Year 3 | |
Sales | $ 100,000 | $ 200,000 | $ 250,000 |
CGS | $ 70,000 | $ 140,000 | $ 175,000 |
Gross Margin | $ 30,000 | $ 60,000 | $ 75,000 |
Payroll | $ 31,400 | $ 35,760 | $ 40,500 |
Marketing | $ 10,000 | $ 10,000 | $ 10,000 |
Admin | $ 2,000 | $ 2,300 | $ 2,500 |
Depreciation | $ 500 | $ 500 | $ 500 |
Other Expenses | $ 1,100 | $ 1,440 | $ 1,500 |
Net income | $ (15,000) | $ 10,000 | $ 20,000 |
៨.៣. តារាងតុល្យការព្យាករណ៍
Year 1 | Year 2 | Year 3 | |
Cash | $ 16,500 | $ 25,000 | $ 42,500 |
Inventory | $ 5,000 | $ 7,000 | $ 10,000 |
Establishment | $ 10,950 | $ 10,700 | $ 10,450 |
Other Assets | $ 18,550 | $ 18,300 | $ 18,050 |
Total Assets | $ 51,000 | $ 61,000 | $ 81,000 |
Liabilities | $ 1,000 | $ 1,000 | $ 1,000 |
Capital Stock | $ 65,000 | $ 65,000 | $ 65,000 |
Retained Earnings | $ (15,000) | $ (5,000) | $ 15,000 |
Total Liabilities and Equity | $ 51,000 | $ 61,000 | $ 81,000 |
៨.៤. ព្យាករណ៍លំហូរសាច់ប្រាក់
Year 1 | Year 2 | Year 3 | |
Beginning Cash | $ 65,000 | $ 16,500 | $ 25,000 |
Cash Flow from Operatiions | |||
Net income | $ (15,000) | $ 10,000 | $ 20,000 |
Depreciation | $ 500 | $ 500 | $ 500 |
Decrease in Inventory | $ (5,000) | $ (2,000) | $ (3,000) |
Increase in Current Liabilities | $ 1,000 | $ – | $ – |
Net Cash Flow from Operations | $ (18,500) | $ 8,500 | $ 17,500 |
Cash Flow from Investing | |||
Purchase of equipment | $ (18,800) | $ – | $ – |
Establishment cost | $ (11,200) | $ – | $ – |
Net CF from Investing | $ (30,000) | $ – | $ – |
Cash Flow from Financing | |||
Issue of shares | $ – | $ – | $ – |
Net CF from Financing | $ – | $ – | $ – |
Ending Cash | $ 16,500 | $ 25,000 | $ 42,500 |
៨.៥. វិភាគរ៉ាស្យូ
YEAR 1 | YEAR 2 | YEAR 3 | INDUSTRY PROFILE | |
Sales Growth | 0.00% | 100.00% | 25.00% | 7.56% |
Percent of Total Assets | ||||
Inventory | 9.80% | 11.48% | 12.35% | 37.60% |
Other Current Assets | 0.00% | 0.00% | 0.00% | 29.04% |
Total Current Assets | 42.16% | 52.46% | 64.81% | 78.59% |
Long-term Assets | 57.84% | 47.54% | 35.19% | 21.41% |
TOTAL ASSETS | 100.00% | 100.00% | 100.00% | 100.00% |
Current Liabilities | 1.96% | 1.64% | 1.23% | 38.50% |
Long-term Liabilities | 0.00% | 0.00% | 0.00% | 19.42% |
Total Liabilities | 1.96% | 1.64% | 1.23% | 57.92% |
NET WORTH | 98.04% | 98.36% | 98.77% | 42.08% |
Percent of Sales | ||||
Sales | 100.00% | 100.00% | 100.00% | 100.00% |
Gross Margin | 30.00% | 30.00% | 30.00% | 34.85% |
Admin Expenses | 33.40% | 19.03% | 17.20% | 16.95% |
Advertising Expenses | 10.00% | 5.00% | 4.00% | 2.50% |
Net Income | -15.00% | 5.00% | 8.00% | 1.10% |
Main Ratios | ||||
Current | 21.5 | 32 | 52.5 | 1.79 |
Quick | 16.5 | 25 | 42.5 | 0.7 |
Debt Ratio | 1.96% | 1.64% | 1.23% | 65.04% |
Return on Equity | -30.00% | 16.67% | 25.00% | 2.65% |
Return on Assets | -29.41% | 16.39% | 24.69% | 7.59% |
៩. ឧបសម្ព័ន្ធ
៩.១. ព្យាករណ៍ការលក់ប្រចាំខែ
៩.២. ព្យាករណ៍ចំណូលចំណាយប្រចាំខែ
៩.៣. ព្យាករណ៍តារាងតុល្យការប្រចាំខែ
៩.៤. ព្យាករណ៍លំហូរសាច់ប្រាក់ប្រចាំខែ
មានសៀវភៅអត់បង
អៀ ដេត៖ ខាងក្រោមនេះជាតំណរលីង សម្រាប់កក់សៀវភៅ “មាគ៌ាឆ្ពោះទៅជាអ្នកគ្រប់គ្រង និងដឹកនាំឆ្នើម”
https://docs.google.com/forms/d/e/1FAIpQLSciIGcmEiJKQATZrh5yH6nCacLVXDYSxb14PdfF0hX6pjsqXQ/viewform