ច្បាប់ទាំង ១០ នៃទីផ្សារប្រព័ន្ធផ្សព្វផ្សាយសង្គម
កុំផ្សព្វផ្សាយមាតិការបស់អ្នក ដែលគេរកមើលមិនឃើញ។ មានន័យថា អ្នកត្រូវផ្សព្វផ្សាយមាតិកា និងចូលរួមការសន្ទនាជាទៀងទាត់។ អតិថិជនអាចផ្លាស់ប្ដូរចិត្ត ប្រសិនបើបាត់អស់រយៈពេលជាច្រើនសប្តាហ៍ ឬ ច្រើនខែ។
មាតិកា
- ១. ច្បាប់នៃការស្តាប់
- ២. ច្បាប់នៃការផ្តោតអារម្មណ៍
- ៣. ច្បាប់គុណភាព
- ៤. ច្បាប់នៃការអត់ធ្មត់
- ៥. ច្បាប់នៃការបំពេញបន្ថែម
- ៦. ច្បាប់នៃឥទ្ធិពល
- ៧. ច្បាប់នៃតម្លៃ
- ៨. ច្បាប់នៃការទទួលស្គាល់
- ៩. ច្បាប់នៃភាពងាយស្រួល
- ១០. ច្បាប់នៃផ្លាស់ប្ដូរទៅវិញទៅមក
ប្រព័ន្ធផ្សព្វផ្សាយ (Media) គឺជាច្រក ឬ វិធីផ្សេងៗនៃពត៌មាន កម្មវិធីកម្សាន្ត ការធ្វើទីផ្សារ ឬមាតិកាផ្សេងៗទៀតត្រូវបានចែកចាយ ហើយប្រភេទនៃប្រព័ន្ធផ្សព្វផ្សាយមានច្រើន។ ប្រភេទដែលចាស់ជាងគេ គឺប្រព័ន្ធផ្សព្វផ្សាយដែលបោះពុម្ពដូចជា ទស្សនាវដ្តី កាសែត និងផ្ទាំងបដាជាដើម។ នាសម័យថ្មីដែលអបជាមួយបច្ចេកវិទ្យាទំនើប ប្រព័ន្ធផ្សព្វផ្សាយ ក៏មានការផ្លាស់ប្តូរតាមនោះដែរ។ ទម្រង់ធម្មតានៃប្រព័ន្ធផ្សព្វផ្សាយ បានផ្លាស់ប្តូរពីវិទ្យុ និងទូរទស្សន៍មកលើអ៊ីនធឺណេត។ សព្វថ្ងៃ មនុស្សរាប់លាននាក់ប្រើប្រាស់ប្រព័ន្ធផ្សព្វផ្សាយសង្គមដូចជា ហ្វេសប៊ុក ដើម្បីចែកចាយគំនិត និងសារផ្សេងៗ។
ប្រព័ន្ធផ្សព្វផ្សាយសង្គម ឬ Social Media គឺជាគេហទំព័រ ឬ កម្មវិធីដែលអនុញ្ញាតឲ្យបងប្អូនបង្កើត និងចែករំលែកសារជាមួយនឹងអ្នកដទៃ។ មាតិកានៃសាររបស់បងប្អូន អាចមានទម្រង់ជារូបភាព អក្សរ ឬ ជាវីដេអូ។
ការបង្កើនគុណភាពខ្លឹមសារអត្ថបទ នៅក្នុងទីផ្សារសង្គម អាចជួយបង្កើតនចំនួនអ្នកទស្សនា និងអតិថិនបានច្រើន គួរឲ្យកត់សំគាល់។ ប៉ុន្តែ ការចាប់ផ្ដើមដោយបទពិសោធន៍ និងចំណេះដឹងទូទៅនៅមានកម្រិត អាចជាបញ្ហាប្រឈម ។ វាការចាំបាច់ណាស់ ដែលត្រូវយល់ដឹងអំពី មូលដ្ឋានគ្រឹះ អំពីទីផ្សារ នៃការផ្សព្វផ្សាយតាមបណ្ដាញសង្គម ។
ការបង្កើតគុណភាព លើការផ្សព្វផ្សាយតាមអ៊ិនធើណែត ត្រូវអនុលោមតាមច្បាប់ទាំង១០ ដើម្បីទាក់ទាញ អតិថិជន ការកសាងម៉ាក និងការបង្កើនប្រាក់ចំណូល៖
១. ច្បាប់នៃការស្តាប់
ភាពជោគជ័យ នៅលើប្រព័ន្ធផ្សព្វផ្សាយសង្គម និងទីផ្សារមាតិការព័ត៌មាន ទាមទារអត្ថបទស្ដាប់ ជាជាង ការជជែកពិភាក្សាគ្នា ។ ម៉្យាងវិញទៀត ការបង្កើតមាតិកាដែលចាំបាច់ និងមានតម្លៃសម្រាប់អតិថថិជន គឺជាគន្លឹះ និងជាមូលដ្ឋានសំខាន់ ដែលជំរុញឲ្យមានកំណើន អ្នកទស្សនានៃការផ្សព្វផ្សាយរបស់យើង។
២. ច្បាប់នៃការផ្តោតអារម្មណ៍
វាជាការប្រសើរក្នុងការធ្វើជំនាញមួយដែលគេត្រូវការ។ យុទ្ធសាស្ត្រប្រព័ន្ធផ្សព្វផ្សាយសង្គមនិងទីផ្សារមាតិកាដែលផ្តោតការយកចិត្តទុកដាក់ខ្ពស់ដើម្បីកសាងយីហោ មានភាពជោគជ័យខ្លាំងជាង យុទ្ធសាស្រ្តបែបទូលាយ ។ ព្រោះអតិថិជន គាត់ចង់ដឹង ជំនាញអ្វីដែលសំខាន់សម្រាប់គាត់ ។ ដូច្នេះ ការផ្ដល់អារម្មណ៍ លើជំនាញ ជាយន្តការឈានទៅរកភាពជោគជ័យ នៃការផ្សព្វផ្សាយរបស់យើង។
៣. ច្បាប់គុណភាព
គុណភាព វាជាកត្តាសំខាន់បំផុត។ វាជាការប្រសើរ ដែលមានអតិថិជន ១ពាន់នាក់ អាននិងចែករំលែក កិច្ចការបស់យើង ។ គឺវាប្រសើរជាង មានមនុស្ស ១០ម៉ឺននាក់ ដែលមិនខ្វល់ខ្វាយលើការងារផ្សព្វផ្សាយ ។ គុណភាព ជាគន្លឹះនាំទីភាពជោគជ័យ ពីមួយទៅមួយ និងនាំឲ្យមានកំណើននៃការចែករំលែកកាន់តែច្រើន នៅលើបណ្ដាញសង្គម។
៤. ច្បាប់នៃការអត់ធ្មត់
បណ្តាញសង្គមនិងជោគជ័យទីផ្សារមាតិកាមិនកើតឡើងពេញមួយយប់នោះទេ។ ដូច្នេះ អ្នកត្រូវតែរង់ចាំ និងចាំទទួល យកលទ្ធផល។
៥. ច្បាប់នៃការបំពេញបន្ថែម
ប្រសិនបើអ្នក ផ្សព្វផ្សាយមាតិកាដែលមានគុណភាព និង ផ្សាយទៅកាន់ ទស្សនិកជនតាមអ៊ិនធឺរណែតរបស់អ្នក នោះពួកគេនឹងចែករំលែកវា នៅលើ Twitter, ហ្វេសប៊ុក, LinkedIn, ប្លុកផ្ទាល់ខ្លួនរបស់ពួកគេនិងមធ្យោបាយច្រើននេះទៀត។ ការចែករំលែក អំពីខ្លឹមសាររបស់អ្នក គឺអាចកើនឡើងដល់រាប់រយឬរាប់ពាន់នាក់ ។
៦. ច្បាប់នៃឥទ្ធិពល
យើងត្រូវតែ ចំណាយពេលស្វែងរកឥទ្ធិពលតាមអ៊ិនធរណេតនៅក្នុងទីផ្សាររបស់អ្នក ឬអតិថិជន ដេលចាប់អារម្មណ៍ លើផលិតផលរបស់យើង។ ភ្ជាប់ទំនាក់ទំនងជាមួយមនុស្សទាំងនោះហើយ បង្កើតទំនាក់ទំនងជាមួយពួកគេ។ ប្រសិនបើអ្នកទទួលបាន ការចាប់អារម្មណ៍ គឺពួកគេជាប្រភពនៃការចែករំលែកមាតិការបស់អ្នកជាមួយអ្នកតាមដានផ្ទាល់ខ្លួនរបស់ពួកគេដែលអាចធ្វើឱ្យអ្នកនិងអាជីវកម្មរបស់អ្នក រីកធំ និងរីកចម្រើន។
៧. ច្បាប់នៃតម្លៃ
ប្រសិនបើអ្នកចំណាយពេលទាំងអស់របស់អ្នកនៅលើបណ្តាញសង្គមផ្សព្វផ្សាយដោយផ្ទាល់នូវផលិតផលនិងសេវាកម្មរបស់អ្នក នោះគេនឹងឈប់ស្តាប់។ អ្នកត្រូវតែបន្ថែមតម្លៃទៅលើការសន្ទនាដោយផ្តោត លើការបង្កើតមាតិកាដ៏អស្ចារ្យ និងកាត់បន្ថយការនិយាយឥតបានការ។ នៅពេលដែលបង្កើតមាតិការមានតម្លៃហើយ នោះគេនឹងនិយាយតគ្នាពីមាត់មួយ ទៅមាត់មួយទៀត។
៨. ច្បាប់នៃការទទួលស្គាល់
ការកសាងទំនាក់ទំនងគឺជាផ្នែកមួយដ៏សំខាន់បំផុតនៃភាពជោគជ័យនៃទីផ្សារប្រព័ន្ធផ្សព្វផ្សាយសង្គម ។ ដូច្នេះត្រូវទទួលស្គាល់មនុស្សគ្រប់រូប និងត្រូវចាប់យក គ្រប់ប្រភេទមនុស្សទាំងអស់។
៩. ច្បាប់នៃភាពងាយស្រួល
កុំផ្សព្វផ្សាយមាតិការបស់អ្នក ដែលគេរកមើលមិនឃើញ។ មានន័យថាអ្នកត្រូវផ្សព្វផ្សាយមាតិកានិងចូលរួមការសន្ទនាជាទៀងទាត់។ អតិថិជនអាចផ្លាស់ប្ដូរចិត្ត ប្រសិនបើ បាត់អស់ រយៈពេលជាច្រើនសប្តាហ៍ឬច្រើនខែ។
១០. ច្បាប់នៃផ្លាស់ប្ដូរទៅវិញទៅមក
អ្នកមិនអាចរំពឹងឱ្យអ្នកដទៃចែកចាយមាតិការបស់អ្នក ដោយនិយាយអំពីអ្នកបានទេ ។ ដូច្នេះផ្នែកមួយដែលអ្នកត្រូវធ្វើគឺត្រូវ ចំណាយពេកលលើបណ្តាញសង្គម ដោយនិយាយអំពីមាតិកាដែលផ្សាយដោយអ្នកដទៃ និងមនុស្សធម្មតា។
អត្ថបទទាក់ទង
គន្លឹះ ៦ យ៉ាង ដើម្បីពិចារណានៅពេលបង្កើតយុទ្ធសាស្រ្តទំនួលខុសត្រូវសង្គមសាជីវកម្ម (CSR)