រឿង សត្វស្ការដ៏ស្មោះត្រង់
មានកសិករម្នាក់រស់នៅជាមួយប្រពន្ធនៅក្នុងភូមិតូចមួយដោយមានកូនប្រុសម្នាក់ និងសត្វស្ការមួយក្បាលដែលជាសត្វចិញ្ចឹម។
ក្មេងតូច និងសត្វស្ការ គឺជាមិត្តល្អហ្នឹងគ្នា។ ថ្ងៃមួយ កសិករទៅធ្វើការនៅក្នុងភូមិបាត់ ប្រពន្នកសិករក៏ចេញទៅផ្សារដោយគាត់ទុកកូនតូចឱ្យនៅក្នុងផ្ទះជាមួយសត្វស្ការ។
គ្រានោះ មានសត្វពស់មួយក្បាលបានចូលទៅក្នុងផ្ទះ ហើយបានសំដៅទៅខាំក្មេងប្រុសតូច។ ប៉ុន្តែសត្វស្ការបានបញ្ឈប់វាដោយវាយប្រយុទ្ធគ្នាយ៉ាងខ្លាំងរវាងពួកគេរហូតស្ការបានខាំសត្វពស់នោះហើយសម្លាប់វាបាន។
ពេលប្រពន្ធកសិករមកពីផ្សារវិញ ឃើញសត្វស្ការមានឈាមក្នុងមាត់ និងក្រញាំដូចនោះ គាត់ក៏មានការយល់ខុសថា សត្វស្ការវាបានវាយប្រហារកូនប្រុសរបស់នាង។ ប្រពន្ធកសិករយកដំបងវែងវាយក្បាលសត្វស្ការយ៉ាងខ្លាំង។ ហើយនាងរត់ចូលក្នុងផ្ទះរកកូនប្រុសតូចរបស់នាង។ នាងសែនតក់ស្លុតពេលឃើញពស់ដ៏ធំងាប់នៅលើឥដ្ឋ និងមានការសោកស្តាយដែលបានសំពងទៅលើស្ការយ៉ាងធ្ងន់ធ្ងរ។
តំលៃនៃការអប់រំ៖ គិត និងមើលជាមុនសិនមុនសម្រេចថាអ្នកណាខុស។
អត្ថបទទាក់ទង