គម្រោង គឺជាការប្រមូលផ្ដុំនៃសកម្មភាពជាច្រើនដែលពាក់ព័ន្ធគ្នា ដែលនឹងត្រូវអនុវត្ដតាមបែបបទដែលបានរៀបចំរួចជាស្រេច ដោយមានចំណុចចាប់ផ្ដើម និងបញ្ចប់ច្បាស់លាស់។ គោលបំណងរបស់គម្រោង គឺធ្វើយ៉ាងណាឱ្យសម្រេចបាននូវលទ្ធផលជាក់លាក់ ដើម្បីបំពេញតាមតម្រូវការយុទ្ធសាស្ដ្ររបស់ស្ថាប័នមួយ។ ការងាររបស់គម្រោង គឺលើសពីសកម្មភាពអាជីវកម្មធម្មតារបស់ស្ថាប័នមួយ។ សកម្មភាពនានារបស់គម្រោង មានទំនាក់ទំនងជាលំដាប់លំដោយ ពោលគឺសកម្មភាពជាក់ស្ដែងមួយចំនួនត្រូវតែធ្វើឱ្យរួចរាល់ មុននឹងសកម្មភាពថ្មីមួយទៀតអាចចាប់ផ្ដើមបាន ដោយផ្អែកលើលក្ខណៈបច្ចេកទេស ឬរដ្ឋបាល។ គម្រោងនីមួយៗ...
