រឿងខ្លី៖ ចងកណ្តឹងកឆ្មារ (Who Will Bell the Cat?) បង្កប់អត្ថន័យអំពីកិច្ច​ការ​ដែល​មិន​អាច​​ធ្វើ​​កើត​​តែង​តែ​ស្រួល​ក្នុង​ការ​និយាយ

សម័យ​ថ្ងៃ​មួយ​ ពួក​សត្វ​កណ្តុរ​បាន​នាំគ្នា​បើក​អង្គ​ប្រជុំ​មួយ​ដើម្បី​រក​វិធី​ទប់ទល់​នឹង​សត្រូវ​ស៊ូរ​ពួជ​របស់​គេ​ គឺ​សត្វ​ឆ្មារ។ កណ្តុរ​មួយ​និយាយ​អញ្ចេះ កណ្តុរ​មួយ​និយាយ​អញ្ចុះ មិន​មាន​មតិ​ស្រប​គ្នា​សោះ តែ​ពេល​នោះ​ក៏​មាន​កណ្តុរ​ក្មេង​មួយ​​ចេញ​មក​និយាយ​ថា ​វា​មាន​ដំណោះស្រាយ​ដ៏​ពិសេស​មួយ។

“អ្នក​ទាំង​អស់​គ្នា​ប្រាកដ​ជា​យល់​ស្រប​នឹង​ខ្ញុំ។ សត្រូវ​របស់​យើង​មក​រក​ចាប់​យើង​ដោយ​មិនឲ្យ​យើង​ដឹង​មុន​ឡើយ ដូច្នេះ​បើ​សិន​ជា​យើង​អាច​​ទទួល​បាន​សញ្ញា​មុន​ពេល​ដែល​វា​​មក​ដល់ យើង​​ប្រាកដ​ជា​គេច​ខ្លួន​បាន​ដោយ​សុវត្ថិភាព។ ដំណោះ​ស្រាយ​របស់​ខ្ញុំគឺថា យក​យក​កណ្តឹង​មួយ​ចង​និង​ខ្សែ​ ហើយ​យក​ទៅ​​ពាក់​​នឹង​​ក​វា​ទៅ។ ​អញ្ចឹង​យើង​ប្រាកដ​ជា​អាច​ដឹង​ថា​វានៅ​ឯណា ហើយ​បើ​វា​មក​ជិត​យើង​ប្រាកដ​ជា​អាច​គេច​ខ្លួន​បាន​ទាន់ពេល។”

មាន​សម្លេង​ទះ​ជើង​បាន​លឺ​​ឡើង​យ៉ាង​កង​រំពង​ តែ​រំពេច​នោះ​មាន​កណ្តុរ​ចាស់​មួយ​និយាយ​ថា៖ “ពិត​ជា​ដំណោះ​ស្រាយ​ដ៏​អស្ចារ្យ​មែន តែ​ថា​នរណា​នឹង​យក​កណ្តឹង​នេះ​ទៅ​ចង?”

ពួក​កណ្តុរ​នាំ​គ្នា​មើល​មុខ​គ្នា​ឡេង​ឡង់​ទៅ​វិញ​ទៅ​មក… កណ្តុរ​ចាស់​ក៏​បាន​បង្ហើយ​ថា៖ “ពិត​ជា​ដំណោះ​ស្រាយ​ដ៏​អស្ចារ្យ​មែន តែ​ថា​នរណា​នឹង​យក​កណ្តឹង​នេះ​ទៅ​ចង?”

រឿងនេះចង់បង្ហាញមិត្តអ្នកអានថា៖

កិច្ច​ការ​ដែល​មិន​អាច​​ធ្វើ​​កើត​​តែង​តែ​ស្រួល​ក្នុង​ការ​និយាយ

ដកស្រង់ចេញពីរឿងនិទានអ៊ីសុប


អត្ថបទទាក់ទង

រឿងខ្លី៖ ឆ្កែព្រៃក្នុងហ្វូងចៀម

Leave a Reply