រឿងខ្លី៖ កង្កែប និងកណ្តុរ
រឿង កង្កែប និងកណ្តុរ ជារឿងមួយស្ថិតក្នុងចំណោមទាំងឡាយរបស់រឿងនិទានអ៊ីសុប (Aesop) ដែលដំណាលថា៖
កូនកណ្តុរមួយបានធ្វើដំណើរផ្សងព្រេងតាមមាត់ត្រពាំង។ កង្កែបមួយបានឃើញកូនកណ្តុរ ក៏ហែលទៅអែបនឹងកូនកណ្តុរ ហើយក៏និយាយស្នើទៅកាន់កូនកណ្តុរនោះ ឱ្យចុះមកហែលលេងជាមួយវា។ កូនកណ្តុរមានចិត្តរីករាយចង់លេងកម្សាន្តណាស់ តែវាមិនប្រសប់ហែលទឹកនោះទេ វាក៏បានសុំកង្កែបផ្តល់យោបល់។ កង្កែបចង់ធ្វើបាបកូនកណ្តុរនោះផង ក៏ឱ្យយោបល់ថា ពួកយើងចងជើងជាប់គ្នា។ ពួកគេក៏បានហែលទឹកលេងយ៉ាងរីករាយ តែមិនយូរប៉ុន្មាន កូនកណ្តុរក៏ចាប់ផ្តើមហត់នឿយចង់ត្រឡប់ទៅមាត់ច្រាំងវិញ។ កង្កែបខឹងខ្លាំងណាស់ ព្រោះមិនទាន់ចង់បញ្ឈប់ទេ វាក៏ហែលជ្រមុជចុះយ៉ាងជ្រៅទៅក្នុងបាតត្រពាំងធ្វើឱ្យកូនកណ្តុរឈ្លក់បាត់បង់ជីវិតទៅ។
ពេលដែលកង្កែបងើបពីក្រោមផ្ទៃទឹកវិញ វាបានព្យាយាមស្រាយចំណងជើងចេញ ក៏ស្រាប់តែមានសត្វស្ទាំងមួយកំពុងហើររកអាហារបានហោះឆាបចឹកស៊ីទាំងកង្កែប និងកណ្តុរនោះទៅ។
បុគ្គលដែលចូលចិត្តបង្កបញ្ហាដល់អ្នកដទៃ រមែងតែងតែបង្កបញ្ហាដល់ខ្លួនឯងដែរ។
អត្ថបទទាក់ទង
រឿងខ្លី៖ ក្អែក និងក្ងោក អានហើយអ្នកនឹងរីករាយនូវអ្វីដែលខ្លួនមាន