រឿង សំឡេងអេកូ
កូនប្រុស និងឪពុករបស់គាត់កំពុងដើរលើភ្នំមួយ។ រំពេចនោះ កូនប្រុសក៏ដួលបោកខ្លួនឯង និងស្រែកទាំងឈឺចាប់។
ភ្ញាក់ផ្អើល គាត់បានឮសំឡេងនិយាយឡើងវិញ នៅកន្លែងណាមួយនៅលើភ្នំ៖
ដោយឆ្ងល់ គាត់ស្រែកថា “អ្នកជានរណា?”
គាត់ទទួលបានចម្លើយ៖ “អ្នកជានរណា?”
ដោយខឹងនឹងការឆ្លើយតប គាត់ស្រែកថា “កំសាក!”
គាត់បានទទួលចម្លើយថា “កំសាក!”
គាត់មើលទៅឪពុករបស់គាត់ ហើយសួរថា “តើមានអ្វីកើតឡើង?”
ឪពុកញញឹម ហើយនិយាយថា៖ “កូនអើយ ចូរយកចិត្តទុកដាក់។”
ហើយបន្ទាប់មកគាត់ស្រែកទៅកាន់ភ្នំថា “ខ្ញុំកោតសរសើរអ្នក!”
សំឡេងឆ្លើយថា “ខ្ញុំកោតសរសើរអ្នក!”
បុរសនោះស្រែកម្តងទៀត៖ “អ្នកគឺជាជើងឯក!”
សំឡេងឆ្លើយថា “អ្នកគឺជាជើងឯក!”
ក្មេងប្រុសភ្ញាក់ផ្អើល ប៉ុន្តែមិនយល់។
បន្ទាប់មកឪពុកពន្យល់ថា៖ “មនុស្សហៅរឿងនេះថា អេកូ (សំឡេងឡង ឬបន្ទរ) ប៉ុន្តែការពិតនេះជាជីវិត។ វាផ្តល់ឱ្យអ្នកនូវអ្វីគ្រប់យ៉ាងដែលអ្នកនិយាយ ឬធ្វើ។ ជីវិតរបស់យើង គ្រាន់តែជាការឆ្លុះបញ្ចាំងពីសកម្មភាពរបស់យើង។
បើអ្នកចង់បានក្ដីស្រឡាញ់កាន់តែច្រើនលើលោកនេះ ចូរបង្កើតក្ដីស្រឡាញ់ឲ្យកាន់តែច្រើនឡើងក្នុងចិត្ត។
គំនិតពិចារណាក្នុងរឿងនេះគឺ៖
ប្រសិនបើអ្នកចង់បានសមត្ថភាពបន្ថែមទៀតនៅក្នុងក្រុមរបស់អ្នក សូមធ្វើឱ្យប្រសើរឡើងនូវសមត្ថភាពរបស់អ្នក។ ទំនាក់ទំនងនេះអនុវត្តចំពោះអ្វីៗគ្រប់យ៉ាង ក្នុងគ្រប់ទិដ្ឋភាពនៃជីវិត។ ជីវិតនឹងផ្តល់ឱ្យអ្នកនូវអ្វីគ្រប់យ៉ាងដែលអ្នកបានផ្ដល់ឲ្យវាមកវិញ។”
សម្រួលពី English Conversation
អត្ថបទទាក់ទង