រឿង ធំតែមាឌ
មានដំរីមួយក្បាលរស់នៅព្រៃមួយ។ ដំរីនោះខ្លាចគ្រប់អ្វីៗទាំងឡាយដូចជា ទឹក ខ្យល់ ភ្លៀង សត្វផ្សេងៗ និងខ្លាចសូម្បីតែសត្វតូចៗដូចជា កណ្ដុរ និងជន្លេនជាដើម។ វាគិតថាទឹកនឹងធ្វើឲ្យវាលង់។ ខ្យល់នឹងបក់វាឲ្យទៅឆ្ងាយ។ ភ្លៀងនឹងធ្វើឲ្យវាឈឺ និងសត្វផ្សេងទៀតអាចនឹងសម្លាប់វា។ មិត្តភក្តិ និងបងប្អូនរបស់វា ព្រួយបារម្ភពីវាខ្លាំងណាស់។ មិត្តរបស់វាបានឲ្យយោបល់ “ធ្វើខ្លួនឲ្យដូចដំរី!”។ ប៉ុន្តែវាមិនដឹងថាត្រូវធ្វើដូចម្ដេចទេ។ វាមិនអាចរស់នៅជាមួយជីវិតរីករាយឡើយ។
វាតែងតែពួននៅពីក្រោយដើមឈើធំៗ។ វាមិនចូលចិត្តសមាជិកនៅក្នុងគ្រួសារទេ។ ថ្ងៃមួយ សត្វខ្លារខិនវៃឆ្លាតចំណាស់មួយក្បាលបាននិយាយថា “ប្រសិនបើអ្នកមិនចង់ទៅជិតសត្វដទៃទេ ដូច្នេះកុំទៅជិតអី! យ៉ាងហោចណាស់ក៏អ្នកឈប់ខ្លាចអ្វីៗដែរ។ តែប្រសិនបើអ្នកចង់បង្ហាញភាពទន់ខ្សោយរបស់អ្នក គ្មាននរណាម្នាក់នឹងគោរពអ្នកនោះទេ។” ចាប់ពីពេលនោះមក ដំរីនោះចាប់ផ្ដើមនិយាយជាមួយសត្វឯទៀត និងរស់នៅយ៉ាងមានសេរីភាព។
អត្ថបទទាក់ទង