អ្នកគួរប្រើវិធីសាស្រ្តទាំង៦នេះ ពេលជួបមនុស្សដែលពិបាកធ្វើការជាមួយ

មនុស្សដែលមិនគោរពការងាររបស់ខ្លួនតាមការសន្យា មនុស្សដែលមិនបង្ហាញការសហការ អ្នកដែលប្រកាន់ខ្ជាប់នូវទស្សនៈរបស់ពួកគេ ហើយបដិសេធមិនសហការជាមួយអ្នក ហើយនិងមានច្រើនទៀត… “ហេតុអ្វីបានជាមនុស្សទាំងនេះពិបាកដូច្នេះ?” “មនុស្សទាំងនេះមិនទទួលខុសត្រូវទេ!?” “ជាសំណាងរបស់ខ្ញុំដែលធ្វើការជាមួយពួកគេ” ឬ “ខ្ញុំមិនចង់ធ្វើការជាមួយមនុស្សទាំងនេះម្តងទៀតទេ!” ។ នេះគឺជាគន្លឹះទាំង ៩ ដែលខ្ញុំបានរកឃើញពេលធ្វើការក្នុងការទំនាក់ទំនងជាមួយមនុស្សបែបនេះ៖

១. ប្រព្រឹត្តចំពោះមនុស្សដោយការគោរព

គ្មាននរណាម្នាក់ចូលចិត្តឱ្យគេចាត់ទុកខ្លួនដូចជា មនុស្សឆោតល្ងង់អសមត្ថភាព ប្រសិនបើអ្នកធ្វើទង្វើដោយមិនគោរព វានឹងមិនគួរឱ្យភ្ញាក់ផ្អើលទេដែលគាត់នឹងធ្វើដាក់អ្នកតាមរបៀបដូចគ្នា។ សូមចងចាំថា“ចូរធ្វើចំពោះអ្នកដទៃដូចដែលអ្នកចង់អោយគេធ្វើចំពោះអ្នកដែរ”។

២. កសាងទំនាក់ទំនង

ចេញទៅក្រៅជាមួយពួកគេសម្រាប់អាហារថ្ងៃត្រង់ ឬអាហារពេលល្ងាចស្គាល់ពួកគេឱ្យជិតស្និត មិនមែនត្រឹមតែជាមិត្តរួមការងារទេ។ ចូរស្វែងយល់បន្ថែមអំពីចំណូលចិត្តក្រុមគ្រួសារ និងជីវិតរបស់ពួកគេ ទាំងនេះនឹងទៅជាផ្លូវទំនាក់ទំនងដ៏វែងមួយនៅក្នុងការងាររបស់អ្នក។

៣. ចិត្តត្រជាក់

ការគ្រប់គ្រងកំហឹង និងការឆេវឆាវរបស់អ្នកចំពោះអ្នកដទៃ ធម្មតា គឺជាវិធីល្អបំផុតដើម្បីធ្វើឱ្យបុគ្គលម្នាក់នោះសហការជាមួយអ្នក។ អ្នកដឹងថាកំហឹងនឹងជម្រុញឱ្យបុគ្គលនោះក្លាយជាសកម្មភាព ហើយអ្នកកំពុងប្រើវាជាយុទ្ធសាស្រ្តដើម្បីជម្រុញគាត់ឱ្យបានដឹងថា អ្នកជាមនុស្សដែលមានចិត្តត្រជាក់។ មនុស្សដែលចេះគ្រប់គ្រងកំហឹង ត្រូវបានគេមើលឃើញថាគួរឱ្យគោរព។ នៅពេលដែលមនុស្សម្នាក់ ដែលអ្នកកំពុងទាក់ទងជាមួយគេមានភាពស្ងប់ស្ងាត់ ទោះបីជាពួកគេកំពុងធ្វើអ្វីក៏ដោយ អ្នកនឹងចាប់ផ្តើមទទួលបានការយកចិត្តទុកដាក់ពីពួកគេ។

៤. ស្វែងយល់ពីចេតនារបស់បុគ្គលនោះ

ជឿថា គ្មាននរណាម្នាក់ដែលពិបាកនឹងសម្របខ្លួនជាមួយនោះទេ សូម្បីតែនៅពេលដែលមនុស្សម្នាក់នោះមានហេតុផលជាមូលដ្ឋានដែលជំរុញឱ្យពួកគេធ្វើបែបនេះក៏ដោយ។ ព្យាយាមកំណត់អត្តសញ្ញាណរបស់មនុស្សម្នាក់នោះ ថាតើអ្វីដែលធ្វើឱ្យគាត់នាងប្រព្រឹត្តតាមរបៀបនេះ? តើអ្វីដែលរារាំងគាត់មិនឱ្យសហការជាមួយអ្នក? តើអ្នកអាចជួយបំពេញសេចក្តីត្រូវការរបស់គាត់ និងដោះស្រាយស្ថានភាពនោះបានយ៉ាងដូចម្តេច?

៥. ទទួលយកទស្សនៈខ្លះពីអ្នកដទៃ

ពួកគេនឹងអាចមើលឃើញអ្វីៗពីមុំខុសគ្នា និងផ្តល់នូវស្ថានភាពខុសគ្នាស្វែងរកការចែករំលែករឿងរបស់អ្នក និងស្តាប់អ្វីដែលពួកគេត្រូវនិយាយ។ អ្នកប្រហែលជាអាចរកឃើញដំបូន្មានល្អខ្លះក្នុងពេលសន្ទនានោះ។

៦. ឱ្យគេដឹងថា អ្នកមកពីណា

រឿងមួយដែលអាចជួយអ្នក គឺឱ្យមនុស្សនោះដឹងពីចេតនារបស់អ្នក នៅពីក្រោយអ្វីដែលអ្នកកំពុងធ្វើ។ ពេលខ្លះពួកគេគិតថា អ្នកទើបពិបាកនឹងគេ។ សូមអនុញ្ញាតឱ្យពួកគេមានហេតុផលនៅពីក្រោយសកម្មភាពរបស់អ្នក និងឱ្យពួកគេយល់ពីស្ថានភាពរបស់អ្នក។

ជារួមមក មិនថាអ្នកទៅទីណា អ្នកមិនអាចលាក់ខ្លួនពីមសុ្សប្រភេទនេះបានឡើយ។ ការគេចវេសមិនមែនជាដំណោះស្រាយទេ លើសពីនេះទៅទៀតនៅក្នុងបរិបទការងារ ជាធម្មតាវាពិបាកក្នុងការជៀសវាង ឬគេចពីនរណាម្នាក់ណាស់ លើកលែងតែអ្នកឈប់ពីការងារទាំងស្រុង។

សម្រួលពី៖ Business Insider, 9 Useful Strategies to Dealing with Difficult People at Work


អត្ថបទទាក់ទង

វិធីសាស្រ្ត ១០យ៉ាង ជួយឱ្យអ្នកបំពេញការងារប្រកបដោយប្រសិទ្ឋភាពនៅកន្លែងធ្វើការ

Leave a Reply