គន្លឹះសាមញ្ញៗចំនួន ៦ ជួយអ្នកឲ្យជំនះឧបសគ្គក្នុងជីវិត
ក្នុងជីវិតការងារ ពិតណាស់ច្បាស់ជាជួបនឹងការលំបាក។ ហើយគ្រប់ពេលដែលជួបបញ្ហា ការលំបាក ឧសគ្គ អ្នកកាន់តែមានជំងឺធ្លាក់ទឹកចិត្ត វានឹងពិបាកយកឈ្នះខ្លាំងណាស់។ យ៉ាងណាមិញ ឧបសគ្គនៅក្នុងជីវិត ជាអ្វីមួយដែលគ្រប់គ្នារមែងពើបប្រទះ ហើយវាក៏អាចត្រូវបានប្រើ ដើម្បីជាប្រយោជន៍សម្រាប់សាកល្បងមនុស្សម្នាក់ៗ។ ដូច្នេះ បើអ្នកអាចធ្វើតាមគន្លឹះទាំងនេះបាន អ្នកនឹងប្រឈមមុខនឹងការលំបាកកាន់តែងាយស្រួល។
១. ធ្វើការប្រកួតប្រជែងជាមួយនឹងជំនឿរបស់អ្នក
ពេលខ្លះយើងដាក់កម្រិតលើខ្លួនយើង ជាមួយនឹងគំនិតអវិជ្ជមាន។ ប្រសិនបើអ្នកគិតថា អ្នកមិនអាចធ្វើបាន មិនអាចឈ្នះ មិនអាចជោគជ័យបាន អ្នកនឹងនៅកន្លែងដែលអ្នកនៅ។ ប៉ុន្តែនៅពេលដែលអ្នកជំទាស់នឹងជំនឿរបស់អ្នកថា “ខ្ញុំអាចធ្វើបាន” និង “ខ្ញុំនឹងឆ្លងកាត់គ្រាលំបាកនេះ” អ្នកនឹងបំបាត់ជំនឿដែលកំណត់អ្នក ហើយលើកទឹកចិត្តខ្លួនឯងថាអាចជោគជ័យ។
២. នៅឱ្យឆ្ងាយពីបញ្ហា ដើម្បីបន្ឋូរអារម្មណ៍
ប្រសិនបើអ្នកប្រកាន់ខ្ជាប់នូវទម្លាប់ធម្មតារបស់អ្នក វានឹងពិបាកខ្លាំងណាស់សម្រាប់អ្នកក្នុងការឈប់គិតអំពីកាលៈទេសៈពិបាក ដែលអ្នកកំពុងឆ្លងកាត់។ ដូច្នេះ សូមធ្វើសកម្មភាពថ្មីៗមួយចំនួន ដែលអ្នកនឹងមិនធ្វើជាធម្មតា។
ការស្តាប់តន្រ្តី ដែលអ្នកចូលចិត្ត ក៏ជួយអ្នកផ្លាស់ប្តូរស្ថានភាពចិត្តរបស់អ្នក និងមានអាកប្បកិរិយាវិជ្ជមានចំពោះជីវិតបានដែរ។
៣. ព្យាបាលរបួសខាងក្នុង
មនុស្សម្នាក់ៗមានរបួសខាងក្នុងចិត្តរៀងៗខ្លួន។ ប្រសិនបើអ្នកព្យាយាមងប់ងល់នឹងបញ្ហា និងអតីតកាល វានឹងកើតឡើងម្តងទៀតហើយធ្វើឱ្យអ្នកឈឺចាប់។ ដូច្នេះស្មោះត្រង់ជាមួយអារម្មណ៍របស់អ្នក។ ឧទាហរណ៍ ប្រសិនបើអ្នកបាត់បង់ហាង បាត់បង់ការងាររបស់អ្នក អ្នកត្រូវចេះប្រឈមមុខនឹងវា ហើយជឿជាក់ថាការងារថ្មីល្អប្រសើរកំពុងរង់ចាំអ្នកនៅខាងមុខ។
៤. រៀនសូត្រពីមនុស្សវិជ្ជមាន
ពេលមានវិបត្តិ អ្នកគួរព្យាយាមរក្សាទាក់ទងជាមួយមនុស្សដែលមានអាកប្បកិរិយាវិជ្ជមាន។ តាមរយៈការធ្វើដូច្នេះ អ្នកនឹងស្រូបយកអារម្មណ៍ល្អៗរបស់ពួកគេ ហើយលុបបំបាត់នូវការខកចិត្តរបស់អ្នក។ ប្រសិនបើអ្នកនៅជុំវិញខ្លួនអ្នកជាមួយមនុស្សដែលមានអាកប្បកិរិយាវិជ្ជមាន អ្នកនឹងផ្លាស់ប្តូរអារម្មណ៍របស់អ្នក ហើយមើលឃើញអ្វីៗពីទស្សនៈសុទិដ្ឋិនិយមជាងមុន។
៥. កុំគិតអាក្រក់ពីអ្នកដទៃ
កុំគិតថា មនុស្សគ្រប់គ្នាអាក្រក់។ អ្នកគួរតែយកចិត្តទុកដាក់ចំពោះអំពើល្អរបស់អ្នកដទៃ យកចិត្តទុកដាក់បន្ថែមទៀត នៅពេលមនុស្សប្រព្រឹត្តរឿងល្អៗចំពោះអ្នកបាន គិតដល់តែមនុស្សល្អៗបានហើយ។
មានចិត្តសប្បុរសចំពោះអ្នករាល់គ្នាដោយខ្លួនឯង។ វិធីនោះ អ្នកនឹងបើកចិត្តឱ្យបានច្រើន។ ការទទួលស្គាល់ចំណុចល្អចំពោះអ្នកដទៃ ក៏ជួយធ្វើឱ្យខ្លួនឯងក្លាយជាមនុស្សល្អម្នាក់ដែរ។
៦. ធ្វើជំហានតូច
ប្រសិនបើការងារ និងជីវិតមានភាពតានតឹងខ្លាំង សូមព្យាយាមផ្លាស់ប្តូររឿងមួយចំនួន ដែលបង្កើនកម្រិតស្ត្រេស និងកង្វល់របស់។ ឧទាហរណ៍ ៖ រៀបចំតុរបស់អ្នកឱ្យស្អាតរៀបចំឯកសាររបស់អ្នកឱ្យបានត្រឹមត្រូវ។
រួមជាមួយនោះ អ្នកគួរតែកំណត់នូវអ្វីដែលផ្តល់ឱ្យអ្នកនូវការលំបាក។ មិនយូរប៉ុន្មាន អ្នកនឹងដឹងថា រាល់ការផ្លាស់ប្តូរមិនថាតូចប៉ុនណាក៏ដោយ វាក៏នឹងផ្តល់ថាមពលគ្រប់គ្រាន់ដល់អ្នកដើម្បីបន្តឆ្លងកាត់ឧបសគ្គធំៗ។
អត្ថបទទាក់ទង
កំហុស ៤ យ៉ាងក្នុងជីវិត ដែលអ្នកគួរតែរីករាយដែលបានសម្រេចចិត្តធ្វើវា