កត្តាទាំង ៥ ដើម្បីទទួលបានជោគជ័យក្នុង​​ជីវិត

តើ​ធ្វើ​ដូច​ម្តេច​ដើម្បី​ទទួល​បាន​ជោគជ័យ​នៅ​ក្នុង​ជីវិត​របស់អ្នក​?​ នេះ​ជា​សំណួរ​ដែល​មាន​​តម្លៃ​រាប់លាន​ដុល្លារ​ ដែលមនុស្សគ្រប់គ្នាចង់បានចម្លើយ។ ប៉ុន្តែ​មាន​មនុស្ស​​មួយ​ចំនួន​​ បាន​លើក​ឡើង​ថា​ បើ​យើង​ភ័យ​ខ្លាច​ នោះ​យើង​នឹង​បរាជ័យ តែ​បើ​យើង​សាក​ល្បង​​អនុវត្តន៍ យើង​មាន​ឱកាស​នាំ​មក​​នូវ​ភាពជោគជ័យ។ ​

ដើម្បី​ទទួលបាន​​នូវភាព​ជោគជ័យ យើង​អាច​រកឃើញនៅក្នុងកត្តា ៥ ដូចខាងក្រោម៖

១. ភាពស្មោះត្រង់

​ទំនុកចិត្ត គឺជាគន្លឹះដ៏សំខាន់​នៅក្នុងទំនាក់ទំនង​របស់យើង​។ អ្នកដែលមិនអាចគោរពពាក្យ​សម្ដី​របស់​ខ្លួន​ឯង នោះ​ជីវិត​គេនឹង​នាំ​មក​ភាព​បរាជ័យ​។ ប្រសិនបើអ្នកប្តេជ្ញាធ្វើអ្វីមួយហើយ ចូរ​តាំង​ចិត្ត​ធ្វើ​វា​​ឲ្យជាប់។ បើ​យើង​ធ្វើ​ដូច្នេះ​​នោះទេ​​ វាបង្ហាញពី​ភាពមិន​ស្មោះត្រង់​ចំពោះការ​ប្តេជ្ញាចិត្ត​របស់​អ្នក។ គុណ​​តម្លៃ ឬ​ លក្ខណៈសំខាន់នៃភាព​ស្មោះត្រង់​ នោះគឺការគោរពពាក្យសម្តី ការប្តេជ្ញាចិត្តរបស់អ្នក ហើយសំខាន់បំផុត​នោះ គឺការគោរពខ្លួនឯង។

២. ចក្ខុវិស័យ

ចក្ខុវិស័យ មានសារសំខាន់បំផុតចំពោះជោគជ័យ។ ប្រសិនបើអ្នកមិនអាចមើលឃើញ​​អ្វីដែល​អ្នក​បា​ន​នោះទេ ចូរបំភ្លេចចោលនូវពាក្យភាពជោគជ័យ។ ចក្ខុវិស័យ សំដៅទៅលើ “បំណងប្រាថ្នា” ​ដែល​យើ​ចង់​សម្រេចបាននៅពេល​ខាង​មុខ។

ប្រធានាធិបតី រីហ្គែន (Regan) បាននិយាយបន្ទាប់ពីឈ្នះអាណត្តិទីពីររបស់ខ្លួនថា “ខ្ញុំមានចក្ខុវិស័យ​របស់​ខ្ញុំ ដែល​ចក្ខុវិស័យ​នោះ ត្រូវ​ជំរុញសេដ្ឋកិច្ចអាមេរិកក្នុងល្បឿនឆ្ពោះទៅមុខយ៉ាងលឿនក្នុ​ងរយៈពេលបួនឆ្នាំក្រោយ។ ហើយ​​រាល់ព្រឹក នៅពេលខ្ញុំមកដល់តុ​ធ្វើ​ការងារ​របស់​ខ្ញុំ ហើយ​ខ្ញុំ​បាន​វិនិយោគពេលវេលារបស់ខ្ញុំ និង​កិច្ច​ខិតខំ​ប្រឹងប្រែង​គ្រប់បែប​យ៉ាង​ ដើម្បី​សម្រេចបាននូវចក្ខុវិស័យ​។”

សូមកំណត់ចក្ខុវិស័យ និងធ្វើការឥតឈប់ឈរ មាន​ន័យថា ​អ្នក​មាន​ការគ្រប់គ្រង​លើនាវា​នៃ​វាសនា​របស់​អ្នក។ បើគ្មានចក្ខុវិស័យ និង​មាន​ផែនការគ្មានតម្លៃ ​នឹង​ធ្វើឱ្យអ្នកឃ្លាតឆ្ងាយពីការសម្រេចគោលដៅ​​ដែល​អ្នក​បាន​កំណត់​នៅពេល​ខាង​មុខ​។

៣. ការប្តេជ្ញាចិត្ត

ចូរប្តេជ្ញាធ្វើអ្វីមួយ មានន័យថា អ្នកស្មោះត្រង់។​ អ្នកដែលប្តេជ្ញាចិត្តបំពេញភារកិច្ចរបស់ខ្លួន​ក្នុងការស្វែងរកចក្ខុវិស័យរបស់ពួកគេ​ គឺជាអ្នកដែលឈានទៅ​រកភាពជោគជ័យ។ ការប្តេជ្ញាចិត្ត គឺជាការសន្យា​មួយចំពោះខ្លួនអ្នក វាមានន័យថា ខ្ញុំ​នឹង​ឆ្លងកាត់ព្យុះ​ភ្លៀង​ដែល​អាច​កើត​​លើ​ខ្ញុំ​ ព្រោះ​​ខ្ញុំ​ចង់ទទួលបានជោគជ័យ​​នា​ពេល​ខាង​មុខ។

តើ​អ្នក​ចង់​បាន​នូវ​រូប​មន្ត​សម្រាប់​ភាព​ជោគជ័យ​ទេ? ចម្លើយ​ គឺ​សាមញ្ញ​ទេ នោះគឺ​យើង​ត្រូវ​ធ្វើ​ឲ្យ​អត្រា​បរាជ័យ​របស់​យើង​កើន​ឡើង​ពី​រដង។ អ្នក​គិត​ថា បរាជ័យ​ ជា​សត្រូវ​នៃ​ភាព​ជោគជ័យ ប៉ុន្តែការ​ពិត​មិន​មែន​បែប​ហ្នឹង​ទេ។ តើ​អ្នក​ត្រូវ​តែ​​បាក់​ទឹក​ចិត្ត​ដោយ​ការ​បរាជ័យ ឬ​ យើង​ត្រូវ​រៀងនពីភាព​បរាជ័យ​? សម្រាប់​ខ្ញុំ​ គឺ​បង្កើត​កំហុស ហើយ​រៀនពី​វា ព្រោះ​ថាទីកន្លែង​ដែល​​យើង​បរាជ័យ​នោះ គឺ​ជាផ្លូវ​នាំ​យើង​ទៅភាព​ជោជ័យ​។ – ថូម៉ាស វ៉ាតសុន (Thomas J. Watson)

៤​. ភាពត្រឹមត្រូវ

ធ្វើ​អ្វី ជា​របស់​ខ្លួន​ឯង ហើយ​​អ្នក​ផ្សេង​អាច​ ទទួល​នូវ​ គំរូ​របស់​យើង។ បើ​សិន​ជា​យើង​មិន​ដឹងថា​ ខ្លួន​យើង​ជា​ នរណា​នោះ ការ​ចង់​បាន​នូវ​ភាព​ជោគជ័យ គឺ​ស្ថិត​នៅ​ស្រពិចស្រពិល​នៅ​ឡើយ​។ ធ្វើ​អ្វី​ៗ ដែល​ត្រឹម​ត្រូវ​និង​បង្ហាញពី​ភាព​ដើម នៃ​គំនិត​របស់​ខ្លួន​​ គឺ​ជា​ផ្លូវ​នាំ​ទៅរក​ភាព​ជោគជ័យ ។ ដោយ​ឡែក​មនុស្ស​មួយចំនួន​ទៀត ធ្វើ​អ្វី​ៗ មិន​មែន​ជា​របស់​ខ្លួនឯង (ដើរ​តាម​គន្លង​របស់​គេ) នោះ​ភាព​ជោគជ័យ​ នឹង​មិន​នៅ​យូ​អង្វែង​ឡើយ។

ចំណុច​សំខាន់​នៃ​ភាព​ជោគជ័យ គឺ​ធ្វើ​វាចេញ​ពី​ខ្លួន​ឯង បង្កើត​ពី​គំនិត​មុនគេ ហើយ​ធ្វើ​វា​ឲ្យ​ល្អ​បំផុត​។

ឱកាសមិនកើតឡើង ដោយ​ឯកឯង​ទេ។ យើង​ត្រូវ​បង្កើត​វា​។ – គ្រីស ហ្គ្រូស្សឺ (Chris Grosser)

៥.​ ការប្រកួតប្រជែង

​ការប្រកួតប្រជែង នាំ​មក​នូវ​គុណភាព​ការងារ​ល្អ​។ ប្រសិនបើអ្នកខ្លាចឧបសគ្គ និងការប្រកួតប្រជែងជាមួយអ្នកដទៃ ​អ្នក​មិន​អាចដើរ​ទៅមុខ​លឿន​ឡើយ​ ឬ​ ការ​ងារ​របស់​អ្នក​មិន​មាន​គុណភាពនោះទេ។

អ្នក​នឹង​ក្លាយ​ខ្លួនទៅជា​មនុស្ស​អស្ចារ្យ នៅពេល​ដែល​អ្នក​ប្រកួតប្រជែងនឹងខ្លួនឯង – Politician Cricketer

គ្មាន​នរណាម្នា​ក់​ អាច​ទទួល​បាន​អ្វីនៅ​ក្នុង​ជីវិតរបស់ពួកគេ​ ដោយ​គ្មាន​ការប្រកួតប្រជែង​ដ៏​ស្វិតស្វាញ​ និងក្រោកឈរ​ឡើង​​នោះ​ទេ​។ ការប្រកួតប្រជែង ទាមទារការខិតខំប្រឹងប្រែង និង​ការប្តេជ្ញាចិត្តចំពោះចក្ខុវិស័យរបស់អ្នក។


អត្ថបទទាក់ទង

​គ្រូ​ដើមចំនួន​ ៤ ​ដែល​ធ្វើ​ឲ្យ​ជីវិត​អ្នក​រីក​ចម្រើន

 

Leave a Reply

Your email address will not be published.