មធ្យោបាយ ៤ យ៉ាង ក្នុងការគិតប្រកបដោយភាពច្នៃប្រតិដ្ឋ
តើការគិតបែបច្នៃប្រតិដ្ឋ (Creative Thinking) គឺជាអ្វី?
ការគិតប្រកបដោយភាពច្នៃប្រតិដ្ឋ មានន័យថា ការគិតនៅខាងក្រៅប្រអប់។ ជារឿយៗ ការច្នៃប្រតិដ្ឋទាក់ទងនឹងការគិត គឺបង្កើតវិធីថ្មីដើម្បីបំពេញភារកិច្ច ឬដោះស្រាយបញ្ហាដែលប្រឈមនឹងឧបសគ្គ។ មានន័យថា នេះជាការគិតពិចារណាដែលនាំមកនូវទស្សនវិស័យថ្មី ហើយជួយអង្គភាពកាន់តែមានផលិតភាពទ្វេ ព្រមទាំងរលូនបាន។
និយមន័យ និងឧទាហរណ៍នៃការគិតច្នៃប្រតិដ្ឋ គឺសំខាន់សម្រាប់ការរៀនអំពីជំនាញទន់។ នេះនិយាយអំពីសមត្ថភាពក្នុងការពិចារណាអ្វីមួយតាមរបៀបថ្មីដែលអាចជាវិធីសាស្រ្តល្អចំពោះបញ្ហាការដោះស្រាយជម្លោះរវាងនិយោជិត ឬនាំមកនូវទស្សនៈថ្មីៗ រីកចម្រើន បង្កើតបរិយាកាសធ្វើការភ្លឺស្វាង។
យោងតាមការចុះផ្សាយរបស់គេហទំព័រ Betterup គំនិតច្នៃប្រតិដ្ឋផ្តល់នូវដំណោះស្រាយជាច្រើន ជាពិសេសនៅពេលមានបញ្ហា។ ម៉្យាងវិញទៀត គំនិតច្នៃប្រតិដ្ឋបានក្លាយជាដៃគូនៃការគិតបែបត្រិះរិះពិចារណាផងដែរ មានន័យថា វាជាសសៃសម្រាប់ពង្រឹងការគិតទៅកាន់ផ្នែក ឬរបៀបនៃការគិតផ្សេងៗទៀតតាមរបៀបនីមួយៗ។ ជាងនេះទៅទៀត វាមិនត្រឹមតែជួយសម្រួលការងារតែប៉ុណ្ណោះទេ ប៉ុន្តែមនុស្សក៏អាចយកជំនាញនេះទៅប្រើដើម្បីអភិវឌ្ឍផ្នែកសេដ្ឋកិច្ច ឬសមត្ថភាពនៅក្នុងដំណើរជីវិតគ្រួសារ ជីវិតសិស្សនិស្សិត និងជាបំណែកមួយនៃភាពជាអ្នកដឹកនាំផងដែរ ជារួមគឺមានន័យថា គំនិតច្នៃប្រតិដ្ឋជួយសម្រួលដល់ការប្រើប្រាស់ជីវិតប្រចាំថ្ងៃយ៉ាងច្រើន។
របៀបនៃការគិតប្រកបដោយការច្នៃប្រតិដ្ឋ
ឱកាសសម្រាប់បញ្ចេញគំនិតច្នៃប្រតិដ្ឋនៅក្នុងកន្លែងធ្វើការ ខុសគ្នាពីមុខតំណែងសិល្បៈជាក់ស្តែងដែលជាទូទៅត្រូវបានគេចាត់ទុកថាមានលក្ខណៈច្នៃប្រឌិត ឧទាហរណ៍៖
១. ការច្នៃប្រតិដ្ឋសិល្បៈ
គ្រប់គ្នា មិនចាំបាច់ជាសិល្បករដើម្បីឱ្យការងាររបស់ខ្លួនមានធាតុសិល្បៈទេ។ ការងារច្នៃប្រតិដ្ឋបែបសិល្បៈ អាចរួមបញ្ចូលការរចនាឡូហ្គូ ការសរសេរ ការផ្សាយពាណិជ្ជកម្ម ការបង្កើតការវេចខ្ចប់ផលិតផល ឬរៀបចំសរសេរអក្សរស្អាតៗ ។ល។
២. ការច្នៃប្រតិដ្ឋដោះស្រាយបញ្ហា
ការដោះស្រាយបញ្ហាដែលមានលក្ខណៈច្នៃប្រតិដ្ឋ នឹងស្វែងរកដំណោះស្រាយថ្មីជាជាងកំណត់ និងអនុវត្តបទដ្ឋានដដែលៗ កាត់បន្ថយចំណាយក្នុងពេលមានវិបត្តិ ឬបង្កើតយុទ្ធសាស្ត្រដោះចោលវិវាទដើម្បីការពារអតិថិជន។
៣. ការច្នៃប្រតិដ្ឋក្នុងជំនាញ
អ្នកខ្លះគិតថាវិទ្យាសាស្ត្រ និងវិស្វកម្មផ្ទុយពីសិល្បៈ និងការច្នៃប្រតិដ្ឋ។ នោះមិនពិតទេ។ វិស័យវិទ្យាសាស្ត្របច្ចេកវិទ្យាវិស្វកម្ម និងគណិតវិទ្យាមានលក្ខណៈច្នៃប្រតិដ្ឋខ្ពស់។ ការរចនារ៉ូបូតខ្សែបង្គុំដែលមានប្រសិទ្ធិភាពជាងមុន ការសរសេរកម្មវិធីកុំព្យូទ័រថ្មីប្រកបដោយភាពច្នៃប្រតិដ្ឋ ឬការបង្កើតសម្មតិកម្មដែលអាចសាកបានសុទ្ធតែជាសកម្មភាពច្នៃប្រតិដ្ឋខ្ពស់។
ប្រវត្តិសាស្រ្តនៃវិទ្យាសាស្ត្រ និងបច្ចេកវិទ្យា គឺពោរពេញទៅដោយគម្រោងដែលមិនដំណើរការបានមិនមែនដោយសារកំហុសបច្ចេកទេសឬវិធីសាស្រ្តនោះទេ ប៉ុន្តែដោយសារតែមនុស្សនៅតែជាប់គាំងនៅក្នុងការសន្មត និងទម្លាប់ចាស់។ វិស័យ STEM ត្រូវការការច្នៃប្រតិដ្ឋដើម្បីរីកលូតលាស់ និងរីកចម្រើន។
៤. ការគិតបែបច្នៃប្រតិដ្ឋ
ការគិតបែបច្នៃប្រតិដ្ឋ ត្រូវបានបង្ហាញតាមវិធីជាច្រើនដូចជា ការវិភាគដែលសមត្ថភាពនេះ នេះតម្រូវឱ្យមានការពិនិត្យមើលអ្វីៗដោយប្រុងប្រយ័ត្ន មិនថាសំណុំទិន្នន័យ ផែនការ មេរៀន ឬសមីការទេ តោងត្រូវចេះវិភាគជាមុនសិនមុនឈានដោះស្រាយបញ្ហា។ និយោជិតចង់បាននិយោជកដែលពូកែច្នៃប្រតិដ្ឋ ហើយជួយពួកគេដោះស្រាយបញ្ហាទាក់ទងនឹងការងារ។ នៅពេលប្រឈមមុខនឹងបញ្ហា សូមពិចារណាវិធីដែលយើងអាចដោះស្រាយមុនពេលស្នើសុំជំនួយ។
អត្ថប្រយោជន៍នៃការគិតច្នៃប្រតិដ្ឋ
និយោជិតចង់បានអ្នកចេះគិតច្នៃប្រតិដ្ឋ ពីព្រោះផ្តល់អត្ថប្រយោជន៍ដល់មូលដ្ឋានការងាររបស់ពួកគេ។ ក្រុមហ៊ុនដែលជំរុញការច្នៃប្រតិដ្ឋ អាចមើលឃើញកំណើនប្រាក់ចំណូលកាន់តែច្រើន។
សរុបមក
ការអភិវឌ្ឍជំនាញគិតបែបច្នៃប្រតិដ្ឋ ជាគន្លឹះនាំទៅរកការបង្កើតអ្វីថ្មីៗប្រកបដោយប្រសិទ្ធភាព តែបើមើលមួយភ្លែត គេអាចគិតថា ជំនាញនេះ គឺសម្រាប់តែអ្នកដែលមានទេពកោសល្យផ្នែកនេះទេទើបអាចធ្វើបាន។ ប៉ុន្តែការពិតជាក់ស្ដែងវាពុំមែនដូច្នោះឡើយ សិល្បៈនៃការគិតបែបច្នៃប្រតិដ្ឋ មិនចាំបាច់ទាល់តែមនុស្សដែលមានការបង្កើតគំនិតថ្មីៗរហូតនោះទេ គឺគ្រាន់តែអ្នកមានការគិតវិជ្ជមាន ចេះប្រមូលនូវចំណេះដឹងបន្ថែម និងចងក្រងគំនិតដែលមានស្រាប់ឱ្យក្លាយជាបណ្តុំនៃពហុព័ត៌មាន ដែលកត្តាទាំងនេះហើយអាចជួយឱ្យអ្នកបណ្តុះនូវការគិតបែបច្នៃប្រតិដ្ឋបាន។
ប្រភពយោង៖
- thebalancecareers
- Betterup