បុគ្គលិក ៥ ប្រភេទ​​ដែល​នាំ​ឲ្យ​អាប់អួ​ដល់​កន្លែង​ការងារដែលអ្នកគួរ​យល់​ដឹង

នៅក្នុងក្រុមហ៊ុនមួយអាចរីកចម្រើន ឬលូតលាស់ទៅព្រមគ្នាបាន គឺអាស្រ័យលើការងារជាក្រុម ដែលមានទាំងមេដឹកនាំល្អ និងកូនចៅមានគំនិតច្នៃប្រតិដ្ឋ ដើរស្របផ្លូវគ្នា។

ក្រុម​ការងារ​ដែល​មាន​សក្ដានុពល​ គឺ​ជា​ក្រុម​ការងារ​ដែល​មាន​ទំនាក់ទំនង​ល្អ​គ្នា​​ទៅ​វិញ​ទៅ​មក​ដែល​នាំ​មក​នូវ​គុណសម្បត្តិ​ជា​ច្រើន​មក​ដល់​កន្លែង​ការងារ។ នេះ​ជា​អ្វី​ដែល​ក្រុមហ៊ុន ឬស្ថាប័ន​នានា​ចង់​បាន​បំផុត​ ​ដើម្បី​ឲ្យ​សមិទ្ធផលការងារ​ទទួលបាន​លទ្ធផល​ល្អ​ប្រសើរ។ ទោះបី​ជា​បែប​នេះ​ក្តី បញ្ហា​​ចំពោះ​បុគ្គលិក​មួយ​ចំនួន​ នៅ​តែ​កើត​មាន​ដែល​ជាឧបសគ្គ​ធ្វើ​ឲ្យ​​ប៉ះពាល់​ដល់​បរិយាកាស​នៅ​កន្លែង​ការងារ​ ឬ​លទ្ធផល​ការងារ​មិន​ឆ្លើយ​តប​តាម​គោលដៅ​ជា​ដើម។

ខាងក្រោម​នេះ ជា​បុគ្គលិក ៥ ប្រភេទ​ដែល​ប្រិយមិត្ត​គួរ​យល់​ដឹង​ដែល​នាំ​ឲ្យ​អាប់អួ​ដល់​កន្លែង​ការងារ​៖​​​​

១. បុគ្គលិក​ដែល​រញ៉េរញ៉ៃ

បុគ្គលិកលក្ខណៈ​របស់​បុគ្គលិក​​​ប្រភេទ​នេះ​ រួមមាន​៖

  • រៀន​ពី​អ្វី​ដែល​គ្មាន​ប្រយោជន៍
  • ការងារ​មិន​មាន​​​របៀបរៀបរយ​​
  • ខ្វះ​ភាព​ជឿជាក់​ក្នុង​ការងារ​
  • ព្រងើយ​កន្តើយ​នឹង​ការងារ
  • គ្មាន​ការ​ផ្លាស់ប្ដូរ

២. សំបូរ​រឿង​អាស្រូវ​ច្រើន​​ទាំង​ក្នុង និងក្រៅ​កន្លែង​​ធ្វើ​ការ​

​​​បុគ្គលិកលក្ខណៈ​របស់​បុគ្គលិក​​ប្រភេទ​នេះ ​រួមមាន​​​៖​

  • មាន​អត្តចរិត​កោងកាចឬចូលចិត្ត​ការ​គំរាមកំហែង
  • មិន​គោរពឬមើលស្រាល​នឹង​ការងារ
  • ជាប់​ពាក់ព័ន្ធ​ទៅ​​នឹង​រឿង​អាស្រូវ​ច្រើន​នៅ​ក្រៅ​ការងារ​
  • មិន​សូវ​មាន​ទំនាក់ទំនង​ល្អ​ជា​មួយ​អ្នកដទៃ
  • បំផ្លាញ​​សម្ភារៈ​ការងារឬសម្ភារៈ​របស់​អ្នកដទៃ។

៣.​​ បុគ្គលិក​ដែល​នាំទុក្ខ​ដល់​ក្រុមការងារ​

បុគ្គលិកលក្ខណៈ​របស់​បុគ្គលិក​ប្រភេទ​នេះ ​រួម​​មាន​៖

  • ​មិន​ដឹង​ពី​តួនាទីនិង ​ដែន​​កំណត់​ការងារ​របស់​ខ្លួន
  • ត្អូញត្អែរ​ច្រើន​នៅ​ពេល​បំពេញ​ការងារ​
  • បំពេញ​ការងារ​នៅ​ពេល​ឈឺនិងចម្លង​ទៅ​ក្រុម​ការងារ
  • ធ្វើ​ឲ្យ​ទំនុកចិត្ត​ក្រុម​ការងារ​ចុះ​ខ្សោយ​
  • និយាយ​ទូរស័ព្ទ​ច្រើន​​ពេល​​បំពេញ​ការងារ។ 

៤. បុគ្គលិក​ដែល​​​ចូលចិត្ត​​​ការ​ជួបជុំ​ ឬការ​​​កម្សាន្ត​​ឥតប្រយោជន៍​​​​​​​​

បុគ្គលិកលក្ខណៈ​របស់​បុគ្គលិក​​​ប្រភេទ​នេះ ​រួមមាន​៖

  • និយាយ​ឮៗ​នៅ​កន្លែង​ការងារ​
  • ខ្វះ​ការ​ផ្ដោត​យក​ចិត្ត​ទុកដាក់​នឹង​ការងារ
  • ​មាន​គំនិតឬវិធីសាស្ត្រ​ក្មេង​ខ្ចី​ទៅ​នឹង​ការងារ
  • ​នាំ​​ក្រុម​ការងារ​ឲ្យ​ដើរ​លើ​ផ្លូវ​​អវិជ្ជមាន​
  • ចូលចិត្ត​ផឹកស៊ីឬ ​កម្មវិធី​សប្បាយៗ​ខុស​របៀប​នៅ​កន្លែង​ការងារ​។

៥. ​បុគ្គលិក​​ខ្ជិលច្រអូស

បុគ្គលិកលក្ខណៈ​របស់​បុគ្គលិក​ប្រភេទ​នេះ ​រួម​​មាន​៖

  • ការ​លើកទឹកចិត្ត​មាន​កម្រិត​ទាប​បំផុត​
  • ធ្វើ​ការ​មិន​ទាន់​ពេល​កំណត់
  • គ្រប់គ្រង​ពេលវេលា​មិន​ត្រឹមត្រូវ
  • ចំណាយ​ពេល​​ច្រើន​ម៉ោង​បើក​​មើល​ព័ត៌មាន​ឥតប្រយោជន៍​នៅ​លើ​អ៊ីនធឺណិត
  • អវត្តមាន​ញឹកញាប់។ 

អត្ថបទទាក់ទង

តិចនិកចំនួន ៦ ដើម្បីក្លាយជាមនុស្សមានសុជីវធម៌ក្នុងកន្លែងធ្វើការ

Leave a Reply

Your email address will not be published.