របៀបគ្រប់គ្រងពេលវេលាប្រកបដោយប្រសិទ្ឋភាព និងការបង្កើតគោលដៅឆ្លាតវៃ
ការគ្រប់គ្រងពេលវេលា
ការគ្រប់គ្រងពេលវេលា គឺការរៀបគម្រោងពីពេលវេលាសម្រាប់ការងារនីមួយៗ។ ការគ្រប់គ្រងពេលវេលាដែលល្អមួយ នឹងអាចជួយអ្នកបំពេញការងារដោយឆ្លាតវៃ ពោលគឺអាចបំពេញការងារច្រើនក្នុងពេលតិចជាងមុន និងបំពេញការងារបានល្អទោះបីជាស្ថិតនៅក្នុងស្ថានភាពលំបាក ឬមានសំពាធខ្លាំង។ អ្នកត្រូវចងចាំថា បើអ្នកមិនអាចគ្រប់គ្រងពេលវេលាបានល្អ នោះវានឹងបណ្តាលឲ្យកើតមានប្រសិទ្ធភាពការងារមិនល្អ និងជំងឺស្រ្តេស។
តើអ្នកធ្លាប់មានអារម្មណ៍ថាអ្នកមិនមានពេលវេលាគ្រប់គ្រាន់សោះក្នុងមួយថ្ងៃៗ?
ដើម្បីអាចគ្រប់គ្រង់ពេលវេលាឲ្យមានប្រសិទ្ធភាព គឺមានគន្លឹះសំខាន់ៗ ចំនួន៤ ដែលអ្នកត្រូវដឹងពីខ្លួនឯង និងសួរខ្លួនឯងថា៖
ទី១. តើការងារណាសំខាន់ ហើយវាបន្ទាន់?
ទី២. តើការងារណាសំខាន់ ប៉ុន្តែវាមិនបន្ទាន់?
ទី៣. តើការងារណាមិនសំខាន់ ប៉ុន្តែវាបន្ទាន់?
ទី៤. តើការងារណាមិនសំខាន់ ហើយក៏វាមិនបន្ទាន់ដែរ?
បន្ទាប់ដឹងពីគន្លឹះទាំងនេះ អ្នកត្រូវចាប់ផ្តើមចាត់អាទិភាពការងារនោះឲ្យបានច្បាស់លាស់ ថាតើការងារណាត្រូវធ្វើមុនគេ ការងារណាត្រូវធ្វើបន្ទាប់ និងការងារណាត្រូវទុកធ្វើក្រោយគេ ឬលុបវាចោល។ ដើម្បីអនុវត្តន៍របៀបគ្រប់គ្រងពេលវេលាឲ្យជោគជ័យ អ្នកត្រូវមានទម្លាប់ធ្វើផែនការប្រចាំថ្ងៃឲ្យបានទៀងទាត់ ដោយត្រូវសរសេរផែនការនៅថ្ងៃនេះសម្រាប់អនុវត្តន៍នៅថ្ងៃស្អែក និងត្រូវចំណាយពេលរម្លឹកការអនុវត្តរបស់អ្នក ថាតើត្រូវតាមពេលវេលាដែលអ្នកបានកំណត់ដែរឬទេ? បន្ទាប់មកអ្នកត្រូវសរសេរផែនការសម្រាប់ថ្ងៃបន្ទាប់ទៀត។ ដូច្នេះអ្នកត្រូវអនុវត្តន៍របៀបនេះឲ្យក្លាយជាទម្លាប់ ទើបការគ្រប់គ្រងពេលវេលារបស់អ្នកទទួលបានជោគជ័យ និងមានប្រសិទ្ធភាពខ្ពស់។
ការបង្កើតគោលដៅឆ្លាតវៃ
ការបង្កើតគោលដៅឆ្លាតវៃ គឺជាវិធីសាស្រ្តដ៏អស្ចារ្យបំផុតសម្រាប់អ្នកមិនទាន់ចេះកំណត់គោលដៅដ៏ឆ្លាតវៃ ឬគោលដៅ SMART ដែលត្រូវបានបង្កើតឡើងតាំងពីឆ្នាំ ១៩៨១ មកម្លេះ ដោយលោក George T. Doran ជាទីប្រឹក្សា និងជាអតីតប្រធានផ្នែកផែនការសាជីវកម្មសម្រាប់ក្រុមហ៊ុនថាមពលទឹកវ៉ាស៊ីនតោន។ ។ ដូច្នេះអ្នកអាចសាកល្បងធ្វើការបង្កើតគោលដៅឆ្លាតវៃ ឬគោលដៅ SMART ដូចខាងក្រោម៖
១. S = Specific (មានភាពច្បាស់លាស់)
បើអ្នកនិយាយថា “ខ្ញុំចង់ស្រកគីឡូ គឺគ្រាន់តែជាបំណងប្រាថ្នា តែវាមិនមែនគោលដៅទេ។ វានឹងក្លាយជាគោលដៅបាន លុះត្រាតែអ្នកកំណត់ខ្លួនឯងថា ត្រូវតែស្រក១០គីឡូក្នុងរយៈពេលមួយខែ។ តើអ្នកចង់បានអ្វីអោយប្រាកដ?
២. M = Measurable (អាចវាស់វែង)
កុំបង្កើតគោលដៅធំពេក ឬតូចពេកតែត្រូវដាក់គោលដៅឱ្យសមល្មម ឬលើសពីសមត្ថភាពយើងបន្តិចបន្តួច។ បើពុំដូច្នោះទេ វានឹងក្លាយជារឿងគ្មានន័យ ពីព្រោះបើកាលណាតូចពេក អ្នកដទៃក៏អាចធ្វើបាន ហើយបើវាធំពេក យើងក៏មិនអាចធ្វើបាន។ បើយើងមានសមត្ថភាពឈោងបានកម្ពស់ពីរម៉ែយើងគួរដាក់គោលដៅពីរម៉ែតកន្លះឡើងទៅ។
៣. Attainable (អាចសម្រេចបាន)
បើកាលណាយើងសម្រេចគោលដៅខ្ពស់ពេក តែនៅពេកធ្វើមិនបាន យើងនឹងក្លាយទៅជាបាក់ទឹកចិត្តហើយនឹងគិតថាយើងគ្មានសមត្ថភាព។ គោលដៅយើងត្រូវតែស្របជាមួយនឹងធម្មជាតិ។
៤. R = Realistic (ភាពប្រាកដនិយម)
គោលដៅរបស់យើងត្រូវតែមានភាពប្រកដនិយមជានិច្ច តែមិនមែនចេះតែស្មានៗ ទំាងមិនមានភាពច្បាស់លាស់នោះទេ។
៥. T = Timeline (កំណត់ពេលវេលា)
គោលដៅដែលគ្មានការកំណត់ពេលវេលាច្បាស់លាស់ គឺជាគោលដៅដែលគ្មានន័យ បើទោះបីជាសម្រេច ឬមិនសម្រេចក៏ដោយ។ អ្នកគួរតែចាប់ផ្តើមដោយមានកាលបរិច្ចេទបញ្ចប់ច្បាស់លាស់។
*វិធីសរសេរគោលដៅ SMART ដែលមានប្រសិទ្ធភាព
មកដល់ចំណុចនេះ អ្នកមានចំណេះដឹងកាន់តែស៊ីជម្រៅអំពីគោលដៅ SMART។ ប៉ុន្តែ ដើម្បីធ្វើឲ្យវាមានប្រសិទ្ធភាពបន្ថែមទៀតនោះ គឺរាល់ពេលលេចចេញនូវគំនិត ឬគោលដៅថ្មីៗត្រូវសរសេរវាទុកក្នុងសៀវភៅ ព្រោះក្នុងរយៈពេលមួយថ្ងៃៗ យើងមានគំនិតរាប់ពាន់លាន ហើយមានពេលខ្លះវាបានលេចឡើងជាលាយលក្ខណ៍អក្សរសម្រាប់រឿងមួយចំនួន។
ក្រោយពីការសរសេរហើយនោះយើងនឹងឃើញថាយើងកំពុងសួរសំណួរបន្ថែម ហើយចម្លើយនឹងចាប់ផ្តើមកែសម្រួលគោលដៅរបស់អ្នកបន្ថែមទៀត និងយុទ្ធសាស្រ្តរបស់អ្នកដើម្បីសម្រេចបាន។ គន្លឹះមួយនៅពេលនិយាយអំពីការកំណត់គោលដៅ SMART គឺថាអ្នកចង់កំណត់តែមួយ ហើយធ្វើការវាតាមលក្ខណៈវិនិច្ឆ័យ SMART។ បន្ទាប់ពីនោះអ្នកអាចបង្រួមគោលដៅទៅជាសេចក្តីថ្លែងការណ៍តែមួយ។ អ្នកគ្រាន់តែកំណត់គោលដៅមួយ ហើយរឿងតូចៗមួយចំនួនអ្នកអាចកំណត់វានៅតាមផ្លូវឆ្ពោះទៅគោលដៅធំ ពីព្រោះនៅពេលយើងកំណត់គោលដៅច្រើនវាអាចបង្កើតការប្រកួតប្រជែងសម្រាប់ការយកចិត្តទុកដាក់របស់យើង។ វាបំបែកការផ្តោតអារម្មណ៍របស់យើង ហើយអាចនាំឲ្យមានបញ្ហាជាច្រើនទៀតនៅតាមផ្លូវ។ ផ្ទុយទៅវិញវាសំខាន់ណាស់ដែលយើងកំណត់គោលដៅសម្រេចវា ហើយបន្ទាប់មករក្សាលទ្ធផលនៅពេលដែលយើងឈានឆ្ពោះទៅរកគោលដៅផ្សេងទៀត។
*វាយតម្លៃភាពជោគជ័យ និងការបរាជ័យនៅពេលកំណត់គោលដៅ SMART
ទោះបីយល់ពីអ្វីដែលជាគោលដៅរបស់ SMART និងវិធីសរសេរវាឲ្យមានប្រសិទ្ធិភាពក៏ដោយក៏មានអ្នកខ្លះនឹងទទួលជោគជ័យក្នុងគោលដៅរបស់អ្នក រីឯអ្នកខ្លះទៀតនឹងបរាជ័យ។នោះគឺជាធម្មជាតិនៃគោលដៅ។ ទោះបីជាអ្នកខិតខំអស់ពីសមត្ថភាពក៏ដោយក៏ពេលខ្លះអ្នកមិនអាចបំពេញវាបានដែរ។ ប៉ុន្តែមិនអីទេពីព្រោះនេះបង្ហាញពីទិដ្ឋភាពមួយទៀតនៃគោលដៅ។
ទោះយ៉ាងណានេះគឺជាវិធីដែលអ្នកអាចចូលទៅជិត និងវាយតម្លៃពីទិដ្ឋភាពទាំងនេះ៖
- វាយតម្លៃការបរាជ័យ
យកការបរាជ័យជាឱកាសរៀនសូត្រ។ វាជាឱកាសសម្រាប់អ្នកដើម្បីរៀនអំពីខ្លួនអ្នក យុទ្ធសាស្រ្តកំណត់គោលដៅរបស់អ្នក និងគោលដៅខ្លួនឯង។ អ្នកអាចយកចំណេះដឹង ព័ត៌មានពាក់ព័ន្ធទាំងនោះមកកែតម្រូវមុនពេលព្យាយាមគោលដៅម្តងទៀត។ ទាំងនេះគឺជាបញ្ហាប្រឈម និងការកែតម្រូវបន្ថែមទៀត។ ចំណុចសំខាន់គឺត្រូវដើរចេញពីទិដ្ឋភាពទាំងនេះដោយមានចំណេះដឹងច្រើនជាងមុន។
- វាយតម្លៃភាពជោគជ័យ
ជោគជ័យ គឺអស្ចារ្យ ប៉ុន្តែវាច្រើនតែនាំឲ្យមានសំណួរថា “តើមានអ្វីបន្ទាប់ទៀត?” ហើយសម្រាប់មនុស្សជាច្រើន នេះមិនមែនជាសំណួរងាយស្រួលឆ្លើយនោះទេ។ មិនត្រឹមតែប៉ុណ្ណោះទេ វាក៏ជាគន្លឹះធ្វើឲ្យយើងរីករាយនឹងលទ្ធផលនៃការខិតខំរបស់យើងផងដែរ។
ទោះយ៉ាងណាក៏ដោយមានចំណុចមួយដែលយើងត្រូវឆ្លុះបញ្ចាំងពីជោគជ័យនោះ។ តើអ្នកទទួលបានអ្វីខ្លះពីភាពជោគជ័យនោះ? តើអ្នកអាចធ្វើអ្វីខ្លះឆ្ពោះទៅមុខដើម្បីសម្រេចបានច្រើនជាងនេះ? តើអ្នកចង់ធ្វើអ្វីបន្ទាប់?
តាមរយៈការសួរសំណួរកាន់តែស៊ីជម្រៅអំពីអ្វីដែលអ្នកសម្រេចបាន អ្នកអាចអភិវឌ្ឍខ្លួនអ្នកបន្ថែមទៀត និងបង្រួមនូវអ្វីដែលចាំបាច់ត្រូវផ្តោតទៅលើបន្ទាប់។
អត្ថបទទាក់ទង
ញាំកង្កែបនោះទៅ! (Eat That Frog) ច្បាប់ដ៏អស្ចារ្យទាំង២១ ដោយលោក Brain Tracy
One thought on “របៀបគ្រប់គ្រងពេលវេលាប្រកបដោយប្រសិទ្ឋភាព និងការបង្កើតគោលដៅឆ្លាតវៃ”