ជំហានទាំង ៥ ដើម្បីកសាងក្រុមការងារដ៏រឹងមាំសម្រាប់បើកអាជីវកម្ម

មនុស្សភាគច្រើនប្រាថ្នាចង់ប្រកបរបរអាជីវកម្មផ្ទាល់ខ្លួន។ ប៉ុន្តែការបើករបរអាជីវកម្ម ពុំមែនជារឿងងាយស្រួលនោះទេ។ មុខជំនួញថ្មីៗជាច្រើន អាចមានការខាតបង់ ឬដួលរលំ ដោយសារតែកត្តាផ្សេងៗដូចជា កង្វះខាតនៃបទពិសោធន៍អាជីវកម្ម មូលធននៅស្ទើរ ឬក៏អសមត្ថភាពក្នុងការគ្រប់គ្រងការទូទាត់បញ្ជីជាដើម។ 

ការ​បើក​អាជីវកម្ម អាច​​ត្រូវ​​បាន​ផ្ដួចផ្ដើម​ឡើង​​ចេញ​ពី​គំនិត​របស់​បុគ្គល​មួយ​រូប ឬច្រើន​រូប។ ទោះជាយ៉ាងណា ​គំនិត​ដ៏​ល្អ​របស់​​បុគ្គល​ម្នាក់​ វា​មិន​ទាន់​​​គ្រប់គ្រាន់​នៅ​ឡើយ​ទេ ព្រោះ​ថា​អាជីវកម្ម​​ដ៏​រឹងមាំ​ក៏​​ត្រូវ​កសាង​ឡើង​​ចេញ​ពី​ក្រុម​ការងារ​មួយដ៏​​រឹងមាំ​មួយ​ផង​ដែរ។ ទោះបី​ជា​យ៉ាង​នេះ​ក្តី ដើម្បី​​កសាង​​ក្រុម​ការងារ​ដ៏​រឹងមាំ​មួយ​​បាន សហគ្រិន​ទាំងអស់​​ ត្រូវ​អនុវត្ត​តាម​វិធីសាស្ត្រ​មួយ​ចំនួន​ជា​អាទិភាព​​ទើប​ទទួល​បាន​ជោគជ័យ​ក្នុង​​ចំណុច​​នេះ​​។ តើ​​ត្រូវ​ធ្វើ​ដូចម្តេច​​ខ្លះ? ខាងក្រោមនេះ ជារបៀប​កសាង​ក្រុម​ការងារ​ដ៏​ល្អ​នៅ​ក្នុង​អាជីវកម្ម​របស់​អ្នក​ចំនួន ៥ ដែលអ្នកអាចរៀនសូត្របាន៖

១. កំណត់ និងបែងចែក​​តួនាទី​របស់​ភាគី​​នីមួយៗ (Identify positions)

បុគ្គល​ដែល​សំខាន់​បំផុត​ សម្រាប់​បើក​អាជីវកម្ម ឬក្រុមហ៊ុន​មួយ​ចាំបាច់​ត្រូវ​មាន​ស្ថាបនិក (Founder)​ មួយ​រូប​ជា​អ្នក​ដឹកនាំ។ មុន​នឹង​​ជ្រើសរើស​បុគ្គលិក ស្ថាបនិក ឬ ស្ថាបនិក​រួម​ (Co-Founder)ត្រូវ​​កំណត់​ថា តើ​ការ​​​​សម្រេចចិត្ត​​នៅក្នុង​ក្រុមហ៊ុន​​​ត្រូវ​ធ្វើ​ឡើង​ដោយ​របៀបណា​​តើ​រចនាសម្ព័ន្ធ​​ក្រុមហ៊ុន​ត្រូវ​ធ្វើ​ឡើង​​ដូចម្តេច​ខ្លះ​អ្នក​ណា​ជា​អ្នក​ទទួល​ខុសត្រូវ​លើ​​​តួនាទី​គ្រប់គ្រង​​ស្ថាប័ន​នីមួយៗ​របស់​ក្រុមហ៊ុន ដូច​ជា​ទំនាក់ទំនង​ទីផ្សារ លក់ ហិរញ្ញវត្ថុ រដ្ឋបាល ឬ គ្រប់គ្រង​គម្រោង? ចំណុច​ដ៏​​ល្អ​បំផុត​នៅ​​ទី​នេះ អ្នក​ត្រូវ​កំណត់​ ឬ បែកចែក​តួនាទី​ទាំង​នេះ ​ដោយ​លាយលក្ខណ៍អក្សរ​​បង្កើត​កិច្ចព្រមព្រៀង​មួយ​ឡើង​ទើប​ជា​ការ​ប្រសើរ។​​ចំណែក​ឯ​ការ​ជ្រើសរើស​បុគ្គលិក​វិញ អាច​ធ្វើ​បាន​លុះត្រា​តែ​អ្នក​មាន​ថវិកា
​គ្រប់គ្រាន់​ជា​មុន​​​សិន សម្រាប់​បើក​ប្រាក់ខែ​ឲ្យ​ពួកគេ ទើប​អាច​​ធ្វើ​ឲ្យ​អាជីវកម្ម​លោក​អ្នក​ដំណើរការ​​ទៅ​មុខ​បាន។

២. កំណត់​ជ្រើសរើស​​ប្រភេទ​បុគ្គលិក ឬអ្នក​ប្រឹក្សា (Weigh hiring a staffer or consultant)

អាជីវកម្ម​ដំបូង​របស់​អ្នក ប្រហែល​ជា​​អ្នក​មិន​ចង់​បាន​បុគ្គលិក​​ធ្វើ​ការ​ពេញ​ម៉ោង ​​(Full-time Employees)​ នោះ​ឡើយពោល​គឺ​អ្នក​អាច​សម្លឹង​មើល​លើ​បុគ្គល​ជំនាញៗ​ដូច​ជា​អ្នក​ប្រឹក្សា​យោបល់ (Consultant) ឬ អ្នក​ម៉ៅការ​ជំនាញៗ (skilled contractors) ជួយ​បង្ហាញ​ទិសដៅ​អាជីវកម្ម​របស់​អ្នក​វិញ​។ បុគ្គល​ទាំង​នេះ ​អាច​ជួយ​ឲ្យ​លោក​អ្នក​ស្វែង​យល់​ពី​ស្ថានភាព​ទូទៅ​នៃ​ការ​ធ្វើ​អាជីវកម្ម​បាន​ដែល​ក្រុមហ៊ុន​ជា​ច្រើន​ធ្លាប់​បាន​​អនុវត្ត​តាម​វិធីសាស្ត្រ​នេះ​ ជា​ពិសេសសម្រាប់​អាជីវកម្ម​ថ្មីថ្មោង។ ការ​ជ្រើសរើស​បុគ្គលិក​វិញ អ្នក​គួរតែ​ជ្រើសរើស​បុគ្គលិក​ក្រៅ​ម៉ោង (Part-time Employees) ដែល​មាន​សមត្ថភាព​​ពិតប្រាកដ​វិញ​សម្រាប់​​អនុវត្ត​ផែនការ​អាជីវកម្ម​របស់​អ្នក​។ នេះ​អាច​នឹង​ធ្វើ​ឲ្យ​អ្នក​មាន​សុវត្ថិភាព​​ និង ឱកាស​រីក​ចម្រើន​ក្នុង​អាជីវកម្ម​ច្រើន​​ជាង​​ការ​ជ្រើសរើស​បុគ្គលិក​ពេញ​ម៉ោង (Full-time Employees) មួយ​ចំនួន​ដែល​មិន​មាន
សមត្ថភាព​។ ព្រោះ​ហេតុអ្វី
ព្រោះ​ថា​ វា​នឹង​ជួយ​ឲ្យ​អ្នក​អាច​​កំណត់​បាន​យ៉ាង​ងាយស្រួល​​ថា បុគ្គលិក​ណា​មួយ​នឹង​​ត្រូវ​នៅ​បន្ត ឬ ​ត្រូវ​ដើរចេញ?​​

៣. ការ​ចាប់​ផ្តើម​ជ្រើសរើស​បុគ្គលិក (Pick candidates)

អ្វី​ដែល​សហគ្រិន​ថ្មីថ្មោង​ត្រូវ​គិត​បន្ទាប់​​ទៀត​នោះ គឺ​ការ​ជ្រើសរើស​បុគ្គលិក​​មក​បំពេញ​ការងារ​ទៅ​តាម​តួនាទីដែល​បាន​កំណត់​ឡើង។ អ្នក​ត្រូវ​ប្រាកដ​ថា នៅ​ក្នុង​ក្រុមហ៊ុន​របស់​អ្នក​មាន​បុគ្គល​ម្នាក់​ដែល​មាន​ជំនាញ​ និង បទពិសោធន៍​ក្នុង​ការ​ជ្រើសរើស​បុគ្គលិក​នេះ ដើម្បី​​ពិនិត្យ​មើល​ថា បេក្ខជន​ណាខ្លះ​ស័ក្តិសម​បំផុត​សម្រាប់​តំណែង​ទាំង​នោះ។ បុគ្គលិក​ថ្មីថ្មោងគួរ​កំណត់​ឡើង​ដោយ​កិច្ចសន្យា​ក្នុង​ប្រាក់​ខែ​មួយ​ដែល​មាន​កម្រិតឬធ្វើការងារ​ផ្នែក​ណាមួយឲ្យ​ក្រុមហ៊ុន​​របស់​អ្នក​។ បុគ្គលិក​ចូល​ថ្មី គួរតែ​មនុស្ស​ដែល​មាន​ចំណាប់អារម្មណ៍​ខ្ពស់​ និង បទពិសោធន៍​​​​ស្រប​តាម​លក្ខខណ្ឌ​ការងារ​​របស់​អ្នក។

៤. ដំណាក់កាល​ធ្វើ​បទសម្ភាសន៍ (Interview)​​​

ឥឡូវ​នេះ ​​របៀប​នៃ​ការ​ជ្រើសរើស និង ជ្រើសរើស​បេក្ខជន​ដែល​ត្រូវ​ធ្វើ​បទសម្ភាសន៍​ក៏​បាន​ធ្វើ​រួច​ហើយ​ដែរ ហើយ​អ្វី​ដែល​ត្រូវ​ធ្វើ​បន្ទាប់​នោះ​​គឺ ការ​​សម្ភាសន៍​ជ្រើសរើស​បុគ្គលិក​​។ បុគ្គលិក​ដែល​មាន​សមត្ថភាព គឺ​ជា​​គោលដៅ​របស់​អ្នកតែ​​ត្រូវ​ធ្វើ​ដូចម្តេច​ដើម្បី​​ឆក់​យក​​បុគ្គលិក​ប្រភេទ​នេះ​បាន​ការ​ត្រៀម​ទុក​ជា​មុន​នូវ​សំនួរ​សំខាន់ៗ​​ ដូច​ជាប្រវត្តិ​របស់​បេក្ខជនបទពិសោធន៍ ជំនាញ​នៃ​ការ​គិតដំណោះស្រាយ​បញ្ហានិងបុគ្គលិកលក្ខណៈ​​ផ្សេងៗ​ទៀត​សម្រាប់សួរ​ក្នុង​​ពេល​សម្ភាសន៍ជា​វិធីសាស្ត្រ​ដ៏​ល្អ​សម្រាប់​អ្នក។ នេះ​មិន​គ្រប់គ្រាន់​ឡើយ ពោល​អ្នក​ត្រូវ​រៀប​របៀបវារៈ​​ជា​ច្រើន​ទៀត ដើម្បី​តាមដាន​អត្តចរិត សកម្មភាព ឫកពាររបស់​​បេក្ខជន​នីមួយៗ​នៅ​ពេល​ធ្វើ​បទសម្ភាសន៍។ ក្រៅ​ពី​នេះ​អ្នក​អាច​សាកល្បង​​ធ្វើតេស្ត​លើក​ឡើង​ពី​គម្រោង​មួយរបស់​ក្រុមហ៊ុន​​​នៅ​ពេល​ធ្វើ​បទសម្ភាសន៍​ហើយ​ត្រូវ​រង់ចាំ​អង្កេត​មើល​ថា​តើ​បេក្ខជន​ទាំង​នោះ​មាន​ប្រតិកម្មឬវិធីសាស្ត្របែប​ណា​ចំពោះ​គម្រោង​នេះអ្នក​ត្រូវ​សម្រិតសម្រាំង​បុគ្គលិក​ពិសេសៗ​ឲ្យ​បាន​កាន់តែ​ច្រើន ព្រោះ​ថា​នេះ​ជា​ជម្រើស​ដ៏​ល្អ​មួយ​ដើម្បី​​ឲ្យ​អ្នក​អាច​ចម្រាញ់​​យក​បុគ្គលិក​​​មាន​សមត្ថភាព​​​ម្នាក់​ក្នុង​ចំណោម​បេក្ខជន​ទាំង​នោះ។

៥. ការ​បណ្តុះបណ្តាល​បុគ្គលិក​ (Training)

ដំណាក់កាល​នៃ​ការ​ធ្វើ​បទសម្ភាសន៍​បាន​បញ្ចប់​ទៅ​ហើយ នេះ​មាន​ន័យ​ថា បុគ្គលិក​ថ្មី​នេះ​អាច​ជាប់​ដោយ​ស្វ័យប្រវត្តិ​ហើយ​មែន​ទេទេ​មិនមែន​ដូច្នេះ​នោះ​ឡើយ។ ​អ្នក​មិន​ត្រូវ​ប្រញាប់ប្រញាល់​ក្នុង​រឿង​នេះ​នោះ​ឡើយ ត្បិតអី​​អ្នកត្រូវ​​ការ​របាយការណ៍​វាយតម្លៃ​មួយ​ទៀត​ទៅ​លើ​ពួកគេ​​បន្ទាប់​ពី​បាន​ជាប់​ជា​បុគ្គលិក​រួចហើយ​នោះ។ ដូច្នេះ វិធីសាស្ត្រ​បណ្តុះបណ្តាល​​​​ អភិវឌ្ឍ​ជំនាញ អាជីព​ការងារ​​ និង ផ្តល់​ការងារ​សាកល្បង (Probation) ដល់​បុគ្គលិក​ថ្មី​នេះ​គឺ​ជា​អ្វី​ដែល​អ្នក​ត្រូវ​ធ្វើ ដើម្បី​ធ្វើ​ឲ្យ​ពួកគេ​​យល់​ដឹង​ពី​កិច្ចការ​ក្នុង​ក្រុមហ៊ុន​របស់​អ្នក​កាន់តែ​ច្បាស់​បន្ថែម​ទៀត។ នេះ​​ហើយ​ជា​ស្ពាន​​មួយ​ដែល​ចម្បង​អ្នក​ពី​ក្រុមហ៊ុន​តូចតាច​មួយ​ទៅ​ជា​ក្រុមហ៊ុន​ធំ​​មួយ​ដែល​​មាន​បុគ្គលិក​ល្អ​​ៗ​ជា​​ក្រុម​ការងារ​ដ៏​រឹង​មាំ​​បាន។


អត្ថបទទាក់ទង

តើអ្វីជាផែនការ? ហើយអ្វីទៅជាផែនការអាជីវកម្ម? (គម្រូសង្ខេប)

 

Leave a Reply

Your email address will not be published. Required fields are marked *