របស់សំខាន់ចំនួន ៣ ដែលអាចធ្វើឲ្យអ្នកក្លាយជាអ្នកដឹកនាំវ័យក្មេង

អ្នកដឹកនាំ គឺជាមនុស្សម្នាក់ដែលមានឥទ្ធិពលទៅលើអ្នកដទៃ ដើម្បីសម្រេចបានគោលដៅ។ អ្នកដឹកនាំ ជាអ្នកសម្របសម្រួលការផ្លាស់ប្តូរ បង្កើតការដឹកនាំ ហើយលើកទឹកចិត្តមនុស្សដើម្បីពុះពារឧបសគ្គ និងធ្ឲ្យអង្គភាពឆ្ពោះទៅរកភាពល្អឥតខ្ចោះក្នុងថ្ងៃអនាគត។ អ្នកដឹកនាំដែលខ្លាំងពូកែ គឺត្រូវចេះរៀបចំសារៈសំខាន់របស់យុទ្ធសាស្រ្តបានល្អ និងមានប្រសិទ្ធភាពទៅលើដំណើរការបុគ្គល ទៅតាមរូបមន្តដែលបានធ្វើឡើង និងប្រត្តបត្តិយុទ្ធសាស្រ្តដែលជាលទ្ធផលផលិតផលនឹងទទួលយកនូវឧត្តមភាពតិប្រកួតប្រជែង។ ជាពិសេស​ អ្នកដឹកនាំដែលខ្លាំងពូកែ គឺត្រូវមានចក្ខុវិស័យ។

បទពិសោធន៍​​មាន​តម្លៃ​ខ្លាំង ប៉ុន្តែ​យើង​អាចផ្លោះបាន​ប្រសិន​យើង​ខិត​ខំរៀនទ្វេ ហើយ​ពុះពារ​យក​ជោគជ័យ​មក​ដាក់​ពី​មុខ។ គេធ្វើការ​៨ម៉ោង ហើយសម្រាក ​យើងធ្វើការ​៨ម៉ោង ហើយ​រៀនទៀត។ ការរៀនមួយនេះ មិនមែនរៀនជំនាញ​រឹងទេ គឺរៀន​អំពីមនុស្ស​។ ដើម្បីក្លាយជាអ្នកដឹកនាំបាន ទាំងនៅក្មេងសេចក្តី​ តោងយល់ច្បាស់អំពីមនុស្ស និង​កូនក្រុម​ដែល​នឹង​ត្រូវ​មក​នៅ​ក្រោម​បង្គាប់​យើង៖

១. អំណាច

មនុស្ស​ឲ្យ​អំណាចមនុស្ស​ម្នាក់ទៀត​ដោយមិនដឹងខ្លួន ដោយស្មគ្រ័ចិត្ត​ និងដោយសារ​ការ​កោតសរសើរ។ មនុស្ស​កោតសរសើរ​យើងព្រោះទង្វើពុំមែនមើលលើសម្តីទេ។ គោរពយើង​ព្រោះយើងគោរពគេ គេខ្លាចយើងព្រោះយើង​ធំជាងគេ ថ្ងៃណាមួយ​គេ​អាច​លែង​ខ្លាច​វិញ​បើ​យើង​លែង​ធំ តែការគោរព​ជារៀងរហូតទៅ។

បុគ្គលិកគឺជាផ្នែកសំខាន់មួយនៃតម្រូវការរបស់មេដឹកនាំ ធ្វើធំតែឈ្មោះ គ្មាន​គេគោរព​មានន័យ​អ្វី?

និយោជិក​ឬ​បុគ្គលិក​តែងតែង​មាន​ប្រតិកម្ម​វិជ្ជមាន​ប្រសិន​មេដឹកនាំ​នោះ​វិជ្ជមាន ។ អំណាច​របស់​យើង​កសាង​ឡើង​ព្រោះ​បរិយាកាស​វិជ្ជមាន កុំ​ប្រើ​មនុស្ស​អវិជ្ជមាន ទោះ​មាន​ប្រយោជន៍​ប៉ុនណា​ថ្ងៃណាមួយ​យើង​នឹង​មានបញ្ហា​ធំ។

២. លុយកាក់

មនុស្ស​គ្រប់គ្នា​ចង់បានលុយកាក់ ជាពិសេសកូនចៅ​ដែល​ក្រក្រី រកមួយថ្ងៃហូបមួយថ្ងៃ គ្នា​រំពៃ​ចង់​បាន​លំនឹង​ជីវភាព​ ចង់បាន​ភាព​កក់ក្ដៅ​និង​ចង់​បាន​សន្តិសុខ​ផ្លូវចិត្ត​។ មេដឹកនាំ​ខ្លះ​មាន​បាន​មក​ពី​កំណើត ក៏​មិនសូវ​យល់​រឿង​នេះ​ទេ តែ​ត្រូវ​រៀន​ឲ្យ​យល់ ។ នៅ​ពេល​មនុស្ស​ហូប​ឆ្អែត គេ​នឹង​ធ្វើការ​បានល្អជាង​កាលពោះឃ្លាន​។ មើល​លើទ្រឹស្តីម៉ាស្លូ កុំផ្តល់រង្វាន់​ឲ្យ​ក្លាយជាអ្នកមាន​ស្រួលៗ ព្រោះការមាន​បានស្រួលៗនាំ​ឲ្យ​មនុស្សលោភលើសដើម​និង​ចេះខ្ចិល ហើយ​ចាប់ផ្ដើម​ប្រើ​ល្បិច​កាប់​ចាក់។

ចូរ​ឲ្យ​ឱកាសមាន​បាយហូប មានចំណេះ មានមធ្យោបាយ ហើយ​រកតាមកម្រិតខិតខំ​នៃ​ម្នាក់ៗ​ដើម្បី​ឲ្យ​បុគ្គលិក​ចេះ​ឲ្យ​តម្លៃ​លើ​កម្លាំង​សុចរិត​ខ្លួនឯង​ ជាជាង​ការមកលុតក្រាប​យកលាភ។  ការ​មាន​បាន​នៃ​មនុស្ស​មិន​ចេះ​ស្កប់​ទេ។

៣. សមានចិត្ត​

មនុស្ស​មានសមានចិត្ត ជាមេដឹកនាំដែលគេ​ប្ដូរ​ជីវិត​ដើរ​តាម​ជា​ច្រើន​ជំនាន់​មក​ហើយ។ ការ​ដឹកនាំ​នៃ​មនុស្ស​ប្រហែលជា ៦០% ត្រូវ​បរាជ័យ មូលហេតុ​ចម្បង​មួយ​គឺ​ពួកគេ​មិន​អាច​កាត់​ផ្តាច់​ការ​លំអៀង​ផ្នែក​មនោសញ្ចេតនា តំឡើងតួនាទី​ឬវាយតម្លៃ​អោយបានត្រឹមត្រូវ​តាម​ការ​ជាក់ស្ដែង បែរជា​ធ្វើតាម​ចិត្ត​ស្រលាញ់​ឬ​ស្អប់។ មេដឹកនាំ​ដែល​លើក​កម្ពស់​វប្បធម៌​នៃ​សេចក្ដី​ពិត​សម្រាប់​ក្រុម លើកទឹកចិត្ត​ឲ្យ​និយាយពាក្យពិត ខ្លួន​ក៏​និយម​និយាយ​ពាក្យ​ពិត​ច្រើន​តែ​មិន​សូវ​មាន​មនុស្ស​ទ្រុស្ត​ឡើយ។

បន្ថែម៖

ឥរិយាបថដែលមានសារៈសំខាន់សម្រាប់ជោគជ័យទាំងក្មេងខ្ចីរួមមាន៖

  • យល់ពីជីវភាព​បុគ្គលិក ហារនិយាយយល់ពីអារម្មណ៍​អ្នកទទួលស្តាប់ ចេះលើកលែងកំហុស​គិតថា​មានតែអ្នកមិនធ្វើទេ​ដែលមិនចេះខុស ចេះអធ្យាស្រ័យ គិតថា មនុស្សអាចនិយាយខុស កុំប្រកាន់ទោសអូសដំណើរ​យូរ​ ចេះសួរសុខទុក្ខ និងចំណាយពេល​ជាមួយ​កូនចៅ ជាញាតិពុំមែនផឹកស៊ី​ស្រវឹងឡើយ។
  • អនុម័តវិធីសាស្រ្តត្រឹមត្រូវ គ្រប់គ្រងស្ថានភាពអារម្មណ៍ខ្លួនឯង មុនពេលហារនិយាយអ្វីមួយ​ទៅកាន់ពួកគេ ព្រោះសម្តី ឬចរិយាមិនល្អណាសមួយ​នឹង​ត្រូវបានចងចាំបានយូរ។

ប្រភពយោង៖ Proofhub


អត្ថបទទាក់ទង

ចំណុចទាំង ៥ របស់អ្នកគ្រប់គ្រងដែលបុគ្គលិកពេញចិត្ត

Leave a Reply

Your email address will not be published.