តួនាទីសំខាន់ៗចំនួន ៣ សម្រាប់អ្នកគ្រប់គ្រង

នៅ​ក្នុង​ស្ថាប័ន​ ​ឬ​អង្គភាព​មួយ​ ​អ្នកគ្រប់គ្រង​មាន​ភារកិច្ច​ ​និង​តួនាទី​ជាច្រើន​។​ ​ដើម្បីអនុវត្តនូវមុខងារនៃការគ្រប់គ្រងទាំង៤ (ការធ្វើផែនការ ការរៀបចំចាត់ចែង ការដឹកនាំ និងការត្រួតពិនិត្យ) ឲ្យមានប្រសិទ្ធិភាព អ្នកគ្រប់គ្រងត្រូវបំពេញនូវតួនាទីជាច្រើន ដែលតួនាទីនោះសំដៅលើឥរិយាបថទាំងឡាយដែលមាននៅក្នុងការងារមួយណានោះ។ តាមការសិក្សារបស់លោក ហេនរី មីនស្ហ៍ប៊ឺគ (Henry Mintzberg) បានលើកឡើងថា តួនាទី​នៃ​ការ​គ្រប់គ្រង​ចែកចេញជា​ ​៣​ ​ចង្កោម​ធំ​ៗ​ ​ហើយ​បែកខ្ញែក​ជា​ ​១​០​ ​តួនាទី​បន្ត​ទៀត ដែលទាក់ទងគ្នាទៅវិញទៅមកមិនអាចផ្តាច់បាន។

តួនាទីអន្តរបុគ្គល

តួនាទី​នេះ​ចែកចេញជា​ ​៣​ ​​ទៀត​ដូចជា​៖

  • ​អ្នកតំណាង​ (​Figure​head​): ​ជា​បុគ្គល​គំរូ​ ​និង​លើកទឹកចិត្ត​ដល់​ក្រុម​ ​និង​ប្រធាន​តំណាង​ក្នុង​កិច្ចការ​ងារ​ធំ​ៗ​ ​និង​ប្រជុំ​ផ្សេងៗ​ ​។​
  • អ្នកដឹកនាំ​ (​Leader​): ​មើលការខុសត្រូវ​ភារកិច្ច​របស់​កូន​ក្រុម​នីមួយៗ​ ​ដើម្បីឲ្យ​សម្រេច​ទៅតាម​គោលដៅ​របស់​ក្រុមហ៊ុន​ឬ​ស្ថាប័ន​។​
  • អ្នក​ទំនាក់ទំនង​ (​Liaison​): ត្រូ ​វ​រក្សា​ទំនាក់ទំនង​ជាមួយ​ភាគី​ពាក់ព័ន្ធ​ ​និង​អ្នក​រួមការ​ងារ​ ​ព្រមទាំង​ពង្រីក​បណ្ដាញ​ខាងក្រៅ​ជាមួយ​ ​និង​ដៃគូ​សំខាន់​ៗ​ផង​ដែរ​។​

តួនាទីគ្រប់គ្រងព័ត៌មាន

អ្នកគ្រប់គ្រង​នីមួយៗ​ ជា​ប្រភព​ទទួល​ ​ចម្រាញ់​ ​និង​ផ្សព្វផ្សាយ​ពត៌មាន​ ​ដើម្បី​ចែកចាយ​ដល់​កូន​ក្រុម​ ​និង​កន្លែងធ្វើការ​។​

  • អ្នកសង្កេត​ (​Monitor​): ​តាមដាន​ ​និង​ប្រមូល​ព័ត៌មាន​ ​ដែល​មាន​ឥទ្ធិពល​លើ​ស្ថាប័ន​ ​ដូចជា​បច្ចុប្បន្នភាព​ទី​ផ្សារ​ ​និន្នាការ​សង្គម​ ​សេដ្ឋកិច្ច​អន្តរជាតិ​ ​ព្រមទាំង​ព័ត៌មាន​អំពី​ដៃ​គូប្រជែង​ផង​ដែរ​។​
  • អ្នក​ផ្សព្វផ្សាយ​ (​Dis​semi​n​at​or): ​ចែករំលែក​ព័ត៌មាន​សំខាន់​ៗ​ ​ទាំងនោះ​ទៅកាន់​និយោជិត​ ​កូន​ក្រុម​ ​និង​ថ្នាក់លើ​ជាដើម​។​
  • ​អ្នកនាំពាក្យ​ (​Spoke​s​person​): ​រាយការណ៍​នូវ​វឌ្ឍនភាព​ការងារ​ ​គោលដៅ​ ​និង​គោល​នយោបាយ​ថ្មីៗ​ ​ចំពោះ​ដៃគូ​សហការ​ ​និង​ភាគី​ពាក់ព័ន្ធ​ខាងក្រៅ​ជាដើម​។​ ​

តួនាទីធ្វើសេចក្ដីសម្រេចចិត្ត

ព័ត៌មាន​ដែល​ទទួល​បាន​ ​នឹង​ជួយ​ឱ្យ​អ្នកគ្រប់គ្រង​យកមក​វិនិ​ច័្ឆ​យ​ ​និង​ត្រួតពិនិត្យ​ ​ដើម្បី​ជា​កាតាលីករ​ដល់​ការ​សម្រេច​ចិត្ត​។​

  • សហគ្រិន​ (​E​n​t​rep​r​e​n​e​ur): ​អ្នកគ្រប់គ្រង​ត្រូវ​ដោះស្រាយបញ្ហា​ការងារ​ជាប្រចាំ​ ​ចាត់​ទុក​បញ្ហា​ជា​ឱកាស​ ​រិះរក​គំនិតច្នៃប្រឌិត​ ​ដើម្បី​ឱ្យ​ស្ថាប័ន​មាន​ភាព​រីក​ចម្រើន​។​
  • អ្នក​ដោះស្រាយបញ្ហា​ (​Disturbance​ ​handle​r): ​តួនាទី​នេះ​គឺ​សំដៅ​លើ​ការ​ដោះស្រាយ​វិវាទ​ជម្លោះ​កើតឡើង​នៅ​ក្នុង​កន្លែងធ្វើការ​ ​ឬ​បញ្ហា​ពី​កត្តា​ខាងក្រៅ​ដែល​ប៉ះពាល់​ដល់​ការងារ​ផង​ដែរ​។​
  • ​អ្នក​បែងចែក​ធនធាន​ (​Resource​ ​all​o​cat​or): ​អ្នកគ្រប់គ្រង​ត្រូវ​ចាត់ចែង​បុគ្គលិក​ ​បែងចែក​ធនធាន​ហិរញ្ញវត្ថុ​ ​កញ្ចប់​ថវិកា​ ​ស​ម្ភារៈ ​ពេលវេលា​ ​ដើម្បី​បំ​ពេញការ​ងារ​ដោយ​រលូន​។​
  • អ្នកចរចា​ (​Negotiator​): ​អ្នកគ្រប់គ្រង​អាច​នឹង​ប្រឡូក​ក្នុង​ការពិភាក្សា​ផ្ទាល់​ជាមួយ​ក្រុម​ ​ផ្នែក​ផ្សេងៗ​ ​ឬ​ដៃគូ​ ​លើ​ស្ថានភាព​ការងារ​ ​បុគ្គល​ចរចា​ត​ម្លើ​ង​ប្រាក់ខែ​ ។​ល។ ​​

យើងសូមណែនាំសៀវភៅ ការគ្រប់គ្រង និងអភិវឌ្ឍស្ថាប័ន (១២ មេរៀន ដើម្បីឈានទៅរកភាពជោគជ័យរបស់ស្ថាប័ន)

សម្រាប់ការជាវ ឬព័ត៌មានបន្ថែម៖ ០៩៦ ២៧០ ៦៥៦៥ (តេលេក្រាម)

Leave a Reply

Your email address will not be published. Required fields are marked *