សូមដាស់តឿនខ្លួនអ្នកជាមួយសម្រង់សម្តី ១០ ឃ្លានេះ បើអ្នកកំពុងជួបបញ្ហា និងការបរាជ័យ
ជីវិតមិនមែនមានតែភាពជោគជ័យនោះទេ តែវាក៏មានទាំងភាពបរាជ័យនៅជាមួយផងដែរ។ អ្នកអាចធ្លាប់គិតថា ការផ្តោតអារម្មណ៍ អាកប្បកិរិយាត្រឹមត្រូវ ការខិតខំនិងវិន័យ ការប្តេជ្ញាចិត្ត ជំនះឧបសគ្គ ផែនការនិងយុទ្ធសាស្ត្រ ការប្តេជ្ញាចិត្ត… អាចយកឈ្នះការបរាជ័យ និងសម្រេចគោលដៅ ឆ្ពោះទៅរកភាពជោគជ័យ។ តែជាក់ស្តែង ការខកចិត្ត ការឈឺចាប់ ភាពសោកស្តាយ ភាពអស់សង្ឃឹម ការបាក់ទឹកចិត្ត ដែលពេលខ្លះអាចធ្វើឲ្យអ្នកមានអារម្មណ៍ថាធ្លាក់ដល់ចំណុចសូន្យ… ជាដើម តែងតែកើតមាននៅក្នុងដំណើរជីវិតរបស់មនុស្សម្នាក់ៗ។ នេះហើយគេហៅថា ជីវិត។
ទោះបីជាយ៉ាងណា ក្រោយជួបព្យុះ ភ្លៀង ផ្គរ រន្ទះទាំងនេះ តើអ្នកអាចក្រោកងើបឈរឡើងវិញបានកម្រិតណា? បើអ្នកកំពុងស្វែងរកចម្លើយពេលកំពុងជួបបញ្ហា និងការបរាជ័យ អ្នកអាចដាស់តឿនខ្លួនអ្នកជាមួយសម្រង់សម្តី ១០ឃ្លានេះ៖
១. ការខាតបង់ដែលកើតចេញពីកំហុសខ្លួនឯង វាមានទំហំតូចជាងការដែលមិនព្រមធ្វើអ្វីសោះ – លោក Seth Godin
២. ជីវិតល្អប្រសើរ មិនមែនបានមកពីឱកាសនោះទេ ជីវិតល្អប្រសើរបានមកពីការផ្លាស់ប្ដូរ – លោក Jim Rohn
៣. អ្នកមិនទាន់ក្លាយជាអ្នកចាញ់នៅឡើយទេ ដរាបណាអ្នកមិនទាន់បោះបង់វាចោល – Mike Ditka
៤. មនុស្សភាគច្រើនមិនបានរស់នៅក្នុងក្តីសុបិន្ដរបស់ខ្លួន ដោយសារតែពួកគេកំពុងរស់នៅជាមួយនឹងភាពភ័យខ្លាច -លោក Les Brown
៥. នៅក្នុងសមរភូមិជីវិត អ្នកអាចចេញទៅប្រយុទ្ធច្រើនដងដើម្បីជ័យជំនះមួយ -លោកស្រី Margaret Thatcher
៦. បើអ្នកផ្ដោតលើលទ្ធផល អ្នកនឹងមិនអាចផ្លាស់ប្ដូរបានឡើយ បើអ្នកផ្ដោតលើការផ្លាស់ប្ដូរ អ្នកនឹងទទួលបានលទ្ធផល – លោក Jack Dixon
៧. ពាក្យថា “មិនអាចទៅរួច” គ្មានឡើយសម្រាប់បុគ្គលដែលព្យាយាម – អធិរាជ Alexander The Great
៨. ជីវិតមិនទាមទារឲ្យអ្នកធ្វើជាមនុស្សល្អបំផុតនោះទេ តែវាទាមទារឲ្យអ្នកត្រូវព្យាយាមឲ្យបានល្អបំផុត – លោក H. Jackson Brown, Jr.
៩. ជោគជ័យបានផ្តល់ឲ្យអ្នកនូវភាពរីករាយ រីឯការបរាជ័យ បានផ្តល់ឲ្យអ្នកនូវគតិបណ្ឌិត – លោក Neil Patel
១០. ខ្ញុំគិតថាគោលដៅមិនគួរងាយស្រួលទេ វាគួរតែជាកត្តាបង្ខំអ្នកឲ្យធ្វើការ ទោះបីគោលដៅទាំងនោះមិនស្រួលនៅពេលនោះក៏ដោយ តែអ្នកត្រូវសម្រេចវា – Michael Phelps