បោះបង់ចោលទម្លាប់អាក្រក់ទាំង៩នេះចោល ដើម្បីធ្វើឱ្យជីវិតរីករាយ និងជោគជ័យ
ការកែទម្លាប់មិនល្អ ទម្លាប់ដែលនាំឱ្យបរាជ័យ មកជាទម្លាប់គិតវិជ្ជមាន ឧស្សាហ៍ព្យាយាម ស្មោះត្រង់ និងការខិតខំប្រឹងប្រែងជានិច្ច គឺជាគន្លឹះសំខាន់បំផុតមួយ ដើម្បីឱ្យជីវិតមានភាពរីករាយ និងជោគជ័យ។ ខាងក្រោមនេះ ជាទម្លាប់ដែលអ្នកគួរតែបោះបង់ចោល ដើម្បីកែជោគវាសនារបស់អ្នក៖
១. បោះបង់ចោលការគិតអវិជ្ជមានចំពោះអ្នកដទៃ
២. បោះបង់ចោលគំនិតរឹងត្អឹងពេក
ការប្ដេជ្ញា និងការតាំងចិត្តទៅលើគោលដៅមួយ គឺជារឿងល្អបំផុតហើយ។ ប៉ុន្តែ ចូរកុំយល់ច្រលំរវាងការតាំងចិត្ត និងឆន្ទៈក្នុងការផ្លាស់ប្ដូរ។ ជួនកាល ផែនការដើមរបស់អ្នកមិននាំអ្នកទៅរកជោគជ័យបានទេ ដូច្នេះ អ្នកត្រូវចេះបត់បែន ដោយកែសម្រួលផែនការនោះ ដើម្បីឱ្យបានជោគជ័យវិញ បើទោះបីជាខុសពីគម្រោងដើមក៏ដោយ។
៣. បោះបង់ការប្រកាន់ជំហរការពារ
ជាការពិត មិនសូវសម្បូរអ្នកដែលចូលចិត្តស្ដាប់អ្នកដទៃរិះគន់ខ្លួនឡើយ។ ពាក្យចាស់ថា ពាក្យពិតរែងស្លែង គឺការរិះគន់ពិតជាពិបាកទទួលយកបន្តិចហើយ។ ប៉ុន្តែ បើអ្នកចង់ជោគជ័យ អ្នកចាំបាច់ត្រូវចេះទទួលយកការរិះគន់។ ជាជាងខ្លាចការរិះគន់ និងប្រកាន់ជំហរការពារ អ្នកគួរសាកល្បងចង់ដឹងអំពីទស្សនៈរបស់អ្នកដទៃច្រើននាក់ទៀតអំពីស្នាដៃការងាររបស់អ្នក។ ព័ត៌មាននេះ អាចផ្ដល់ពន្លឺដល់អ្នកក្នុងការឈានទៅសម្រេចគោលដៅរបស់អ្នក។
៤. បោះបង់ចោលការនិយាយអវិជ្ជមានអំពីខ្លួនឯង
តាមការសិក្សា មួយថ្ងៃៗយើងនិយាយច្រើនណាស់អំពីខ្លួនឯង ដូច្នេះ ចូរជៀសវាងដាច់ខាតការនិយាយអវិជ្ជមានអំពីខ្លួនអ្នក។ ឧទាហរណ៍ រៀងរាល់ព្រឹក អ្នកត្រូវនិយាយប្រាប់ខ្លួនអ្នកថា ថ្ងៃនេះខ្ញុំនឹងសម្រេចបានជោគជ័យ ថ្ងៃនេះការងារខ្ញុំនឹងរលូន ថ្ងៃនេះខ្ញុំនឹងជួបរឿងល្អ ។ល។ និង ។ល។ នឹងធ្វើឲ្យអ្នកមានអារម្មណ៍វិជ្ជមាន។ ប្រសិនបើអ្នកជួបបញ្ហាបន្តិចបន្តួច ចូរសម្រាកមួយភ្លែត ដើរចេញក្រៅ និងនិយាយរំឭកអំពីអ្វីៗដែលវិជ្ជមានទៅកាន់ខ្លួនឯង។
៥. បោះបង់នូវការរង់ចាំការកោតសរសើរពីអ្នកដទៃ
គ្មានអ្នកណាមានពេលវេលាចាំតែកោតសរសើរអ្នកនោះទេ។ មែនទែនទៅ បើយើងធ្វើខុស គេនឹងបន្ទោសអ្នក ឬគេនឹងចំណាយពេលជាមួយអ្នកប្រសិនបើគេចង់ឱ្យអ្នកធ្វើអ្វីមួយ។ ដូច្នេះ ចូរកុំរង់ចាំអ្នកដទៃកោតសរសើរអ្នក។ នៅពេលអ្នកធ្វើកិច្ចការនានាបានល្អ ចូរចំណាយពេលទទួលស្គាល់និងកោតសរសើរស្នាដៃរបស់អ្នក។ រៀងរាល់ល្ងាច ពេលចប់ការងារ ចូរកត់ត្រាកិច្ចការបីយ៉ាងដែលអ្នកបានសម្រេចនៅថ្ងៃនេះ។ វាមិនចាំបាច់ជាកិច្ចការធំដុំនោះទេ ឲ្យតែរឿងល្អ ដែលស័ក្ដិសមនឹងទទួលការកោតសរសើរ។ អានកំណត់ត្រាទាំងនេះរៀងរាល់ព្រឹក ដើម្បីទម្លាប់ខ្លួនអ្នកឱ្យមានទំនុកចិត្តលើខ្លួនអ្នក។ ធ្វើបែបនេះយូរៗទៅ អ្នកនឹងមានទំនុកចិត្តលើខ្លួនឯងកាន់តែខ្លាំង និងមានចិត្តរីករាយ។
៦. បោះបង់ចោលគំនិតកំណាញ់ ឬអាត្មានិយម
ក្នុងសម័យប្រកួតប្រជែងខ្លាំងដូចបច្ចុប្បន្ន មនុស្សច្រើនគិតថា អ្នកនេះ ឬអ្នកនោះជោគជ័យដោយសារលួចពីភាពជោគជ័យរបស់ខ្លួន។ ចូរបើកចិត្តឱ្យទូលាយ ត្រូវគិតថា ជោគជ័យរបស់អ្នកផ្សេងមិនមកលេបត្របាក់ជោគជ័យរបស់ខ្លួនយើងឡើយ។ ដូច្នេះ អ្នកគួរបើកទូលាយចំពោះកិច្ចសហប្រតិបត្តិការជាមួយអ្នកដទៃក្នុងវិស័យដូចគ្នា ឬលើកស្ទួយមិត្តរួមក្រុមការងារឱ្យឡើងខ្ពស់ តាមសមត្ថភាពរបស់គេជាដើម។
៧. បោះបង់ចោលនូវស្តង់ដារនៃភាពឥតខ្ចោះដែលគ្មានភាពជាក់ស្ដែង
ពិតណាស់ យើងមិនត្រូវខ្ជីខ្ជាក្នុងកិច្ចការងារ ឬធ្វើឱ្យមានកំហុសដោយការធ្វេសប្រហែសឡើយ ប៉ុន្តែ អ្នកក៏មិនត្រូវរំពឹងថា ខ្លួនអ្នកនឹងអាចល្អឥតខ្ចោះ ២៤ម៉ោងលើ២៤ម៉ោងក្នុងមួយថ្ងៃ និង ៧ថ្ងៃក្នុងមួយសប្ដាហ៍ដែរ។ ដូច្នេះ កុំខ្លាចខុស! អ្នកជោគជ័យគឺជាមនុស្សដែលអាចកែច្នៃបរាជ័យឱ្យក្លាយជាការដកពិសោធន៍ ដើម្បីសម្រេចបានទស្សនវិស័យវិជ្ជមាន។
៨. បោះបង់គំនិតគិតខ្លី
ចូរកុំធ្វើការសម្រេចចិត្តទៅតាមអារម្មណ៍មួយឆាវរបស់អ្នក។ មនុស្សជាច្រើនងាយនឹងបោះបង់ចោលអ្វីដែលគេគិតគូររាប់ឆ្នាំមកហើយ ដោយសារតែអារម្មណ៍ខឹង កើតទុក្ខ ក្រេវក្រោធខ្លាំង។ ប៉ុន្តែ អ្នកជោគជ័យ គឺដាច់ខាតមិនធ្វើសកម្មភាព ឬធ្វើការសម្រេចចិត្តនៅពេលស្ថិតក្នុងអារម្មណ៍អស់ទាំងនេះឡើយ។
៩. បោះបង់ចោលនូវការខ្លាចមិនហ៊ានបោះចោលឱកាស
——————
