គតិបណ្ឌិត ២០ ឃ្លា នឹងជួយអ្នកមានសុភមង្គលច្រើនក្នុងជីវិត

គតិបណ្ឌិត (ទស្សនវិជ្ជា, ពុទ្ធសាសនា)បា. ( ន. ) គតិ​របស់​បណ្ឌិត, អធ្យាស្រ័យ ឬ ប្រាជ្ញា​ញាណ​របស់​អ្នក​ប្រាជ្ញ ។ អធ្យាស្រ័យល្អ ឬ សុភវិនិច្ឆ័យរបស់មនុស្សដើលកើតចេញពីសមត្ថភាពនៃការប្រើប្រាស់បញ្ញាញាណ បទពិសោធ និង ពុទ្ធិផ្ទាល់ខ្លួន ដើម្បីធ្វើការសម្រេចចិត្ត និង ការវិនិច្ឆ័យឱ្យបានត្រឹមត្រូវ។

មនុស្សជាច្រើនពិបាកនឹងស្វែងរកក្ដីសុខណាស់ ពេលខ្លះសូម្បីតែខ្លួនមានរបស់ទ្រព្យច្រើនហើយ នៅឡើយតែគ្មានក្ដីសុខទៀត សួរថាហេតុអ្វី? តើអ្វីទៅដែលអាចធ្វើឱ្យមនុស្សអាចមានក្ដីសុខ និងសុភមង្គលក្នុងជីវិត?

ជីវិតមនុស្សយើង បើរស់នៅឱ្យសាមញ្ញ ពេញចិត្តនឹងអ្វីដែលខ្លួនឯងមាន រៀនទទួលស្គាល់ការពិត បើកចិត្តឱ្យទូលាយ ​​​គំនិតត្រូវតែសុទិដ្ឋិនិយម ធ្វើល្អឱ្យបានច្រើន ប៉ុណ្ណឹងគឺយើងអាចមានក្ដីសុខហើយ។ ខាងក្រោមនេះជាគតិបណ្ឌិត ២០ឃ្លា ដែលអាចនឹងជួយជំរុញឱ្យអ្នកមានក្ដីសុខ សំណាងល្អ ថែមទាំងទទួលបាននូវអ្វីដែលអ្នកចង់បានផងដែរ៖

១. មានរឿងខ្លះ គ្មានលើកក្រោយ គ្មានឱកាសធ្វើម្តងទៀត មិនអាចសូម្បីតែចាប់ផ្ដើមជាថ្មី។ ដូច្នេះមានពេលខ្លះ បើអ្នកខកខានបច្ចុប្បន្នកាលនឹងគ្មានឱកាសអនាគតជារៀងរហូតទេ។

២. ប្រើអាកប្បកិរិយាស្ម័គ្រចិត្ត អ្នកនឹងមានជីវិតសុខសាន្ត មិនថាស្ថិតក្នុងកាលៈទេសៈណាក៏ដោយ ដែលអ្នកជួបប្រទះ ជាពិសេស គឺការធ្វើល្អ ទឹកចិត្តជួយអ្នកដទៃ ធ្វើដោយការស្ម័គ្រចិត្ត កុំរំពឹងការតបស្នង នោះអ្នកនឹងទទួលបានក្ដីសុខពិតប្រាកដ។

៣. បញ្ហាទាំងអស់ ទីបំផុតជាបញ្ហារបស់យើងខ្លួនឯង មិនមែនជារឿងរបស់អ្នកដទៃនោះឡើយ ដូច្នេះហើយ គឺមានតែយើងខ្លួនឯងប៉ុណ្ណោះដែលត្រូវប្រឈមមុខ ឆ្លងកាត់ ហើយដោះស្រាយដោយខ្លួនឯង​ គ្មានអ្នកណាអាចជួយអ្នកបានឡើយ។

៤. វាជារឿងពិត នៅពេលដែលយើងមានជីវភាពខ្វះខាត ក្រក្រី អ្វីដែលយើងត្រូវធ្វើ គឺចាកចេញទៅក្រៅ ដើម្បីធ្វើការ រកស៊ី រកលុយ ចិញ្ចឹមជីវិត ហើយមានពេលវេលាតិចណាស់ក្នុងការនៅផ្ទះ។ ប៉ុន្តែ នៅពេលដែលយើងមានទ្រព្យ មានលុយច្រើនគ្រប់គ្រាន់ យើងក៏អាចកំណត់ការដើរហើរចេញក្រៅ និងមានពេលច្រើន​ដើម្បីនៅផ្ទះ។

៥. មានពេលខ្លះ យើងអាចអភ័យទោសឱ្យនរណាម្នាក់ ប៉ុន្តែយើងបែរជានៅតែមិនអាចសប្បាយចិត្តបាន ព្រោះយើងភ្លេចអភ័យទោសឱ្យខ្លួនឯង។

៦. មនុស្សម្នាក់ៗត្រូវកើតចាស់ ឈឺស្លាប់ ប៉ុន្តែដរាបណាយើងរស់នៅ យើងត្រូវតែរស់នៅក្នុងផ្លូវល្អបំផុត។ ទោះបីជាអ្នកគ្មានស្នេហា តែក៏ត្រូវតែរស់នៅជាមួយនឹងភាពឯកា ប្រកបដោយក្ដីសុខ និងភាពរីករាយ។

៧. របស់ដែលយើងមិនត្រូវការ ទោះល្អប៉ុនណាក៏ដោយ វាគ្រាន់តែសំរាមប៉ុណ្ណោះ។ ហើយរបស់ដែលយើងចង់បាន តែបើវាមិនមែនជារបស់យើងទេ ទោះបីបានមក ក៏គ្មានក្ដីសុខបានដែរ។

៨. ភាពជាយុវវ័យ គឺជាទ្រព្យដ៏មានតម្លៃបំផុតសម្រាប់ជីវិតមនុស្សយើងម្នាក់ៗ។ ដូច្នេះហើយ យើងម្នាក់ៗត្រូវគុណពេលវេលាដ៏មានតម្លៃនោះ ទោះបីយើងក្រក៏ដោយ យើងមិនត្រូវភ័យខ្លាចឡើយ។ ចូរឈ្វេងយល់ពីវិធីចិញ្ចឹមបីបាច់ខ្លួនឯង យល់ពីអ្វីដែលមានតម្លៃ ឈ្វេងយល់ពីកន្លែងវិនិយោគ ឈ្វេងយល់ពីកន្លែងដែលត្រូវសន្សំ នោះគឺជារឿងសំខាន់បំផុតនៅក្នុងជីវិត។

៩. ថ្ងៃណាមួយ អ្នកនឹងយល់ថា ភាពស្មោះត្រង់នឹងពិបាកជាងភាពឆ្លាតវៃ។ ភាពវៃឆ្លាត គឺជាអំណោយមួយ ប៉ុន្តែភាពស្មោះត្រង់គឺជាជម្រើស និងជាគុណតម្លៃដ៏ធំធេងបំផុត។

១០. នៅពេលដែលជីវិតខ្វះខាត ឱ្យតែយើងមានលុយ ប៉ុណ្ណឹង គឺគ្រប់គ្រាន់ហើយ។ សុភមង្គលដ៏ធំបំផុត គឺការប្រើចំណូលរបស់ដែលយើងរកបាន ដើម្បីបំពេញក្តីសុបិន និងការចង់បានរបស់ខ្លួនឯង និងទិញរបស់ដែលខ្លួនឯងចង់បាន។ ដូច្នេះ អ្វីដែលអស្ចារ្យ គឺត្រូវតែធ្វើនូវរឿងដែលខ្លួនឯងស្រឡាញ់ ពេញចិត្តឱ្យបានច្រើន។

១១. ជីវិត មិនថាមាន ឬក្រនោះទេ អ្នកត្រូវតែមានចិត្តសប្បុរសចំពោះមនុស្សជុំវិញខ្លួន រស់នៅឱ្យសាមញ្ញ ត្រូវចាំ ការធ្វើល្អ ជាគឺជារឿងល្អបំផុតនៅក្នុងជីវិតមនុស្សយើងម្នាក់ៗ។

១២. កុំខ្ជះខ្ជាយលុយច្រើនលើសម្លៀកបំពាក់តម្លៃថោកៗ តែគួរចំណាយឱ្យបានត្រឹមត្រូវ ដោយផ្ដោតទៅលើគុណភាព។ សូមផ្លាស់ប្តូរបរិយាកាសដោយការចេញទៅទទួលទានអាហារពេលល្ងាច ជួបជុំមនុស្សដែលខ្លួនស្រឡាញ់ ដើម្បីញុំាអាហារឆ្ងាញ់ៗជាមួយគ្នា។ លើសពីនេះ ក្រៅពីមនុស្សដែលយើងស្រឡាញ់ យើងគួរតែចេញទៅញុំាអីជាមួយមនុស្សដែលមានគុណភាព ដើម្បីទទួលបានគំនិតថ្មីៗ ល្អៗ យកមកអភិវឌ្ឍ និងកែលម្អយើងខ្លួនឯង។

១៣. រឿងខ្លះ គឺវាពិតជាមិនត្រូវការការពន្យល់ ឬបកស្រាយនោះឡើយ តែបើយើងនៅតែនិយាយបកស្រាយ វាក៏ក្លាយជារឿងអត់ប្រយោជន៍ តាំងពីវិនាទីដំបូងដែលអ្នកបើកមាត់និយាយមកម្ល៉េះ។

១៤. វាមិនសំខាន់ទេថា អ្នកនឹងក្លាយជាមនុស្សមានប្រយោជន៍ប៉ុនណា ចំពោះមនុស្សដែលនៅជុំវិញអ្នក តែអ្វីដែលសំខាន់បំផុតនោះ គឺតើនឹងមានមនុស្សប៉ុន្មាននាក់ដែលនឹងនៅក្បែរអ្នក មិនបោះបង់អ្នកចោល នៅពេលដែលអ្នកជួបទុក្ខ មានបញ្ហា។

១៥. នៅពេលដែលមនុស្សនៅមានជីវិត មនុស្សតែងតែគិតថាថ្ងៃស្អែកនៅតែវែងឆ្ងាយ ខ្វះឱកាសជួបជុំគ្នា ប៉ុន្តែតាមពិត ជីវិតមនុស្ស គឺជាការដកថយ គឺថយពីមួយថ្ងៃទៅមួយថ្ងៃ ជួបគ្នាមួយដង នឹងបាត់បង់ពេលវេលាមួយដងដូចគ្នា តែអ្វីដែលនៅសល់នោះ គឺការចងចាំ និងអនុស្សារីយ៍តែប៉ុណ្ណោះ។

១៦. ត្រូវចាំ ទោះបីយើងក្រ យើងមិនមានទ្រព្យសម្បត្តិច្រើនក៏ដោយ តែកុំមើលងាយខ្លួនឯង កុំមើលស្រាលខ្លួនឯង កុំទៅលន់តួ អង្វរអ្នកណា នាំឱ្យខ្លួនឯងបាត់បង់តម្លៃ។ មនុស្សខ្លះ ឃើញយើងឱនលំទោន ដាក់ខ្លួន គឺកាន់តែជាន់យើងថែមតែប៉ុណ្ណោះ។ យ៉ាងណាក៏ដោយ នៅពេលអ្នកក្លាយជាអ្នកមាន អ្នកត្រូវរៀនជួយដល់អ្នកដទៃឱ្យប្រសើរឡើង កុំធ្វើត្រាប់តាមមនុស្សជោគជ័យ ដែលមើលងាយយើងកន្លងមកឱ្យសោះ។

១៧. ក្នុងពេលមានកំហឹង ដាច់ខាតកុំប្រើពាក្យអាសអាភាស កុំនិយាយពាក្យអសុរោះ កុំនិយាយពាក្យមិនល្អ នាំឱ្យអ្នកស្ដាប់ឈឺចាប់ ព្រោះតែពាក្យសម្ដីរបស់យើង កុំធ្វើបាបចិត្តអ្នកដែលនៅក្បែរយើង ព្រោះតែសម្ដី និយាយចេញទៅទាំងកំហឹង។

១៨. និយាយសុំទោសខ្លួនឯងប៉ុន្មានឆ្នាំមកនេះ ច្បាស់ជាមានមនុស្សជាច្រើនដែលមិនបានរៀនស្រលាញ់ខ្លួនឯងនោះឡើយ មិនដែលមើលថែខ្លួនឯងបានល្អនោះឡើយ។

១៩. កុំប្រើតែត្រចៀកស្ដាប់ ហើយទៅវិនិច្ឆយលើអ្នកដទៃ អ្នកមិនអាចយល់ពីគេច្បាស់ ព្រោះតែការស្ដាប់សម្ដីពីមនុស្សម្នាក់ ទៅមនុស្សម្នាក់បានឡើយ។

២០. ស្ត្រីដែលមិនមានភាពទាក់ទាញ និយាយថាបុរសមានមនោសញ្ចេតនា បុរសដែលមិនមានកម្លាំង មានអារម្មណ៍ថាជាស្ត្រីជាក់ស្តែង តឹងតែងខ្លាំង។


អត្ថបទទាក់ទង

សម្រង់សម្ដីចំនួន ១១ ឃ្លា ជាថ្នាំលើកទឹកចិត្ត និងភាពច្នៃប្រតិដ្ឋ

 

Leave a Reply

Your email address will not be published. Required fields are marked *