មេរៀនអំពី “ការមិនបោះបង់” ពីលោក ខូឡូណេល សេនដឺស៍ ស្ថាបនិក KFC

ឪពុកស្លាប់ចោលតាំងពីអាយុ ៥ ឆ្នាំ

បោះបង់ការសិក្សានៅអាយុ ១៦ ឆ្នាំ

ត្រឹមអាយុ ១៧ ឆ្នាំ បានបាត់បង់ការងារចំនួន ៤ រួចហើយ

ចូលដល់វ័យ ១៨ ឆ្នាំ ក៏យកប្រពន្ធភ្លាម

នៅ​ចន្លោះ​អាយុ ១៨ ឆ្នាំ​ដល់ ២២ ឆ្នាំ​ ធ្វើ​ជា​អ្នកបើកបរអយស្ម័យយានតែបរាជ័យ ធ្វើមិនបានល្អ។

គាត់បានចូលបម្រើកងទ័ព ដោយធ្វើការនៅក្នុងផ្ទះបាយ ប៉ុន្តែមិនបានប៉ុន្មាន រត់មកសាលាវិញ ហើយព្យាយាមដាក់ពាក្យចូលសាលាច្បាប់ ប៉ុន្តែពាក្យសុំរបស់គាត់ត្រូវបានបដិសេធ។

ដូច្នេះហើយ គាត់បានក្លាយជាអ្នកលក់នៅក្នុងក្រុមហ៊ុនធានារ៉ាប់រងមួយ ប៉ុន្តែគាត់ត្រូវបានបណ្តេញចេញម្តងទៀត។

ក្លាយជាឪពុកគេ នៅអាយុ ១៩ ឆ្នាំ ហើយពេល​គាត់​មាន​អាយុ​ ២០ ​ឆ្នាំ ប្រពន្ធ​របស់​គាត់​បាន​ចាក​ចោល​គាត់ ដោយយកកូនស្រីទៅជាមួយ។

គាត់ចាប់ផ្តើមធ្វើការនៅក្នុងហាងកាហ្វេតូចមួយក្នុងនាមជាចុងភៅ និងលាងចាន។ ប៉ុន្តែ​ជា​ថ្មី​ម្តង​ទៀត គាត់​ត្រូវ​បាន​បណ្ដេញ​ចេញ​បន្ទាប់​ពី​ព្យាយាម​លួចម៉ោងចេញចូលគ្មានការអនុញ្ញាត ដើម្បីបានចួបកូនស្រីរបស់ខ្លួន។

ក្រោយមកគាត់បានធ្វើការបញ្ចុះបញ្ចូលប្រពន្ធឱ្យមកផ្ទះវិញបានជោគជ័យ។

បន្ទាប់មកទៀត គាត់​បាន​ចំណាយ​ពេល​ស្ទើរតែ​ពេញ​មួយ​ជីវិត​របស់គាត់​ដើម្បី​ការងារតូចតាច ហើយចូលនិវត្តន៍នៅអាយុ ៦៥ ឆ្នាំ។

ប្រាក់សោធននិវត្តន៍ដំបូងដែលគាត់ទទួលបានពីរដ្ឋាភិបាលមានចំនួនតិចតួចត្រឹម ១០៥ ដុល្លារប៉ុណ្ណោះ។

ក្រោយមក គាត់យល់ថា គាត់មិនអាចផ្គត់ផ្គង់តម្រូវការគ្រួសាររបស់គាត់បានទេ ហើយជាមួយគ្នានោះ គាត់ខកចិត្ត និងខ្ពើមរអើមនឹងជីវិត គាត់បានប្រាប់ខ្លួនឯងថាគាត់គ្មានអ្វីសោះ ក៏ប៉ុនប៉ង​ធ្វើ​អត្តឃាត តែ​មិនបានសម្រេច។

ក្នុងខណៈពេលសញ្ជប់សញ្ជឹងអង្គុយ​ក្រោម​ដើម​ឈើ ក៏​ចាប់​ផ្ដើម​ធ្វើបញ្ជីនៃអ្វីគ្រប់យ៉ាងដែលគាត់បានធ្វើជាមួយជីវិតរបស់គាត់។ ហើយគាត់បានដឹងថារាល់អ្វីៗទាំងអស់ដែលបានធ្វើក្នុងជីវិតពិតជាមិនខ្ជះខ្ជាយទេ ព្រោះមានទេពកោសល្យមួយរបស់គាត់ដែលពូកែជាងអ្នកដទៃ៖ គឺធ្វើម្ហូប។

ដូច្នេះ​ហើយ គាត់​បាន​ខ្ចី​លុយ​មិត្តភ័ក្តិ​ម្នាក់ ៨៧ ដុល្លារ ហើយ​ចាប់​ផ្តើម​ចៀន​មាន់ ហើយចាប់ផ្តើមលក់​ឲ្យ​អ្នក​ជិត​ខាង​ ពីផ្ទះ​មួយ​ ទៅផ្ទះ​មួយ ពីរដ្ឋ Kentucky ។

សូមចាំថា នៅអាយុ ៦៥ ឆ្នាំគាត់បានត្រៀមខ្លួនធ្វើអត្តឃាតខ្លួនឯង ប៉ុន្តែនៅវ័យ ៨៨ ឆ្នាំលោក ខូឡូណេល សេនដឺស៍ (Colonel Sanders) ស្ថាបនិក Kentucky Fried Chicken (KFC) Empire បានក្លាយជាមហាសេដ្ឋីវាល់លានដុល្លារ។

វាមិនយឺតពេលពេកទេ សម្រាប់រឿងរ៉ាវផ្សេងៗនោះ។

ចាប់ផ្តើមឡើងវិញ ហើយមានតែអាកប្បកិរិយាក្នុងការឆ្លើយតបចំពោះព្រឹត្តិការណ៍ជីវិតប៉ុណ្ណោះ ដែលអាចកំណត់អ្វីជាខ្លួនអ្នក ហើយអ្វីដែលសំខាន់នោះ គឺកុំបោះបង់!

អត្ថបទទាក់ទង

ច្បាប់ចំនួន ២០ សម្រាប់ការរស់នៅជាមួយមនុស្សក្នុងសង្គម