មេរៀនដែលមនុស្សគួររៀនពី “វដ្តជីវិតរបស់មេអំបៅ”

នៅស្រុកគេ មិនថា អាមេរិច ជប៉ុន ចិន ទេ គេតែងតែបង្រៀនកូន អោយស្វែងយល់ពីសត្វ ហើយគេតែងតែទិញពងមេអំបៅទៅ ចិញ្ចឹម អោយកូនក្មេងស្វែងយល់ ពីការវិវត្តិ៍របស់សត្វមេអំបៅ ព្រោះមេអំបៅជាសត្វមួយដែលមានចំណុចពិសេស ជាងសត្វល្អិតដ៏ទៃ ក្នុងការប្រែខ្លួនជាសត្វមួយថ្មី។ ពងមេអំបៅ មានការវិវត្តន៍ 4 ដំណាក់កាលធំៗ ទម្រាំក្លាយជាមេអំបៅ។

ដឹងហើយមែនទេ? ថាសត្វមេអំបៅ 90 ភាគរយ មានជីវិតខ្លី ខ្លះអាយុត្រឹមតែមួយថ្ងៃ ហើយភាគច្រើន គឺរស់បានដល់អាយុ ១៤ ថ្ងៃ។ រយៈពេលជាសត្វដង្កូវ មានពេលវេលាវែងណាស់ មុននឹងក្លាយជាមេអំបៅ។ ទោះវាដឹងថា ក្រោយប្រែក្លាយជាមេអំបៅ មិន យូរប៉ុន្មាន ក៏ដល់វេលាអស់ជីវិត តែខ្ញុំជឿថា សត្វដង្កូវវានៅតែប៉ង ប្រែកាយទៅជាសត្វមេអំបៅក្នុងគ្រាមួយអោយទាល់តែបាន។

ការវិវត្តន៍ពីពងដង្កូវទៅជាសត្វមេអំបៅ បានផ្តល់ន័យអប់រំដ៏ល្អ មួយដល់មនុស្ស “មិនថាជីវិតមួយនេះខ្លីយ៉ាងណា! តែយើងត្រូវប្រឹងប្រែងរស់រហូតដល់ឃើញ គោលដៅ ទីបញ្ចប់នៃជីវិត។”