ការលើកទឹកចិត្ត និងអភិវឌ្ឍន៍ខ្លួនឯង
ភាពខុសគ្នាដ៏សំខាន់មួយរវាងបុគ្គលជោគជ័យ និងបរាជ័យ មិនមែនដោយសារទ្រព្យសម្បត្តិ ឱកាស បញ្ញា ចំណេះដឹង ឬជំនាញនោះទេ ភាពខុសគ្នានោះ គឺការចេះលើកទឹកចិត្ត និងអភិវឌ្ឍន៍ខ្លួនឯងជាប្រចាំ ទោះគេស្ថិតក្នុងកាលៈទេសៈណាក៏ដោយ។
រាល់ពេលបាក់ទឹកចិត្ត គាត់ចេះលើកទឹកចិត្តខ្លួនឯង ដោយមិនចាំបាច់ត្រូវការអ្នកដទៃមកជួយលើទឹកចិត្តគាត់។ ម៉្យាងវិញទៀត គាត់អាចក្រោកឈរឡើងវិញរាល់ពេលដែលគាត់ដួល ដោយមិនចាំបាច់ឲ្យអ្នកដទៃលើកគ្រាហ៍គាត់ឡើងឡើយ។ លើសពីនេះទៅទៀត គាត់អាចគ្រប់គ្រង ក៍ដូចជាអាចទាញយកប្រយោជន៍រៀងរាល់ពេលជួបបញ្ហា ដោយមិនចាំបាច់គេចវេសនោះឡើយ។ អ្វីដែលសំខាន់ជាងនេះទៀតនោះ គឺគាត់អាចអភិវឌ្ឍខ្លួនឯងបានយ៉ាងល្អប្រសើរ ដោយមិនចាំបាច់ទាល់តែគេមកបង្រៀននោះទេ។
សរុបមក ការលើកទឹកចិត្ត និងអភិវឌ្ឈន៍ខ្លួនឯង ដោយឆន្ទៈពិតប្រាកដ ការផ្តល់កម្លាំងចិត្តឲ្យខ្លួនឯង ការប្តេជ្ញាចិត្តខ្ពស់ និងធ្វើត្រូវរឿងត្រូវរបៀប ធ្វើឲ្យបុគ្គលគ្រប់រូបទទួលបានជោគជ័យ។