សម្តីចំនួន៩ឃ្លា ពីលោក អ៊ីឡុន ម៉ាសក៍ (Elon Musk) ដែលអ្នកគួររៀនសូត្រ
លោក អ៊ីឡុន ម៉ាសក៍ (Elon Musk) គឺជាមហាសេដ្ឋីម្នាក់ មិនត្រឹមជាម្ចាស់ក្រុមហ៊ុនឡានអគ្គិសនី តេស្លា (Tesla) ដែលល្បីជាងគេនៅអាមេរិកនោះទេ លោក អ៊ីឡុន ម៉ាសក៍ ក៏ជាស្ថាបនិកក្រុមហ៊ុន ស្ពេសិ៍ អេច (Space X) ដែលជាអ្នកផ្គត់ផ្គង់ យានអវកាស សម្រាប់បញ្ជូនអវកាសយានិករបស់ទីភ្នាក់ងារ ណាសា (Nasa) ទៅកាន់ស្ថានីយ៍យានអវកាស។ លោក អ៊ីឡុន ម៉ាស ក៏បានបង្កើតផងដែរ ផ្ទាំងស្រូបកម្តៅព្រះអាទិត្យ សម្រាប់ធ្វើជាថាមពល និងបានបង្កើតក្រុមហ៊ុន The Boring Company ដែលត្រូវជីករូងក្រោមដី ដើម្បីបញ្ជៀសការកកស្ទះចរាចរណ៍នៅលើផ្លូវថ្នល់ ក្នុងទីក្រុង Los Angeles។ ខាងក្រោមនេះ គឺជាសម្រង់សម្តីចំនួន ៩ឃ្លា ដែលលោកធ្លាប់បានចែករំលែក៖
១. កុំធ្វើត្រឹមតែជាអ្នកប្រើប្រាស់ផ្លូវ គប្បីធ្វើជាអ្នកត្រួសត្រាយផ្លូវទើបជារឿងល្អប្រសើរក្នុងជីវិតរបស់មនុស្សគ្រប់ៗគ្នា។
២. អ្នកដឹកនាំត្រូវចេះប្រើសិល្បះក្នុងការគ្រប់គ្រង ទើបទទួលបានជោគជ័យ។
៣. ខ្ញុំគិតថាដំបូន្មានដ៏ល្អតែមួយគត់ គឺអ្នកគួរតែគិតអំពីខ្លួនអ្នកអំពីវិធីធ្វើឲ្យរឿងផ្សេងៗល្អប្រសើរ ហើយតែងតែសួរខ្លួនអ្នកជានិច្ច។
៤. យើងនឹងធ្វើឱ្យវាកើតឡើង ដោយការបង្ហូរឈាមរបស់ខ្ញុំនិងមានព្រះជាសាក្សី ខ្ញុំសន្យានឹងធ្វើវាឲ្យបាន។
៥. ជំហានដំបូង គឺត្រូវបញ្ជាក់ថាមានអ្វីមួយដែលអាចធ្វើទៅបាន បន្ទាប់មកអ្វីៗនឹងកើតឡើងបន្តបន្តាប់។
៦. ពេលដែលអ្វីមួយមានសារ:សំខាន់គ្រប់គ្រាន់ អ្នកនឹងធ្វើវា ទោះមិនមែនជាចំណូលចិត្តអ្នកក៏ដោយ។
៧. ខ្ញុំគិតថាពីមនុស្សសាមញ្ញអាចក្លាយទៅជាមនុស្សអស្ចារ្យម្នាក់។
៨. ការតស៊ូ គឺសំខាន់ណាស់ អ្នកមិនគួរបោះបង់ចោលទេ ដរាបណាអ្នកត្រូវបានបង្ខំឱ្យបោះបង់។
៩. ចង់ក្លាយជាមេដឹកនាំដែលល្អ អ្នកត្រូវរៀនរស់នៅដោយពឹងលើខ្លួនឯង។
សូមបញ្ជាក់ផងដែរថា បើយោងតាមវ៉េបសាយ ប្លូមប៊ឺក (Bloomberg) ចុះថ្ងៃទី៣០ ខែសីហា ឆ្នាំ២០២០ បានវាយតម្លៃថា លោក អ៊ីឡុន ម៉ាស មានទ្រព្យសម្បត្តិប្រមាណ ១១៥.៤ ពាន់លានដុល្លារ និងជាប់ឈ្មោះជា មហាសេដ្ឋីលំដាប់ទី ៣ ដែលមានលុយច្រើនជាងគេនៅលើលោក។
អត្ថបទទាក់ទង
សម្រង់សម្តី១០ របស់មហាសេដ្ឋី Jack Ma នេះនឹងជម្រុញអ្នកបន្តទៅមុខទៀតដើម្បីសម្រេចក្តីសុបិន
2 thoughts on “សម្តីចំនួន៩ឃ្លា ពីលោក អ៊ីឡុន ម៉ាសក៍ (Elon Musk) ដែលអ្នកគួររៀនសូត្រ”