ត្បាល់ខ្មែរ កន្លែងពិសេសសម្រាប់អាហារពេលថ្ងៃរបស់អ្នកធ្វើការ
បើអ្នកធ្វើការតាំងពីព្រឹកមក ម៉ោងបាយថ្ងៃត្រង់ ជាពេលវេលាល្អសម្រាប់បំពេញថាមពលដែលបាត់បង់ និងទទួលយកភាពរីករាយពីការសាកល្បងម្ហូបថ្មីៗ។ នៅភ្នំពេញ ភោជនីយដ្ឋានដែលមានតម្លៃសមរម្យ មានច្រើនណាស់ ប៉ុន្តែភោជនីយដ្ឋានដែលមានម្ហូបឆ្ងាញ់ និងតម្លៃសមរម្យ មានមិនច្រើនទេ។
ក្នុងអត្ថបទនេះ អ្នកនឹងបានស្គាល់ភោជនីយដ្ឋានបែបខ្មែរមួយទៀត ដើម្បីធ្វើជាកន្លែងត្រៀមសម្រាប់បាយថ្ងៃត្រង់របស់អ្នក។ មិនថាមកម្នាក់ ឬមកជាក្រុមទេ ត្បាល់ខ្មែរ នឹងទទួលគ្រប់គ្នា។
ត្បាល់ខ្មែរ មានមុខម្ហូបប្រមាណជា៣០មុខ។ មិនថាអ្នករើសម្ហូបយ៉ាងណាទេ អ្នកនៅតែអាចរកបានម្ហូបជាប់ចិត្តនៅទីនេះដែរ។ ម្ហូបដែលលក់ដាច់ជាងគេពេលបាយថ្ងៃនៅទីនេះ គឺ បុកទឹកគ្រឿង ហេតុនេះអ្នកគួរតែសាកមុនគេ ដើម្បីដឹងពីមូលហេតុដែលវាលក់ដាច់។
បុកល្ហុង ក៏ជាម្ហូបដែលអ្នកមិនគួរមើលរំលងដែរ។ ដើម្បីងាយស្រួលយល់ និងកម្រើកការឃ្លានរបស់អ្នក សូមមើលរូបខាងលើម្តងទៀតមួយភ្លែតសិនទៅ។
បើមើលមួយហើយ មិនទាន់ឃ្លាន សូមមើលខាងក្រោមនេះមួយទៀត
សម្រាប់តម្លៃវិញ គឺមិនថ្លៃដល់ថ្នាក់អ្នកចូលញ៉ាំប្តូរទឹកមុខ ពេលឃើញម៉ឺនុយនោះទេ។ តម្លៃចាប់ពី ៧ពាន់រៀលឡើងទៅ អ្នកអាចហូបឆ្អែត ហើយត្រលប់ទៅធ្វើការវិញបានហើយ។ បើមិនឆ្អែតទេ ថែមមួយចានទៀតបាន ព្រោះនេះជាបញ្ហាក្រពះ។ បើមិនឆ្អែត មានកម្លាំងឯណាទៅធ្វើការ។
ខាងក្រោមនេះ ជាទីតាំងរបស់ត្បាល់ខ្មែរទាំង ៤សាខា។ អ្នកអាចរកសាខាដែលក្បែរកន្លែងធ្វើការរបស់អ្នក ឬរើសយកសាខាដែលឆ្ងាយជាងគេដើម្បីជិះដើរលេងពេលថ្ងៃត្រង់ក៏បាន។
បើអ្នកមិនចង់ចេញក្រៅ អ្នកអាចកម្មង់តាមសាខានីមួយៗបាន។
ត្បាល់ខ្មែរមិនបានហាមថា មិនឲ្យមកញ៉ាំពេលល្ងាចនោះទេ។ បើពេលថ្ងៃមិនបានមកដោយផ្ទាល់ ពេលល្ងាចអាចនាំក្រុមគ្រួសារ ឬមនុស្សពិសេសមកញ៉ាំជាមួយគ្នាក៏បាន។ សុភមង្គលគ្រួសារ ពេលខ្លះអាចកើតឡើងបានដោយសារតែអ្នករើសភោជនីយដ្ឋានត្រូវទៀតផង។
អោយតែមកភ្នំពេញមិនដែលភ្លេចទេម្ហូបនៅត្បាល់ខ្មែរ ឆ្ងាញ់ណាស់!
នេះជាមតិយោបល់របស់អតិថិជនរបស់ត្បាល់ខ្មែរ។ យោបល់នេះ ហាក់ដូចជាធ្វើឲ្យត្បាល់ខ្មែរក្លាយជាផ្នែកមួយនៃបទពិសោធន៍ក្នុងរាជធានីភ្នំពេញដែរ ហើយក៏ជាអ្វីដែលត្បាល់ខ្មែរ ព្យាយាមធ្វើឲ្យបានដូចគ្នា។ មុននឹងទៅដល់ចំណុចនោះ ត្បាល់ខ្មែរ សូមធ្វើខ្លួនជាចម្អែតក្រពះអ្នកទាំងអស់គ្នាសិន។