ត្រូវតម្រង់ទិសរកដំណោះស្រាយ 

អ្នកត្រូវផ្លាស់ប្ដូរឥរិយាបថអវិជ្ជមានរបស់អ្នកហើយមកគិតរករាល់ដំណោះស្រាយវិញ។ អ្នកដោះស្រាយបញ្ហាមានឥរិយាបថវិជ្ជមាន ហើយមានគំនិតចង់អភិវឌ្ឈខ្លនឯង និងស្ថាបនាស្ថាប័នណាដែលខ្លួនគ្រប់គ្រង។ អ្នកពូកែដោះស្រាយបញ្ហាតែងតែគិត ថាតើពួកគេគួរតែធ្វើអ្វីនៅពេលនេះ ជាជាងនិយាយអំពីបញ្ហាស្មុគស្មាញផ្សេងៗដែលកំពុងតែកើតឡើង។ ដូច្នេះអ្នកត្រូវប្ដូរពីគំនិតអវិជ្ជមានមកគំនិតវិជ្ជមាន ហើយផ្លាស់ប្ដូរឥរិយាបថដែលគិតតែពីបញ្ហា មកគិតពីដំណោះស្រាយផ្សេងៗវិញប្រសើរជាង។

គ្រប់គ្រងឥរិយាបថរបស់អ្នកពេលជួបបញ្ហា

តើអ្នកមានឥរិយាបថដូចម្ដេចពេលជួបបញ្ហា? អារម្មណ៍តានតឹង និងមិនសប្បាយចិត្ត មិនមែនកើតចេញមកពីអ្នកបានជួបបញ្ហានោះទេ តែវាកើតចេញមកពីរបៀបដែលអ្នកដោះស្រាយបញ្ហាទៅវិញ។ មនុស្សជាច្រើននៅពេលដែលជួបបញ្ហាតែងតែមានការអន់ចិត្ត ហើយសួរខ្លួនឯងថាហេតុអ្វីបានកើតឡើងតែមកលើខ្ញុំ? ហេតុអី្វបញ្ហាចេះតែកើតឡើងអញ្ចឹង? ហើយតើខ្ញុំត្រូវបន្ទោសអ្នកណា? ការគិតបែបនេះ គឺមិនមានប្រយោជន៍សម្រាប់ខ្លួនអ្នកនោះទេ។ មនុស្សយើងមិនអាចគេចចេញពីបញ្ហាបាននោះទេ ហើយជីវិតរបស់យើងកើតមកគឺត្រូវជួប និងដោះស្រាយបញ្ហា ដែលកើតឡើងជាបន្តបន្ទាប់។ និយាយជារួមទៅ បញ្ហាប្រៀបបានដូចជាទឹករលក ដែលបក់បោកទៅមកមាត់ច្រាំងម្ដងហើយម្ដងទៀតដដែលៗ ដែលជាការពិតហើយ ជីវិតយើងក៍ជួបបញ្ហាតូចធំ មិនចេះចប់មិនចេះហើយដូច្នេះដែរ។ 

ការសម្រេចចិត្ត

នៅក្នុងជីវិតប្រចាំថ្ងៃ គ្រប់វិនាទី សុទ្ធសឹងតម្រូវឲ្យយើងធ្វើ “ការសម្រេចចិត្ត”។ ការសម្រេចចិត្តមានទាំងតូច ទាំងធំ ទាំងសាមញ្ញដូចជា ព្រឹកឡើងនាឡិការោទិ៍ភ្លាម យើងត្រូវធ្វើការសម្រេចចិត្តថាគួរងើបភ្លាម ឬចុចបិទនាឡិកាហើយគេងបន្តទៀត ឬងើបមកឃើញមេឃខ្មៅងងឺត យើងត្រូវសម្រេចចិត្តថាគួរទៅហាត់ប្រាណឬក៏អត់… ហើយមានការសម្រេចចិត្តបន្តបន្ទាប់ទៀតដូចជាគួររៀនបន្ត ឬបេាះបង់ការសិក្សាហើយរកការងារធ្វើ គួរធ្វើជំនួញ ឬគួរវិនិយោគ រហូតដល់ការសម្រេចចិត្តដែលប៉ះពាល់ដល់អាយុជីវិត ដូចជាពេលមានបញ្ហាសុខភាពធ្ងន់ធ្ងរអ្វីមួយ គួរទៅមន្ទីរពេទ្យណា គួរវះឬមិនគួរវះ ជាដើម ។ល។ ពេលខ្លះ យើងរវល់នឹងការងារ ឬសប្បាយនឹងមិត្តភក្តិ ភ្លេចឪពុកម្តាយនៅផ្ទះ រហូតដល់គាត់ធ្លាក់ខ្លួនឈឺ ហើយលាចាកលោក ទើបយើងមានវិប្បដិសារី។ ទាំងនេះសុទ្ធតែកើតចេញពីការសម្រេចរបស់យើងម្នាក់ៗ។ … Read More

ពេលវេលាល្អបំផុត ដើម្បីបង្ហោះនៅលើបណ្តាញសង្គម

ដើម្បីបង្ហោះរឿងអ្វីមួយនៅលើបណ្តាញសង្គម វាជារឿងល្អបំផុតក្នុងការដឹងថាពេលវេលាណាដែលសាកសមបំផុតដើម្បីបង្ហោះនៅលើបណ្តាញសង្គម។  លោកអ្នកអាចស្វែងយល់តាមក្រាហ្វិចព័ត៍មានដូចខាងក្រោម៖

សេចក្តីណែនាំរបស់ក្រសួងពាណិជ្ជកម្ម ស្តីពីការហាមឃាត់ការលក់ដំឡើងថ្លៃ ម៉ាស និងសម្ភារៈឧបករណ៍ សម្រាប់ការពារ និងទប់ស្កាត់ជំងឺកូវីដ-១៩ (COVID 19) តាមប្រព័ន្ធអេឡិចត្រូនិក

នាថ្ងៃទី៣០​ ខែមីនា ឆ្នាំ២០២០ នេះ​ ក្រសួងពាណិជ្ជកម្មបានចេញ សេចក្តីណែនាំ ស្តីពីការហាមឃាត់ការលក់ដំឡើងថ្លៃ ម៉ាស និងសម្ភារៈឧបករណ៍ សម្រាប់ការពារ និងទប់ស្កាត់ជំងឺកូវីដ-១៩ (COVID 19) តាមប្រព័ន្ធអេឡិចត្រូនិក

«ខ្ញុំគិតថាគ្មានអ្វីដែលរីករាយជាងជីវិតទទួលបាននូវភាពរីករាយនោះទេ។»

John D. Rockefeller៖ «ខ្ញុំគិតថាគ្មានអ្វីដែលរីករាយជាងជីវិតទទួលបាននូវភាពរីករាយនោះទេ។» នៅក្នុងជីវិតរស់នៅប្រចាំថ្ងៃរបស់យើង គឺពោរពេញទៅដោយបញ្ហា និងឧបសគ្គជាច្រើនរាប់មិនអស់។ ដូច្នេះហើយទើបការទទួលបាននូវក្ដីសុខ សុភមង្គល គឺជាអ្វីដែលយើងគ្រប់គ្នាតែងតែប្រាថ្នាចង់បាន ហើយការចេះផ្ដល់នូវភាពសប្បាយរីករាយដល់ជីវិតរបស់ខ្លួននៅក្នុងការរស់នៅប្រចាំថ្ងៃ គឺជាសេចក្ដីសុខមួយដ៏ប្រពៃសម្រាប់ជីវិតដែលពោរពេញទៅដោយបញ្ហាមួយនេះ។ សូមបញ្ជាក់ថា លោក John Davison Rockefeller កើតនៅថ្ងៃទី០៨​ ខែកក្កដា ឆ្នាំ១៨៣៩ ក្នុងទីក្រុងញូវយ៉ក សហរដ្ឋអាមេរិច និងស្លាប់នៅថ្ងៃទី២៣ ខែឧសភា ឆ្នាំ១៩៣៧ ក្នុងរដ្ឋ Florida។ លោក Rockefeller គឺជាអ្នកជំនួញជនជាតិអាមេរិច … Read More

បង្កើតភាពជាអ្នកដឹកនាំតាមរយៈការសួរសំណួរមួយនេះ

ភាពជាអ្នកដឹកនាំ ជាប្រធានបទដែលតែងតែមានគេលើកមកនិយាយ តែមិនសូវមានអ្នកធ្វើ។ អ្នកខ្លះ​គិតថា អ្នកដឹកនាំ ត្រូវនិយាយឲ្យបានច្រើន ហើយត្រូវនិយាយឲ្យឈ្នះគេ។ ការគិតបែបនេះ ក៏មិនខុសទាំងស្រុងដែរ ប៉ុន្តែអ្នកដឹកនាំនៅក្នុងស្ថាប័ននីមួយៗ ត្រូវសួរសំណួរមួយនេះសិន មុនពេលនិយាយ។

«អ្នកដឹកនាំ គឺជាអ្នកដែលធ្វើឲ្យភាពរញ៉េរញ៉ៃទៅជាភាពងាយស្រួល ធ្វើឲ្យការមិនចុះ​សម្រុង​គ្នា​ទៅ​ជា​ភាព​​ស្រុះ​​ស្រួលគ្នា ធ្វើឲ្យការលំបាក ក្លាយទៅជាឱកាស។»

Albert Einstein បាននិយាយថា «អ្នកដឹកនាំ គឺជាអ្នកដែលធ្វើឲ្យភាពរញ៉េរញ៉ៃទៅជាភាពងាយស្រួល ធ្វើឲ្យការមិនចុះ​សម្រុង​គ្នា​ទៅ​ជា​ភាព​​ស្រុះ​​ស្រួលគ្នា ធ្វើឲ្យការលំបាក ក្លាយទៅជាឳកាស។» ក្នុងនាមជាអ្នកដឹកនាំគំរូ ត្រូវចេះបើកចិត្តទទួលយកនូវការរិះគន់ស្ថាបនា និងកែលម្អ ពីមនុស្សនៅជុំ​វិញខ្លួន ជាពិសេស គឺបុគ្គលិកខ្លួនឯងផ្ទាល់។ ដោយហេតុថា ពួកគេជាមនុស្សដែល​បាននៅជិ​តនឹង​បញ្ហា​ច្រើនជាង​អ្នក។ ការទទួលយកការកែលម្អ វាមិនបានធ្វើឲ្យយើងបាត់​បង់តម្លៃជាអ្នកដឹ​កនាំ​នោះ​ទេ តែវាបាន​បង្ហាញថា អ្នកគឺជាអ្នកដឹកនាំដ៏ពិតប្រាកដម្នាក់។ អ្នកដឹកនាំដែលអស្ចា​រ្យ គឺ​ត្រូវតែមាន​គំនិត និងទស្សន​វិស័យវែងឆ្ងាយ និងបើកទ្វាទទួលយកការកែលម្អ។ លោក Joan Rivers ធ្លាប់បាននិយាយថា ខ្ញុំមិនមានវិធីសាស្ត្រដឹកនាំអ្វីនោះទេ អ្វីដែលខ្ញុំ​ធ្វើ​គឺ​គ្រាន់​តែ​ទទួលយកការពិតពីមនុស្សម្នាក់ៗតែប៉ុណ្ណោះ។ … Read More

“ការអាន” អត្ថិភាពទីមួយនៃការអភិវឌ្ឈខ្លួនឯង

បុគ្គលដែលអានសៀវភៅច្រើន គឺជាបុគ្គលដែលបានធ្វើលំហាត់ប្រាណខួរក្បាលរបស់ខ្លួនផ្ទាល់ ព្រោះថាខួរក្បាលរបស់មនុស្សគ្រប់រូបក៏ត្រូវការធ្វើលំហាត់ប្រាណ ផ្នែកសតិបញ្ញា ស្មារតី ឆន្ទៈ និងអារម្មណ៍ផងដែរ។ ការអាន ប្រៀបបីដូចជាលោកអ្នកបានបរិភោគចំណីអាហារសម្រាប់ខួរក្បាលរបស់អ្នកអញ្ជឹងដែរ ហើយចំណីអាហារនេះនឹងធ្វើឲ្យលោកអ្នកទទួលបានការអភិវឌ្ឃន៍ចំណេះដឹង ការគិតត្រិះរិះ ពិចារណា និងស្គាល់អ្វីដែលជាត្រីវិស័យ និងចក្ខុវិស័យក្នុងការពង្រឹងនូវសមត្ថភាពក្នុងការវិភាគទិសដៅនាពេលអនាគតសម្រាប់ដោះស្រាយបញ្ហាជីវិតផងដែរ។

John D. Rockefeller៖ «សូមកុំភ័យខ្លាច ក្នុងការបោះបង់រឿងល្អ ដើម្បីទទួលបាននូវរឿងដ៍អស្ចារ្យ។»

John D. Rockefeller៖ «សូមកុំភ័យខ្លាច ក្នុងការបោះបង់រឿងល្អ ដើម្បីទទួលបាននូវរឿងដ៍អស្ចារ្យ។» ជាការពិតណាស់យើងគ្រប់គ្នាតែងតែចង់បានអ្វីមួយដែលល្អ ហើយកាន់តែចង់បាននូវអ្វីដែលល្អឥតខ្ចោះថែមទៀត។ យ៉ាងណាមិញ យើងមិនអាចទទួលបានរបស់ទាំងពីរនេះព្រមគ្នានោះទេ ព្រោះយើងត្រូវធ្វើការលះបង់មួយចោលជាមិនខាន។ ដូច្នេះបានជាយើងតែងតែត្រូវបង្ខំចិត្តត្រូវធ្វើការលះបង់ដោយជឿជាក់ ថានឹងទទួលបាននូវអ្វីមួយដែលល្អប្រសើរជាងមុន។

រឿង មេអណ្ដើកប្រដៅកូន

មានអណ្ដើកមួយហ្វូងរស់នៅក្នុងល្អាងភ្នំដែលខ្សោះទឹកមួយកន្លែង។ ពួកកូនអណ្ដើកទាំងឡាយមិនចង់រស់នៅទីនោះទេ ព្រោះវាគ្មានទឹក ទើបពួកកូនអណ្ដើកទាំងនោះតែងតែលួចគេចពីមេវា ចូលទៅរកស៊ីតាមមាត់បឹងមួយនៅឆ្ងាយពីល្អាងភ្នំ ដែលសម្បូរចំណីអាហារគ្រប់បែបយ៉ាង។ មេអណ្ដើកតែងព្រមានដាស់តឿនដល់កូនៗជាញឹកញាប់ថា៖ “ពួកឯងមិនត្រូវទៅទីនោះទេ! មានមនុស្សចាំចាប់ពួកឯង…! បើគេចាប់បាន គេនឹងយកឯងទៅចិញ្ច្រាំជាមិនខាន!…” កូនអណ្ដើកស្ដាប់ពីត្រចៀកម្ខាង ធ្លុះទៅត្រចៀកម្ខាង មិនព្រមយកចិត្តទុកដាក់ស្តាប់ដំបូន្មានរបស់មេបាខ្លួនទេ។ ថ្ងៃមួយ ពួកវាក៏ណាត់គ្នាចេញពីរូងភ្នំឆ្ពោះទៅកាន់បឹងនោះម្ដងទៀត។ វាដើរចាប់ចំណីស៊ី ប្រឡែងគ្នាលេង សើចក្អាកក្អាយសប្បាយភ្លេចខ្លួន ពុំមានចាប់ភ្លឹកថា នាយព្រានមកសំងំចាំលើដើមឈើ តាំងពីពេលមុនមកហើយនោះទេ។ គេយកអន្ទាក់លួសមកទាក់កកូនអណ្ដើកម្ដងមួយៗ មានតែកូនអណ្ដើកដែលសំងំពួនក្នុងកន្លៀតថ្មប៉ុណ្ណោះដែលសល់រស់រួចជីវិត។ ពេលឃើញកូនរបស់ខ្លួនត្រឡប់មកវិញតែពីរបីក្បាល មេអណ្ដើកភិតភ័យជាខ្លាំង សួរទៅកូនៗថា៖ “ពួកឯងនាំគ្នាទៅលេងបឹងនោះទៀតហើយឬ? ប្រាកដជាជួបនឹងនាយព្រាននោះហើយមែនទេ?” កូនអណ្ដើកនិយាយបណ្តើរ … Read More

វិធីសាស្រ្តនៃភាពជាអ្នកដឹកនាំ

Warren G. Bennis បានលើកឡើងថា “ភាពជាអ្នកដឹកនាំ គឺបំផុសស្មារតី និងសាងកម្លាំងចិត្តដល់អ្នកក្រោមបង្គាប់។” ភាពជាអ្នកដឹកនាំ ត្រូវបានគេយល់គឃើញថា ជាបញ្ញត្តិមួយដែលកើតមានមកតាំងពីកំណើតដោយសារវាតែងបង្ហាញឲ្យគេឃើញយ៉ាងជាក់ចាស់តាមរយៈបុគ្គលដែលជាវរីជនប្រវត្តិសាស្រ្តទាំងឡាយ។ ហេតុនេះទើបគេយល់ឃើញថា ភាពជាអ្នកដឹកនាំ គឺជាការរួមផ្សំគ្នារវាងក្តីក្លាហាន អំណាចបារមី និងសមត្ថភាពពីសេសផ្សេងៗជាច្រើនទៀត ដូចដែល ល្វីស អាមស្រ្តង (Louis Armstrong) តន្រ្តីករ ហ្សាស់ស៍ (Jass) ឈានមុខគេកម្រិតពីភពលោកធ្លាប់បានពោលថា “បើអ្នកនៅតែសួរថា ភាពជាអ្នកដឹកនាំគឺជាអ្វី អ្នកក៍ពុំមានថ្ងៃរកចម្លើយឃើញដែរ។” សព្វថ្ងៃ មនុស្សមានភាពវៃឆ្លាតជាងមុន ព្រោះតែយើងស្ថិតនៅក្នុងស្ថានភាពជំនួញ … Read More

ចូរគ្រប់គ្រងឲ្យបានលើកត្តាដែលបំផ្លាញភាពជឿជាក់របស់អ្នក

លោកអ្នកត្រូវជៀសឲ្យឆ្ងាយពីមនុស្សអវិជ្ជមាន។ អ្នកគួរញញឹមឲ្យបានញឹកញាប់ និងច្រើនឡើង ហើយឈប់ធ្វើការប្រៀបធៀបខ្លួនអ្នកនឹងអ្នកដទៃ។ លើសពីនេះ អ្នកគួរងាកមកបង្កើនការជឿជាក់លើសមត្ថភាពរបស់ខ្លួនឯង ព្រមទាំងសម្លឹងមើលឲ្យវែងឆ្ងាយទៅមុខ ជាពិសេសត្រូវប្រើការយកចិត្តទុកដាក់ខ្ពស់ ដោយបញ្ចេញនូវអ្វីដែលវិជ្ជមានសម្រាប់អ្នក និងអ្នកនៅជុំវិញអ្នក។

ភាពជាអ្នកដឹកនាំ៖ ចង់ដឹងចង់លឺ និងមានភាពច្នៃប្រឌិត

អ្នកដឹកនាំដ៍ល្អប្រពៃ តែងតែសិក្សាបន្តឥតឈប់តសម្រាប់ខ្លួនឯងជានិច្ច។ ពួកគាត់សុទ្ធតែជាអ្នកចង់ដឹងរឿងរ៉ាវទាំងឡាយ ហើយស្វែងរកគំនិត របកគំហើញ និងព័ត៌មានថ្មីៗ។ អ្នកដឹកនាំដែលល្អបំផុតនេះ គឺជាអ្នកយល់ដឹងពីការវិវត្ត និងទំនោរថ្មីៗ ដែលទទួលបានពីគ្រប់ទីកន្លែង ហើយតែងតែប្រមើមើលរកនូវចំណេះដឹង និងព័ត៍មាន ឬបុគ្គលិក ឬអ្នកក្រោមបង្គាប់ដែលអាចផ្តល់ជាយោបល់ដល់គាត់បាន និងផ្តល់រង្វាន់ ក៍ដូចជាគុណសម្បត្តិដល់ពួកគេ។

ភាពជាអ្នកដឹកនាំ៖ ការទទួលបាននូវការគោរពពិត

 អ្នកដឹកនាំទាំងឡាយណាដែល ​”និយាយហើយធ្វើ មិននិយាយចោល” ជាបុគ្គលគំរូបំផុតសម្រាប់ក្រុមការងារ ក៏ដូចជាក្រុមហ៊ុន និងអ្នកវិនិយោគជាមួយដទៃទៀតផងដែរ។ អ្នករាល់គ្នានឹងគោរពដោយស្មោះស្ម័គ្រចេញពីចិត្តចំពោះការផ្តល់តម្លៃ និងការគោរពទៅវិញទៅមកជាក់ជាមិនខាន។ នៅពេលដែលលោកអ្នកបង្ហាញ និងអនុវត្តខ្លួនអ្នកប្រកបដោយសីលធម៌ គុណធម៍ និងគំរូដ៏ល្អសម្រាប់ពួកគាត់ធ្វើតាម នោះលោកអ្នកនឹងទទួលបានការគោរពយ៉ាងពិតប្រាកដពីបុគ្គលិក និងមនុស្សម្នាជុំវិញខ្លួនអ្នក។

ភាពជាអ្នកដឹកនាំ៖ ភាពជាអ្នកមានសិទ្ធិ

ក្នុងភាពជាអ្នកដឹកនាំដ៏ប្រពៃ គឺត្រូវធ្វើចរឹតជាក់ស្តែងដែលជារបស់លោកអ្នកពិតៗ។ ធ្វើម៉េចកុំតាំងខ្លួនអស្ចារ្យហួសហេតុពេក ហួសមាឌរបស់ខ្លួន ដែលធ្វើឲ្យមានការពេបមាត់ ពេបជ្រាយ ហើយអ្នកនឹងមិនមានការគោរពសរសើរដ៏ពិតប្រាកដណាមួយឡើយពីបុគ្គលិកក្រោមបង្គាប់។ គួរសួរខ្លួនឯងថា លោកអ្នកជាមនុស្សបែបម៉េច? បើទោះជាបែបណា ក៏គួរតែបង្កើតសំណើចសម្រាប់បុគ្គលិកក្រោមបង្គាប់ផងដែរ។ លោកអ្នកត្រូវប្រើភាពខ្លាំង និងបុគ្គលិកលក្ខណៈពិតៗ ក្នុងការបង្កើតនូវស្តាយ៍ (Style) ក្នុងការដឹកនាំដោយខ្លួនលោកអ្នក។

ភាពជាអ្នកដឹកនាំ៖ យកឈ្នះឲ្យបាននូវភាពជឿទុកចិត្ត

បុគ្គលិក ត្រូវបានគេដឹងថានឹងមានជំហរកាន់តែស្មោះត្រង់ និងពេញចិត្តការងារនៅក្នុងកន្លែង ឬបរិយាកាសការងារមួយដែលដឹកនាំដោយអ្នកគ្រប់គ្រងដែលពួកគាត់ជឿទុកចិត្ត។ វិធីដែលធ្វើឲ្យបុគ្គលិកមានអារម្មណ៍ និងធ្វើបែបនេះ មានច្រើនយ៉ាង៖ លោកអ្នកអាចប្រើការយកចិត្តទុកដាក់លើបុគ្គលិកទៅតាមកន្លែងធ្វើការនិមួយៗ។ មិនគួរលូកដៃចូលជ្រៅពេកទៅក្នុងរឿងបុគ្គលរបស់ពួកគាត់ឡើយ ប៉ុន្តែអាចលើកទឹកចិត្តដោយប្រយោលដល់ពួកគាត់ ដោយសួរនាំពីការរៀនសូត្រ និងការហាត់ ឬលេងកីឡារបស់កូនៗគាត់ទៅវិញ ល្អជាង។ ជានិច្ចកាលត្រូវបង្ហាញដោយមិនមានល្បិចកលថា អ្នកដឹកនាំចាប់អារម្មណ៍ពីភាពជោគជ័យរបស់បុគ្គលិក ហើយពិភាក្សាផ្តល់យោបល់ពីអាជីពការងាររបស់ពួកគាត់។ នៅពេលពេលបុគ្គលិក អ្នកលក់ ឬនរណាបានធ្វើអ្វីខុស សូមកុំព្យាយាមរិះគន់ បង្អាប់ បន្ទោស ឬកែគាត់ពេលកំពុងខឹងឲ្យសោះ មិនមានលទ្ធផលទេ។ លោកអ្នកត្រូវតែពន្យល់ពីស្ថានភាពកំហុសនោះ ដោយស្ងប់ស្ងាត់ ហើយបង្ហាញពីមូលហេតុ ឬសកម្មភាពនៃអាកប្បកិរិយាពួកគាត់យ៉ាងម៉េចដែលធ្វើទៅមិនត្រឹមត្រូវនោះ ក៏ដូចជាអ្វីដែលលោកអ្នកចង់បានពីគាត់នៅពេលខាងមុខផងដែរ។ … Read More

ភាពជាអ្នកដឹកនាំ៖ ជួបបញ្ហាត្រូវតែដោះស្រាយ

ភាពជាអ្នកដឹកនាំ ជាទូទៅត្រូវបានស្គាល់ថាជាមូលដ្ឋានគ្រឹះនៃមនុស្សគ្រប់គ្នាក្នុងការដឹកនាំខ្លួនឯង អ្នកដទៃ មិត្តភ័ក្តិ ឬក៏ក្រុមការងារ…ជាដើម។ ទោះក្នុងកាលៈទេសៈណាក៏ដោយ ភាពជាអ្នកដឹកនាំរបស់អ្នកគ្រប់គ្នាតែងតែមាន គ្រាន់តែពេលខ្លះលោកអ្នកដឹង ពេលខ្លះមិនដឹង ឬមិនទាន់ស្វែងយល់នៅឡើយ។ អ្នកដឹកនាំដែលអស្ចារ្យ គឺក្លាហានណាស់ក្នុងការប្រឈមនឹងរាល់បញ្ហា ប្រកបដោយចំណេះដឹង និងប្រឹងប្រែងយ៉ាងស្មោះស្ម័គ្រដោះស្រាយបានយ៉ាងល្អ។ ទោះស្ថិតក្នុងកាលៈទេសៈធ្លាក់ចុះដុនដាបដល់កម្រិតទាបបំផុតយ៉ាងណាក៏ដោយ អ្នកដឹកនាំប្រកបដោយប្រសិទ្ធភាពហ៊ានប្រឈមនឹងបញ្ហាទាំងនេះដោយមិនគេចវេសឡើយ។ ការបង្កើតទំនាក់ទំនងជាធម្មតាមួយជាមួយនឹងបុគ្គលិកក្រោមបង្គាប់ ដោយបង្ហាញ ឬប្រាប់ពីព័ត៌មាន​ ឬអ្វីៗដែលល្អៗ និងមិនល្អ…ទាំងនេះនឹងនាំដល់ការបង្កើតការជឿជាក់ដ៏ខ្ពស់មួយ រវាងបុគ្គលិក និងថ្នាក់ដឹកនាំ ហើយអ្នកទាំងអស់គ្នា នឹងមិនជួបនូវបញ្ហា ឬវិវាទផ្លូវចិត្តដែលកើតឡើងភ្លាមៗនោះដែរ។ Handal បានលើកឡើងថា “ការនិយាយខ្សឹបខ្សៀវនៅកន្លែងញ៊ាំកាហ្វេ ជាទូទៅវាទំនងជាអាក្រក់លើសការពិតរហូតដល់១០ដងឯណោះ។” … Read More

តើអ្វីទៅភាពជាអ្នកដឹកនាំ?

ភាពជាអ្នកដឹកនាំ អាចត្រូវបានគេពន្យល់ និងឲ្យនិយមន័យជាច្រើនផ្សេងៗគ្នា។ ថ្ងៃនេះ យើងសូមលើកយកនិយមន័យមួយចំនួនរបស់ភាពជាអ្នកដឹកនាំមកជូនលោកអ្នកដូចខាងក្រោម៖ ភាពជាអ្នកដឹកនាំ គឺជាការដាក់បញ្ចូលគ្នារវាងការបញ្ចុះបញ្ចូល និងចំណង់ ដែលលទ្ឋផលកើតចេញមកពីមនុស្សធ្វើកិច្ចការ ឬពួកគេអាចមិនធ្វើកិច្ចការនោះ។ ភាពជាអ្នកដឹកនាំ គឺជាឥទ្ឋិពលរបស់អន្តរបុគ្គល ដឹកនាំ និងសម្រេចគោលដៅតាមរយៈការប្រាស្រ័យទាក់ទង។ ការប្រាស្រ័យទាក់ទង សំដៅទៅលើការបញ្ជូន និងទទួលសារទាំងឡាយ។ យោងតាមនិយមន័យនេះ អ្នកដឹកនាំម្នាក់អាចបញ្ឈប់ភាពចង្អៀតចង្អល់ ហើយផ្តល់នូវពាក្យពេជន៍លោកទឹកចិត្ត អំពីការកើនឡើងចំនួននៃទស្សនៈរបស់គេ សម្រាប់អ្នកដឹកនាំដ៍មានឥទ្ឋិពលទាំងឡាយ។ លោក Nortouse (២០០៤) បានកំណត់អត្តសញ្ញាណ៤យ៉ាងរបស់ភាពជាអ្នកដឹកនាំ៖ ភាពជាអ្នកដឹកនាំ គឺជាដំណើរការ។ ភាពជាអ្នកដឹកនាំ ទាក់ទងនឹងឥទ្ឋិពល។ … Read More

មូលដ្ឋានគ្រឹះនៃការគ្រប់គ្រង និងភាពជាអ្នកដឹកនាំ…!!!

ខាងក្រោមនេះគឺជាចំណុចសំខាន់ៗ ក្នុងការស្វែងយល់អំពីមូលដ្ឋានគ្រឹះនៃការគ្រប់គ្រង និងភាពជាអ្នកដឹកនាំ៖ តើការគ្រប់គ្រងត្រូវធ្វើអ្វី? តើអ្វីជាមុខងារនៃការគ្រប់គ្រង? ការគ្រប់គ្រង ឬការចាត់ចែង គឺជាការសំរេចកិច្ចការ ដោយផ្អែក ទៅលើមនុស្ស និងធ្វើការជាមួយមនុស្ស៖   ការធ្វើផែនការ ការចាត់ចែង ការដឹកនាំ ការត្រួតពិនិត្យ   ការសំរេចផែនការ ដោយផ្អែកទៅលើមនុស្សមាន៖ អ្នកគ្រប់គ្រងត្រូវមានលិទ្ធភាពដឹកនាំ និងជំរុញទឹកចិត្តមនុស្សរបស់ពួកគេ អ្នកគ្រប់គ្រងត្រូវ មានលិទ្ធភាពចងក្រងជាក្រុមដោយមានទិសដៅ និងគោលដៅរួម និយាយរួម អ្នកគ្រប់គ្រងត្រូវមានលិទ្ធភាពប្រើប្រាស់ធនធាន ដែលមានតម្លៃរបស់ក្រុម ឧទាហរណ៏ ដូចជាធនធានមនុស្ស ដោយមានលក្ខណៈពេញចិត្តគ្នាទៅវិញទៅមក។ … Read More